C'est le n» 392 de l'Inventaire publié par M. de Laborde

3o4 COUPES d"argent doré

le pié est à vi quarrés, sur lequel a vi esmaus bêlions d'asur, où il a en chascun une ame ' cadelée, dorée et couronnée; et est le boceau de la jambe à vi quarrés. Et ou fons de ladicte coupe a un esmailhault assiz, fait en manière de petis compas de vermeil et d'asur à croizetes d'or : et ou milieu dudit esmail a un autre petit esmail ront vert, où est une ame dorée cadelée. Et sur le couvercle sont quatre esmaus pareulz de ceulz qui sont sur le pié de ladicte coupe, à un fretel de quatre fueilles d'aubespine. Dedens lequel couvercle a un autel et pareil esmail comme celui qui est ou fons d'icelle. Et poisc ii mars ii onces.

gi8. Une coupe couverte d'argent, dorée et cizellée, semée d'esmaulz, toute double, dont le siège du pié, qui est plat et roont, se extent dehors, et sur le tour d'icelli pié a une orbevoie d'osteaux à jour, et autour du haut un souaige greneté; et sur le plat dudit pié a comme vi raix hauciez, garnis dessus de plusieurs bouillons descendans du bas bout du piller : et se extendent sur le plat da pié qui est par quartiers semé d'esmaulz à osteaux, es quelz a diverses bestes. Et a euvres entre yceulz esmaux, cizellées menuemcnt à plusieurs bouillons saillans dessus. Et le piller qui est à vi quarrés, comme de maçonnerie, est garni autour du bas d'un souaige grenetté; et dessus a vi fenestraiges esmaillez d'azur et de vermeil à fueillaiges sur lesquelz a une reprinse de maçonnerie garnie de plusieurs souaiges et d'un petit grenetté; et le pommel dudit piller est à vi costcs garni autour, dessuz et dessouz de souaiges grenettés et par quartiers, haut et bas, à esmaux à petittes bestelletes et cizelleures à bouillons saillans; et sur la reprinse haute dudit piller a trois fueillaiges, chascun de trois fueilles de trefïle enlevées. Et le dehors de la coupe est tout ouvré de la devise que est le dessus du pié : et dedens est ycelle coupe ouvrée à vi fenestraiges cizellez dedens et à l'environ, et y a plusieurs bouillons hauciez sur la cizelleure, et en chascun fenestraige sur les costez a deux roses emboutiées; et autour du fons d'icelle coupe a une ceincte cizellée à fueilliages de treffie emboutis, et ou millieu siet un roont esmail de vert à tour de compas ouquel a trois lis azurés. Et le couvercle est ouvré dehors et dedens, tant en esmaulz comme autrement, de