COUPES D ARGENT BLANCHES A SOUAGES DORES
GRANS CORS DE BUGLE, GARNIS D ARGENT DORE A TREPIE, COUVERS ET SANS COUVERCLE.
932. Un grant cor, garni d'argent doré \ cizellé et semé d'esmaus par la gueule, et y a viii esmaus en compas, dont l'un est de nos armes et si en y a un du pape Clément de Beaufort; et entre chascun esmail a une fueille de chesne. Et parle corps dudit cor a deux bendes tout autour, et est l'une esmailliée de la devise de la gueule et y a deux longues jambes qui soustiennent ledit cor, et l'autre bende est semée de petis esmaus vers esqucls a petites rosetes; et y a aussi deux courtes jambes. Et ou bout du cor a deux escuçons l'un de nos armes, et l'autre de Beaufort; et au dessus d'iceuls escuçons a un gros pommel ouquel a quatre petis esmaus de nos armes et des armes de Beaufort. Et sur ledit pommel a un fretel à fueillages et oizellez qui ont anelez pendans à leurs becs. Et le couvercle est esmaillié de vert à pluseurs bestes sauvages; et y a quatre grans esmaus ; et en l'un a un homme séant en une chaiere, qui