C'est le n* SgS de l'Inventaire publié par M. de Laborde
HANAPS d'argent DORÉ BlI
Seigneur et pluseurs autres ymages, et par dedens a gens qui chevauchent en alant en déduit; et en Tesmail du fons sont Adam et Eve; et en l'esmail du couvercle dedens, a une ymage de Nostre Dame et un hermitte qui escript : « Gaude virgo », et tient sa main senestre devant son visage. Etl'esmail du siège du trepié est semé de petis oyseaus, ou milieu desquels a un homme qui tient un arc de Turquie en sa main. Et poise en tout vu mars. 938. Un hennap d'argent, doré et esmaillié par girons ' dont es uns a arbres et gens qui chacent à bestes sauvages, et es autres a losenges vermeilles es quelles a flouretes d'or et losenges azurées à serpentelles et bestes sauvages : et le couvercle est de celle devise et le siège du pie aussi. En l'esmail du fons dudit hennap, qui est doré et cizellé, a un homme qui tient un chien en lesse et corne après un sengler. Et en l'esmail du couvercle a un homme qui porte un lièvre à son col. Sur ledit couvercle a un haut fretel à fueillages et dessus a un bouton esmaillié d'asur et de vert. Le trepié est tout esmaillié dehors à fenestrages, et entre deux piez pent une filatere d'azur. Et poise en tout VI mars un onces xii deniers.
HENNAPS D ARGENT COUVERS ESMAILLIES, SANS TREPIE.
939. Un hennap couvert, sans trepié, doré et esmaillié, tout dedens hachié et cizellé sans nuls souages, es quels esmaus dudit hennap sont tous esmailliés les chevaliers qui furent au pas Salhadin en grans fenestrages cizellés et dorez. Et l'esmail qui est ou fons dudit hennap est d'asur, en quoy sont figurez à cheval et à pié Salhadin et sa bataille. Et le dehors d'icelui hennap est cizellé à fueillages; et sur le couvercle a vi esmaus grans fais en maniera d'un estrief où sont pluseurs gens d'armes à pié et à cheval; et en l'un desdis esmaus est une royne qui ystd'un chastel, vestue d'un surcot ouvert vert, que un homme armé, tient par la main. Et le plain dudit couvercle est hachié et cizellé à fueillages, crénelle tout environ. Et dessus le fretel a une grosse pierre de voirre, en couleur de saphir, bellongue.
