YMAGES D APOSTRES ET DE SAINT JEHAN BAPTISTE D ARGENT DOREZ

41 1 . Une ymage de saint Jehan Baptiste ' d'argent doré, vestu d'une cote faicte d'une pel velue par dehors, et sur la cote a vestu un mantel escourcié dessous son bras senestre. Et est sur un entablement à vi costes ; et sur chascune coste a un piller qui part de dessus un lioncel dont ledit ymage et entablement sont soustenus; et ou plat desdictes costes a esmaus azurez de sa vie; et ou bas dudit entablement a autres esmaux de vignete azurez, et deux desdis esmaus sont effaciez. Et poise en tout xxv mars VI onces.

412. Une ymage de saint Jehan Baptiste ' estant sur un entablement esmaillié d'asur, à angres jouans de pluseurs instrumens; et est porté de trois lionceaus. Et tient ladicte ymage en sa main senestre un reliquiaire ront de cristal garni autour d'argent doré; et de sa main destre monstre : m Ecce Agnus Dei ». Et poise en tout xi mars une once.

413. Une ymage de saint Jehan Baptiste ' estant sur un entablement esmaillié d'asur, à angres jouans de pluseurs instrumens. En sa main senestre tient un Agnus Dei qu'il monstre de la main destre, et a vestu une cote en manière de poil et un mantel par dessus; et derrière sa teste a un diadème doré par dehors et esmaillié d'asur par devers la teste. Et poise VI mars 11 onces vi deniers.

414. Une ymage de saint Jehan Baptiste, vestu d'une haire et d'un mantel par dessus; et a un diadème derrière sa teste, dont la bordeure de dedens est vermeille; et porte en sa main senestre un reliquiaire de cristal ront et dessus a un Agnus Dei, et de la destre main le monstre au doit. Et est ladicte ymage sur un entablement à quarrcs, et esmaillié d'asur à angres qui jouent de pluseurs instrumens; et dessous yceuls angles a un esmail gresie comme une litte, qui va tout autour dudit pié et y a testes d'apostres et est porté de trois lyons gisans. Et poise un mars.