IMAGES D AUTRES SAINTS EN ARGENT DORÉ I
OÙ il a deux demis cercles en crois; et est ladicte couronne semée de perles et d'autre diverse pierrerie : et sur le bout de ladicte couronne a une grosse pierre azurée agûe, et aus deux costez des oreilles a deux fanons semez de pierrerie. Et poise en tout XXX mars vu onces.
44'3. Une ymage de saint Denis, estant sur un entablement porté de vi lions gisans et garni de souages; et entre yceuls souages a une lite esmaillié d'azur, semée de pluseurs besteletes, et dessouz ses pies a tout autour oteaus à jour : et ou front devant a une ymage dudit saint esmaillié d'azur, et ladicte ymage tient son chief entre ses mains, lequel chief est mittré. Et l'image est emmantelée d'un mantel aus armes de France toutes plaines. Et poise xxix mars ii onces.
444. Une ymage de saint Martin ', arcevesque de Tours, estant sur un entablement à vi quarrés à compas à jour, excepté que en la quarré devant a un esmail d'asur ouquel saint Martin est à cheval et trenche son mantel au povre ^; et la bordeure de dessouz est esmaillié à pluseurs bestes sauvages et est porté de m lionceaus gisans; et a ses mains en ses gans ', de sa main destre donne la beneiçon et de l'autre tient sa crois qui est à II croisillions, et est revestu de adournemens à chanter messe, et sur sa teste a sa mittre garnie de pierres vermeilles et bleues et les fanons par derrière. Et poise xxvi mars ii onces.
445. Une ymage de Saint Loys de Marseille, estant sur un haut entablement à vi quarrés, sur chascune desquelles a un esmail dont le premier devant est vert, et y a un escuçon de nos armes et es autres a angles qui font diverses contenances et y a pluseurs souages et est portée de vi grans pâtes; et dessus nozdictes armes est escript : « Saint Loys de Marseille ». En sa main destre tient une croce, et en la senestre une couronne ; et est vestu d'un mantel qui ferme à une couronne en la poitrine ; et sur sa teste a sa mittre esmaillié à rosettes vermeilles et blanches,