IMAGES D AUTRES SAINTS EN ARGENT DORE

escript : « Sanctus Giiillermus, cornes Pictavie et dux Acquittanie ». Et poise en tout v mars une once.

454. Une ymage de saint Loys, roy de France ', estant sur un entablement porté de trois pâtes; et est couronné, et a ou dos un guischet quarré, et en sa main destre tient une verge et ou bout de laquelle a une main, et en la senestre tient un sceptc. Et poise un mars un onces,

455. Une ymage de saint Wisselau de Gouesme {sic) d'argent doré, assis sur un entablement de vi pans, un pou plus long que large, que vi lions portent ; et est chascun pan garni de petis pilliers de maçonnerie couchiés sans grant enleveure et souages férus de croisetes, dont le premier pan est garni d'envoirremens de cristal, dedens lequel a un os de saint autour duquel a un rolet esmaillié où il a escript le nom du saint, et les autres pans sont esmailliés de pluseurs ystoires, excepté que en l'un sont deux escuçons dont l'un est esquartelé des armes de Lucembourc et l'autre est de gueules à un treffle vert. Et ledit ymage tient en la main destre un septre fait de fueillages de chesne qui se avalent, ou bout desquelles a perles, et entre ycelles fueilles a aucuns grains vermeuls; et en l'autre main tient une pomme roonde sur quoy est une croix. Et est vestue ladicte ymage d'un mantel qui tient par devant a une atache faicte d'orfavrerie où il a deux perles et vi grenez bleus et vermeuls; et sur chascun costé dudit mantel où tient ladicte atache, a un fermail sans broche, esmaillié à vi perles tout autour. Et sur sa teste porte une couronne faite en la manière que l'empereur la porte, garnie de doublez bleus et vermeuls et de troches de perles, et sur chascun des grans flourons a un esmail vert, et a une crois sur le haut de ladicte couronne. Et poise vi mars 11 onces XVIII deniers.

456. Une ymage de saint Martin d'argent dore, monté sur un cheval dont le bernois de la selle est vermeil, assis sur un entablement que quatre lions portent, lequel est hachié de rosiers; et est sur l'entablement le povre qui est affublé d'une partie du manteau dudit saint Martin qui le trenche à l'espée, lequel povre a une potence en sa main. Et sur le devant dudit

I, C'est le n" 30 de l'Inventaire publié par M. de Laborde-

IMAGES DE SAINTES EN ARGENT DORÉ l83

entablement a un reliquiaire bellonc et quarré. Et poise xi mars une once et demie.

457. Une ymaige de saint Clément d'argent ' et bien finement doré, lequel est assis en une chaiere revestu comme un pape et a le pallion esmaillié par manière de couponneure, et les costez sont férus de croisettes, et a sur la teste le thyaire où sont trois couronnes, et sur le bout du thyaire a un bon saphir ; et a derrière sa teste un dyadesme haichié de greneteure. Et tient ledit ymaige en sa main senestre une ancre qui est fourchée en trois. Et est assis ledit ymage sur un grant entablement bellonc à VI costes que vi serpentelles à visaiges d'ommes portent. Et par le milieu dudit entablement a plusieurs esmaulx où sont Nostre Seigneur, Nostre Dame, saint Jehan l'Ewangeliste et plusieurs sains et saintes. Et environ ladicte chaiere a trois piliers de maçonnerie. Et poise xxv mars vi onces xv esterlins,

458. Un ymage de saint Martin d'argent et très finement doré, monté sur un cheval et assis sur un entablement bellonc que quatre lyonceaux portent, lequel entablement est tout haichié à roses doubles et à rainceaux de lis. Et y est le povre tout nu à qui saint Martin trenche une partie de son mantel à son espée, dont il se envelope : et tient le povre une potence à quoy il s'apuye. Et saint Martin a sur sa main senestre un reliquiaire ront de cristal, sur lequel est un ymage de sainte Katherine qui tient la roe et une palme. Et poise xi mars v onces.