I. C'est le n* 3 de l'Inventaire publié par M. de Laborde

2o8 PAIX d'argent doré

paix est esmaillié d"azur, et y est Nostre Seigneur en crois et Nostre Dame et saint Jehan à ses costez ; et dessus sont la lune et le soleil. Et le dehors de ladicte paix est blanc, auquel tient une anse tournée à jour à demi roont et reploiée dessous à une potence qui apuie ladicte paix. Et poise vi onces v estellins.

553. Une autre paix d'argent dorée, tournée sur la façon d'un pingnon de chapelle, apuié aus deux costez de deux pilliers bouterez à archieres à jour. Et les hors de ladicte paix sont descendans sur le dedens et hachiés à endenteures garnis sur le dehors tout autour d'un menu souage, endenté comme à grains. Et sur les deux avalemens du haut du pingnon a fueillages enlevez, et sur le bout une fueille comme d'espine. Et le dedens de ladicte paix est esmaillié d'asur à une crois d'or, sur laquelle est Nostre Seigneur enlevé et à ses costez Nostre Dame et saint Jehan enlevez sur l'esmail dessus petis entablemens agus ; dessous et sur le bas a une terrace vert et longuete sur le roont, goûtée de blanc et de vermeil. Et le derrier de la paix est blanc, là où tient une anse dorée dehors et reploiée, au bout de laquelle sur le bas a une fueille d'espine comme en treffle, qui fait pâte à soustenir droite ladicte paix. Et poise i marc x estellins.

554. Une autre paix d'argent dorée et esmailliée, tournée sur le quarré plus lonc que large et garnie sur les hors du dedens, qui sont encavez, d'un souage féru à croisetes. Et le dedens est tout esmaillié d'asur à losenges fleuretées en orbeur. Et a trois demis fenestrages sur le haut, dont les entredeux sont vers. Et sur le mileu dudit esmail est Nostre Seigneur en crois et à ses costez Nostre Dame et saint Jehan. Et le dehors de ladicte paix est chanfreté de vert, pommeté d'or à losenges où sont esmailliées diverses bestes. Et l'anse est à jour, tournée sur le quarré, tenant à la paix à 11 fueilles d'espine. Et sur le dehors est garnie d'un costé est d'autre d'un haut soage de 11 autres férus à croisetes. Poise I marc.

555. Une autre paix d'une fleur de lis d'argent dorée, garnie tout autour de pluiseurs souages et esmailliée d'asur sur le devant, dedens les fleurons qui sont ouvrez sur le dessus comme à demis fenestrages d'argent enlevez. Et dedens l'esmail du haut fleuron est Nostre Seigneur en crois ; et dedens les deux des costez sont assis sur terrace vert Nostre Dame et saint Jehan,

BÉNITIERS d'argent DORÉ 209

faisans chieres desconfortées. Et se tient et apuie ladicte paix sur le bas derrière à deux jambes qui ont pâtes de chien. Et l'ance par laquelle se porte ladicte paix est grosse et quarrée. Et poise ladicte paix i marc vu onces.

BENOISTIERS ET ASPERGES D ARGENT DORES SEMES D ESMAULS.

BENOISTIERS ET ASPERGES D ARGENT DORES HACHIES.

556. Un benoistier d'argent doré pour chambre, dont le pié est bordé de deux souages grenetez et porté de trois pâtes de chien et le corps est court et gros et ront comme un pot de cuisine, et ouvré comme d'escailles; et entour le col est bordé d'une hacheure endentée dessous, laquelle a fueillages. Et la gueule est bordée d'un souage greneté, et le bort du couvercle d'un autre pareil souage; et ledit couvercle est ouvré à escailles comme le benoistier, et dessus a un fretel ouquel a un pommel à VI costes et dessus une crois double. Et oudit benoistier a quatre chaiennes doubles tenant à une platene dessus. Et y a un aspergés d'argent doré à un pommel ront au bout, loié en deux lieux par le milieu de deux pommelles costez, et à l'autre bout est agu. Et poise i marc vi onces xvii deniers.

557. Un benoistier d'argent doré et hachié à lettres de Dammas à fueillages et autres choses, lequel est à vi quarrés; et par le pié et la gueule est garni de souages grenetez, et est assés large par la gueule. Et l'anse est faite en manière d'un fenestrage et se tient l'anelet dessus à un fueillage massie : parmi laquelle anse passe. Et l'aspergiés est hachié par quartiers et fueillages, et est à un bout de la façon d'une poire, et à l'autre de la façon d'un fer de masse. Et poise tout m mars m onces vi deniers.