C'est le n» 287 de l'Inventaire publié par M. de Laborde

porte de maçonnerie à deux petites tournelles pour entrer en ladicte basse court, sur laquelle porte [a] une petite maison à apentis et à fenestrages d'avalemens : et sur le ront desdictes grosses tours a une tournelle ronde couverte d'esmail asuré; et aus deux bous desdictes grosses tours a sur chascun une tournelle de la devise des autres cy dessus escriptes : laquelle basse court est toute esmailliée de vert en manière d'un rochier sur quoy sontgrant nombre de gens d'armes, archiers et autres, les uns tenans glaives et les autres haches et espées, dont les aucuns tiennent aus mains penons des armes de France et des nostres, et y a deux trompettes ; lesquelles gens d'armes assaillent les deux barrières qui sont aus portes d'un chastel qui est assis sur ledit rochier. En chascune des barrières sont trois hommes d'armes pour la deffendre, dont l'un tient un penon de nos armes et se tient très devant la porte dudit chastel. Environ le premier estage à vi tours où il a en chascune un homme d'armes qui gete gros caillous sur ceuls qui assaillent lesdictes barrières et un arbalestrier qui li trait. Et entre les tours des deux bous a une maison à deux pingnons crenellée et à fenestrages de maçonnerie; dedens lequel estage a un grant donjon quarré à quatre tours, dont la couverteure est csmaillié d'asur, et en chascune tour une yraigne de fer; et oudit donjon a deux portes, devant chascune desquelles est un homme vestu d'un mantel, qui tient s'espée : sur chascune desquelles portes a une assés haute maison à fenestrages de maçonnerie. Et entre lesdictes quatre tours est assise le corps de ladicte nef sur une reprinse garnie de quatre fueilles d'arable. Ou corps de laquelle nef sont quatre esmaus d'asur, où il a en chascun un homme d'armes qui tient une hache. Et sur les bous de ladicte nef a deux chasteaus garnis de telles tours et creneaus comme est ledit donjon, es quelles tours sont gens d'armes, dont les uns ruent mangonncaus et glaives, et les autres espées. Et au plus haut dudit donjon a une eschauguete assés haute faite de maçonnerie, sur quoy est un homme qui trompe, et à sa trompeté pent une baniere de nos armes; et pour aler en ladicte eschauguete a un eschallier de pierre de taille où est un homme d'armes qui y monte le glaive au col ; et à l'entrée de la porte dudit donjon est un homme d'armes qui tient sur bout un

glaive : et devant ycelle a pluseurs gens d'armes qui deffendent. Le boille d'icellui est clos de muraille crenclléc à deux grosses [tours] devant par dedens ladicte nef, entre lesquelles tours sont deux hommes d'armes dont l'un tient un panon des armes de France et les autres des nostres. Et par dedens ladicte nef sur le bort, lequel est esmaillié d'une terrace, sont pluseurs gens d'armes, archiers et arbalestiers qui assaillent ledit boille. Et sont les souages du bort de ladicte nef, et aussi de l'assiete des chasteauxqui y sont, à grans orbevoies à jour et crenellées, sur lesquels bors a chascun costé une maison à haute cheminée et à fenestrages quarrez. Et poise en tout cxiiii mars.

689. Une très grant nef d'argent dorée et toute esmailliée, dont l'entablement est bellonc à vi pans garnis à grans souages dessus et dessoubz, entre lesquels a tout entour pluiseurs ymages d'enleveure qui vont à une fontaine de Jouvent qui est sur ledit entablement, dont les uns sont portez en brouetes, les autres en civières et sur mules, et aucuns vont à potences : et sont en tout xxvi ymages. Et des deuxcostez dudit entablement a deux portes de maçonnerie pour entrer sur la terrace qui est sur ledit entablement ; ausquelles portes sont deux sergenz d'armes qui tiennent leurs maces et ont leurs espées ceintes : ou mileu de laquelle terrace est ladicte fontaine de Jouvent, qui est faite à VI pans et à vi pilliers à arches bouterez de maçonnerie, entre lesquelz archez a un pillier tuers qui porte le bacin de ladicte fontaine; sur le fretel duquel bacin sont trois serpentelles et a VI autres serpentelles autour dudit bacin aussi comme pour geter l'eaue. Dedens laquelle fontaine sont vu, que hommes que femmes, d'enleveure tous nus qui se baignent, et tout autour de ladicte fontaine sont sur ladicte terrace pluiseurs ymages d'ommes et de femmes faisans pluseurs contenances, dont les aucuns se despouillent pour aler en ladicte fontaine et les autres se revestent : et y a pluiseurs robes, chausses, chaperons et sollers getez parmi ladicte terrace ; et sont xix ymages. Ainsi il a sur ledit entablement, tant dedens que dehors, en tout Liiii ymages. Et sur lequel entablement a un grant olifant sur lequel a un bas dont la crupiere, le poitras et les sengles sont esmailliées de nos armes : sur laquelle crupiere a une roze double esmailliée d'asur, sur quoy est un aigle qui porte sur ses

elles une couronne ; et dessus la teste et le col dudit olifant a deux pareilles roses et aigles assises sur courroies esmailliées de nos armes. Dessus lequel olifant est troussée ladicte nef sur une reprinse garnie de grans fueillages; et est le corps de ladicte nef de pluseurs personnages qui vont criant leurs denrées, ainsi comme l'en fait par Paris : et sur chascun personnage a escript en un roolle ce qui porte ; et sont les esmaus fais en manière de frète dorez et hachiez, à rainceaus de lis et à petites rozetes vermeilles; lequel corps est garni par dessous de grans souagcs roons et tuers à rozetes taillides. Et sur les deux costez de ladicte nef sont grans galeries à pilliers de maçonnerie couvertes, dedens lesquelles a dances de chevaliers et de dames fais d'enleveure; et sont partout esdictes galeries xxx ymages. Et sur les deux bous de ladicte nef sont deux chasieaus tous d'une façon, dont la basse court est à VI pans, dont chascun pan fait une tour à terrace crenellée, dedens chascune desquelles a un homme et une femme d'enleveure faisans pluseurs contenances. Et sur la muraille de entre les tours, laquelle est crenellée, sont pluseurs ymages d'enleveure faisans diverses contenances. Et sont lesdictes basses cours revestues par dedens de sales à cheminées, à grans fenestrages de taille, et à chapelles de grans fourmes de maçonnerie; sur lesquelles chapelles a clochiers ou sont en chascun deux cloches. Et le bas de ladicte basse court d'entre les tours a pluseurs fenestres sur le roont à envoirremens de personnages, à l'entrée desquelles basses cours a pluseurs genz d'enleveure qui regardent les dances es dictes galeries sur certains degrez qui y descendent, dont il y a pluseurs hommes et femmes qui jouent de divers instrumens. Et ou milieu desdictes basses cours a un haut donjon à vi quarrcs dont chascun est esmaillié à nos armes; sur lesquels donjons sont VI tournelles qui portent un paveillon voulté à vi chapiteaus ouvrez de maçonnerie de fourmes et de archez à jour, dedens lesquels sont pluiseurs chevaliers et dames d'enleveure qui sont sur une terrace et jouent les uns au poirier et les autres à « qui ferir ». Et sur le haut desdis paveillons a une fleur de liz d'enleveure à quatre flourons. Et sont tant esdictes basses cours comme es dis paveillons cinquante et une ymage d'enleveure :

NEFS d'argent DORÉ 253

ainsi a en toute ladicte nef vixx et xiiii ymages d'enleveure. Et poise en tout iiic xxxii mars vi onces et demie.

690, Une nef d'argent dorée et esmailliée, dont l'entablement est bellonc, fait à ondes par les costez, dont les souaiges sont parle millieu grenetez, et est portée de vi lyons et est ledit entablement tout esmaillié en manière de terrace ; en laquelle terrace a six souaiges grenetez. Et est le pié de ladicte nef de maçonnerie où il a plusieurs chapiteaux, dedens lesquelz a plusieurs ymaiges d'enleveure d'ommes et de femmes faisans manière de dorvoiemens(5fc) ; et ou millieu dudit pié a sur le devant en une porte un homme armé à l'ancienne guise, qui tient en sa main une mace, et sur le derrière un autre homme pareillement armé; et aux deux costez dudit pié a deux piliers garnis d'envoirremens d'azur, sur lesquelz a deux ymaiges agenoillez chascun d'un genoil qui soustiennent ladicte nef. Et est le corps de ladicte nef esmaillé de vert à rondeaux d'azur, dedens lesquelz il a petis rondeaux vers et vermeulx bordez d'or environ et plusieurs petis poins blans; et entre les esmaulx a plusieurs souaiges grenetez fais en triengle. Et est le corps de ladicte nef auprès du bort garnie d'un grant souaige à créneaux, dedens lesquelz il a plusieurs petis ymaiges d'enleveure qui sont deux et deux, par manière de dorvoiemens(^/c).Etaux deuxboutz de ladicte nef a deux chasteaux assiz sur reprinses de fueillaiges

de chesne esquelx chasteaux a pluseurs et aussi salles et

maisons à cheminées et chappelles; et sont les couverteures des donjons desdiz chastiaux esmaillez d'azur; et à chascune porte desdiz chasteaulx a un homme qui tient une mace en une main et en l'autre uns gans. Et poise xlix mars.

NEFS D ARGENT SEMEES D ESMAUS ET CISELLEES.

691 . Une nef d'argent dorée dedens et dehors, dont le pié est porté de vi lions gisans; et entour le pié a une bordeure d'esmaus sur champ asuré à diverses bestes et arbrisseaus, et entre deux a serpentelles et testes du lion; et est ledit pié pointu devant aus deux bous, et en quatre pars a comme demi ront à un gros souage ront, et le plat du pié cizellé à fueilles de

vingne; et du milieu part un gros piller garni de pluseurs entaillies et petis chapiteaus enlevez tout autour : et aus quatre costez dudit piller en haut a quatre grosses vis qui ferment le corps de ladicte nef avec le piller; et au plus haut du piller, entre quatre fueilles enleve'es a quatre grans gargoules. Du fons de ladicte nef par dehors partent quatre gros tuiaus dont les deux vont du lonc, et les autres deux du travers de la nef, et sont liez comme de travers d'or et d'esmail vert et asuré : et ou bout de chascun tuyau a une gueule de lion qui engoule aucuns doubles souages qui vont autour de la nef; et au haut a tout autour de la nef, sur les hors, souages crénelez, et par devers le dedens de ladicte nef a une bordeure d'esmaus azurez. En ladicte nef a quatre chasteaus dont les deux des bous partent de deux encorbeillemens où il a aucuns esmaus, et sont chascun dune tour quarrée en laquelle a quatre tournelles rondes, et est la tour quarrée roiée comme de pierre de taille, et es rondes tournelles a archieres croisées; et en deux quarrées de chascune tour par dedens la nef a deux degrez qui partent des bors de la nef, et deux portes où il a deux hommes sauvages. Et les couvertures des tours rondes sont esmaillées d'asur. Et tout autour des chasteaus a creneaus et autres creneaus près de la couverture des tours quarrées, et sur les couvertures a quatre fenestres : et tout au haut a un fretel de quatre fueilles et un bouionnet ou milieu. Les deux chasteaus du milieu de la nef sont comme une maison longue faicte de maçonnerie, et en chascune, par dehors, a deux fenestres emmantelées, et aus costez de chascune a deux esmaus asurez ; et la couverture est esmaillié d'azur, et les chasteaus sont crénelez tout autour, et sur les deux bous d'en haut a deux pommctes dorées, et ou plat desdis chasteaus, devers le dedens, a deux fenestres esmaillées à chapiteaux, portées de piliers en tuers. Et poise iiii'^'' xv mars III onces VI deniers,

692. Une nef d'argent, semée d'esmauls par le ventre et par les bors ', et esdis esmaus a escuçons des armes de Beaufort; et l'entablement de ladicte nef est bellonc, porté de quatre roes tournans, et en chascune desdictes roes a vu esmauls d'azur et