I. C'est le n" 283 de linventairc publié par M. de Laborde

NEFS d'argent DORÉ 267

oyselés. Sur ledit entablement à vi esmaus gironnez. Et ladicte nef est portée d'un piller comme quarré qui part dudit entablement et est esmaillié ledit piller à ymages. Ou fons de ladicte nef par dehors a vi esmaus à compas, et les bors par dehors sont esmailliés à souages, et sur chascun des deux bous de la nef a deux chasteaus quarrez à quatre tournelles et un donjon ou milieu. Et de la porte du chastel yst un lion et de dessous le chastel, tout au lonc de la nef, a un grant souage enlevé et greneté. Et poise xxi marc ii onces.

700. Une base nef d'argent dorée dont le pié siet sur quatre roes tournans; et sur ledit pié a quatre esmaus en manière de fueilles de treffle esquels a arbres et bestes ; et par dehors le corps de la nef en a x semblables fors tant qu'il y a diverses devises. Et est ladicte nef loyée par dessous au lonc du corps d'une loyeure à souages grenetez. Et sur les deux bous de ladite nef a deux serpens volans. Et poise xix mars xii deniers.

701. Une assés grande nef d'argent dorée et semée d'esmauls, dont le pié est fait en manière de demis compas, sus le lonc, à avalemens garnis de souages grenetez: sur lequel pié a deux esmaus vers qui sont cavez en manière de trefïle, esquels esmaus a un escuçon parti des armes de nous et de la duchesse. Et sur la montée dudit pié a grans ouvrages de maçonnerie à vi pans, qui font deux portes à chascun des deux bous, et sur le plat deux portes sans point de piller ou mileu,senon seulement l'achievement des archez d'icelles; sur lesquelles portes, tant des deux bous comme celles des costez, a petis pinacles de ma çonnerie bien ouvrez, et sont lesdictes portes perciées à jour, revestues de piliers quarrez : et dedens le mileu de ladicte maçonnerie à un lyon assis que un cinge tient par derrière à genoulx a une chaienne; et dessus ladicte maçonnerie a tout autour une orbevoie percié à jour, qui tient au colet où ladicte nef se ferme. Et est le corps de ladicte nef fait ainsi comme se il estoit assemblé de pièces; et en sont les esmaus vers et un escuçon de nous et de la duchesse partis, et aus deux costez de l'escuçon sont deux rozetes de poupre dorées ou milieu : lesquielx esmaus sont garnis de souages grenetez en manière de grans archez dont la pointe de chascun s'afine d'une fueille de chesne; et dedens chascun archet a sus le haut une teste de dame eschevelée et enlevée. Et sont les bors de

2 58 NEFS d'argent DORÉ

ladicte nef garnis de souages grenetez. Et sur chascun bout de ladicte nef a une terrace bellongue àvi pans, crénelée et grenetée tout autour esmaillié de vert àflouretes, sur laquelle a un lion que un cinge tient par derrière à une chaienne, par la manière de cellui qui est en la maçonnerie dudit pié. Et derrière chascune desdictes terraces a une serpentelle par manière de reprinse dont lesesles sont esmaillées de pluseurs couleurs. Et poise en tout XXXIII mars et demi .

702. Une grant nef d'argent dorée, dont l'entablement est de quatre grans fueilles pointues et vuidées, garnies tout autour de souages à orbevoies perciés à jour; lequel entablement est cizellé de fueilles d'aubespine, et le champ est tout greneté; sur lequel entablement a quatre grans esmaus à souages férus de croisetes garnis de fourmetes tout entour perciés à jour, esquels esmaus a un escuçon de nos armes que deux lions tiennent, et en est le champ vert. Et le pillier surquoy seassiet ladicte nef esta vi pans, tout ouvré de maçonnerie à grans fourmes doubles et à oteaus perciés à jour garnis de pilliers bien ouvrez : et par dedens sont toutes lesdictcs fourmes envoirrées d'asur. Et est le corps de ladicte nef tout cizellé et greneté d'autelle devise et manière comme est l'entablement, sans différence, et en est le colet d'une grande fueille. Et les bors de ladicte nef sont garnis par dehors à souaiges de grans orbevoies, où il a en chascune orbevoie un esmail vert où nos armes sont en escuçon ; lesquels souages sont par dessous garnis de fourmetes tout entour. Ou corps de laquelle nef sont vi esmaus de la devise sans différence aus esmaus qui sont sur ledit entablement. Et est le dedens de ladicte nef d'un double fons tout cizellé en la manière du corps d'icelle, sur lequel fons a deux trapes pour avaler dedens. Et est le pont de ladicte nef, sur quoy se ferme le maast d'icelle, cizellé et greneté de la devise dessusdicte, et la fermeure dudit maast est d'un tel souage comme sont ceuls où lesdis esmaus sont sartis; sur le bout duquel maast a un chastel à grans fourmes perciés à jour, où sont VIII sergens d'armes qui tiennent leurs maces, dedens lequel chastel a un homme vcstu d'une houpelande, qui trompe. Et est la proue garnie de souages crénelles, garnis de grans orbevoies tout entour, es quelles sont nos armes comme es orbevoies du bon d'environ le corps de ladicte nef : dedens

NEFS d'argent DORÉ 269

laquelle proue a un baston où se tient Faguille, dont le bout est garni d'unsouage crénelle par dessus et par dessous à fourmetes perciées à jour. Et sur la couverteure de ladicte proe, laquelle est cizellée et grenetée comme dessus, sont deux esmaus autels comme les devantdis sans différence; et est le devant de ladicte couverteure garni d'un souage crénelle à orbevoies et fourmetes percées à jour. Et la poupe de ladicte nef est garnie d'autels souages et d'autelles orbevoies et fourmetes et ainsi cizellée et grenetée comme est ladicte proe; dessoubs lesquels souages de deux costez a un autre souaige de grans fourmes doubles envoirrées d'esmaus, où sont pluseurs prophètes tenans rôles en leurs mains ; et ou milieu de ladicte poupe a un très grant esmail de la devise des autres. Et est le gouvernail, qui tient à ladicte poupe, cizellé et greneté comme le fons d'icelle, et des deux costez de ladicte poupe se part deux grans souages à orbevoies et à fourmetes perciés à jour qui sont sartis sur les bors de ladicte nef, et vont jusques à la proe cy dessus escripte. Et poise en tout cxxx mars iiii onces.

7o3. Une autre nef d'argent dorée ', assise sur un entablement vuidé par les costez à demis compas que vi bestes portent, dont les aucunes ont visaiges d'ommes et les autres de femmes; sur lequel entablement a plusieurs escuçons esmailliez des armes de la royne Jehanne de Bourgoingne. Et est le pié de ladicte nef d'un oliphant qui porte un chastel où il a pluseurs tours : et en ycelles a gens d'armes; et aux deux costez dudit oliphant a deux arbres dont les tiges sont azurées et les fueilles vertes. Et sur les boutz dudit entablement a deux anglez qui ont cheveux recoquilliés et ont vestu chascun un manteau esmaillié desdictes armes et sont agenoilliez d'un genoil, et soustiennent sur les palmes le corps de ladicte nef; et ont lesdiz hommes en la poitrine une pierre de cristal vermeille assise en un crampon en manière de lozenge, et en la lozenge a nii perles petites, et ou corps de ladicte nef a x esmaulx sartis où sont les armes dessusdictes assises sur champ vert. Et sur l'un des boutz de ladicte nef a un griphon enmantellé desdictes armes, et sur

I. Cet article et le suivant sont sans doute d'une autre main que le reste de l'Inventaire.

200 NEFS d'argent DORÉ

l'autre un dain agenoillié enmantellés pareillement desdictes armes. Et poise xxvii mars xii estellins et demi.

704. Une autre nef d'argent dorée, assise sur un entablement bellonc, pointu par les boutz en manière de fîllatiere, que quatre lyons assis de costé portent; et sur lequel entablement a X esmaulx dont il en y a cinq aus armes du conte de Flandres et les autres cinq aux armes de Bloys. Et est le pié de ladicte nef tout plain sans maçonnerie ; lequel pié est haichié tout environ à orbevoies. Et ou corps de ladicte nef a xii esmaulx d'autelle et samblable devise comme ceulx qui sont sur l'entablement. Et sur les deux boutz de ladicte nef a un col d'aigle qui tient ou bec deux grenetz vermeilz. Et poise xv mars ni onces xv estellins.

NEFS d'argent HACHÉES.

705. Une nef d'argent dorée, assise sur quatre roes, hachiée le corps par dehors à lettres moresques et à fueillages et une couronne ou milieu de chascun costé; et sur chascun des deux bous a deux esmaus rons où sont figurez ymages ; et sur les bous d'en haut a deux visages de hommes barbus qui sont affublez chascun d'un col et de la teste d'un aigle. Et poise xix mars VI onces.

706. Une assés grande nef d'argent dorée, dont l'entablement est de quatre demis compas pointus sur le bellonc garnis de grans souages, à losenges les uns, et à poins quarrez les autres, assissurquatre lions regardans l'un l'autre; surlequelentablement a deux angles, chascun agenouillé d'un genoil, qui font semblant de porter sur leurs mains et à leurs esles le corps de ladicte nef: entre lesquels angles a une terrace sur quoy est un chastel à vi tournelles sur quoy se assiet ladicte nef, dont le haut dudit chastel est ouvré à fenestrages de maçonnerie, dont il a es plus grans fenestrages esmaus d'asur, et en l'un est un homme vestu d'un mantel vert long ei en l'autre est un homme armé qui a une targe en la main et l'espée au costé. Et pour entrer oudit chastel a deux portes de maçonnerie, en chascune desquelles a deux petites tournelles; et autour dudit chastel a une basse court crénelée de maçonnerie à vi petites tournelles et à petis archez

NEFS d'argent 26 I

bouterés qui se appuient conire les tours dudit chastel : en laquelle basse court a deux portes, sur chascune desquelles a deux petites tournelles devant lesquelles a deux degrés doubles pour monter dedens ycelle. Et est le corps de ladicte nef tout cizellé à lettres moresques et à fueillages d'aubespine ; et sur le millieu des bors des souages de ladicte nef sont esmaus d'asur sur le ront tout du lonc, où il a pluseurs chasses de bestes ; et en la jointe de chascun esmail a un souage sur le ront tout plain ; et les bous de ladicte nef a sur yceuls deux chasteauls pareuls, dont la basse court d'iceuls, qui est crenellée, est à vi pans ; et sur les deux qui sont sur le lonc a deux tournelles quarrées, et sur les autres petites tournelles rondes a petis arches bouterés contre le donjon d'icellui : laquelle basse court est faite d'orbevoies en losenge sans estre perciés à jour, et est ledit donjon d'une tour quarrée crenellée sans couverture et sur chascune quarré a une petite tournelle ronde. Et pour entrer oudit donjon a deux portes de maçonnerie à chapiteauset petites alées crénelées pour entrer es deux petites tours quarrées dessusdictes; et sur le plus haut dudit donjon a un homme d'armes sur pies, qui tient en sa main une lance où il a un panon, et est la visière de son bacinet levée. Et les lieux ou se ferment lesdis chasteaus sont de grans fueillages de chesne d'enleveure. Et poise xxxix mars une once et demie.

NEFS d'argent DORÉES.

707. Une nef d'argent dorée dedens et dehors, portée de quatre lions, deux à un bout et deux à l'autre, et siéent les deux sur une planche garnie de souages, et entre deux lions a un demi fenestrage ; et au lonc du corps de la nef a un haut souage et un par les bors. Et sur chascun bout de la nef a un prestre vestu d'une chape decuer, qui à ses deux mains tient les bors du bout de la nef, et devant leurs poitrines ont chascun comme une fueille de chesne. Et poise xv mars vu onces.

NEFS d'argent BLANCHES.

708. Une nef d'argent blanche, portée de quatre roes ' faite I. C'est le n° 290 de l'Inventaire publié par M. de Laborde.

202 NEFS d'argent

sur le plat de quatre compas en crois et esmaillées dessous et au dessus des roes; du lonc de la nef a de chascun costé deux esmaus d'azur quarrez, en l'un desquels a une bataille de gens à cheval armez, en Tautre a deux [gens] armez à cheval qui se combatent, et emprès eulz a une femme à cheval vestue de vert qui joint les mains, et un ménestrel: en l'un de l'autre costé a une chace à cerfs et à oyseaus volans, en l'autre a gens qui se combatent à un lion ; et aus deux bous a deux autres esmaus, en l'un desquels a un chevalier armé, à genoux devant une dame qui tient un heaume, et en l'autre a un chevalier armé qui emmaine une dame vestue de vert et après lui court un monstre qui a corps, jambes, piez et queue de lion, et au dessus de la poitrine de lion a corps et bras et teste de homme et fait semblant de geter une lance après ledit chevalier. Et sur le corps de ladicte nef a cinq esmaus de chascun costé, où il a oyseaus volans et testes de lyons. Et sur chascun des bous de ladicte nef a une serpentelle dorée. Et poisexxi marc m onces xii deniers.

709. Une nef d'argent blanche, dont le pic est bellonc à vi quarrés et de chascun costé du corps de la nef a deux esmaus, et en chascun a une nef que maronniers mainent par mer; et sur les deux bous de ladicte nef a deux espiz fais de fueillages là où il a une pomme sur chacun, esmaillié d'azur pardessus à fourmes dorées et trassiées de vermeil; et les souages de ladicte nef sont dorez. Et poise xx mars vu onces.

710. Une petite nef d'argent blanche, toute plaine, sans esmaus, assise sur un petit entablement bellonc fait en manière de fillatiere, garni ledit entablement tout autour de souages grenetez, et le colet d'icellui d'un autre souage greneté à petis creneaus renversez. Et le pié de ladicte nef est à vi quarrés tout plain et une pommete ou milieu dorée. Et est le bon de ladicte nef garni de souages petis grenetez. Et le couvercle de ladicte nef par dessous, de l'un bout jusques à l'autre, est garni d'un souage greneté aus deux costez; et sur l'un des bous d'icelle nef a un lyon doré assis, et sur l'autre bout un griffon à qui la moitié de l'une de ses esles faut. Et poise en tout viii mars v onces.

711. Une autre nef d'argent blanche dont l'entablement est bellonc, fait en manière de compas par les bous, que vi lions portent sur leurs crupes, lesquiels et aussi les souages sont dorez ;

NEFS ET CORBEILLE d' ARGENT 203

sur lequel entablement a quatre esmaus sartis fais en manière de compas, dont le champ est d'asur moucheté de poins blans et vermeulz, en chascun desquels a une grant crois verde où sont cinq besans dorez doubles; et sont les souages desdis esmaus grenetez et dorez. Et le colet de ladicte nef est à vi arêtes, où il a, entre chascune, fourmes hachées toutes plaines. Et ou corps de ladicte nef a x esmaus de la devise de ceuls dudit entablement. Et sur les bous de ladicte nef sont deux lions dorez assis à l'opposite l'un de l'autre sur une reprinse à v pans : laquelle reprinse, avecques les souages du bort de la nef, sont dorez. Et poise XX mars vi onces.

712. Une nef d'argent blanche, dont l'entablement est bellonc à VI pans, garni de souages grenetés, et aussi est le colet dudit entablement sur quoy se assiet ledicte nef garny de pareuls souages. Et sur les deux bous de la nef a deux visages de homme à grant barbe, qui ont sur la teste un chapel du col et de la teste d'un aigle : lesquiels visages et chapeaus sont dorez, et ont chascun un collier au col, hachié, où tient une grant fueille de chesne qui se rive contre un souage qui va tout du lonc de la nef, lesquels souages sont grenetez à un guerfil ou milieu et sont dorez. Et poise x mars un onces xviii deniers.

713. Une autre nef d'argent blanche', qui est portée sur quatre roes dont les moyculx et les jantes sont dorées, et en chascun moyeul a un esmail en quoy est un escuçon doré où sont trois oizeaux d'azur. Et sont les souaiges de ladicte nef dorez et grene[tés]. Et les deux boutz de ladicte nef sont deux coulomps blans. Et poise xix mars v estellins.