COUPES D OR A PIERRERIE ET A PERLES ET SEMEEZ D ESMAUX

47. Une très belle et riche coupe d'or couverte assez petite, garnie de pierrerie et de perles et d'esmaux de plitre, dont le pié est assez hautelet garni autour des hors sur le milieu d'une orbevoie d'osteaux à jour et dessus et dessous de plusieurs souaiges plains; et sur le plat dudit pié a deux cercles de pièces d'esmaux de plitre vert enlevez, esquelz a fueilles, de treffle les unes d'azur et les autres de rose, et environ a autres feuillettes blanches et plombées; et entre icelles pièces a autres pièces quarrées esmailliées, les unes aux armes de France d'une seule fleur de lis entière et les autres aus armes de Navarre sur rouge cler. Et entre les dessusdiz deux cercles d'esmaux sont enchastonnez plusieurs saphirs et grenas, et entre iceulz a plusieurs perles assez petites rivées à brochetes, et font ladicte pierrerie et perles 11 autres cercles sur ledit pié. Et en tout y a

COUPES d'or 6i

IX saphirs assez petis, ix grenas et xvi perles, et deux perles y faillent. Le piller de la dicte coupe part de dessus vi girons esmailliez deplitrc à fueillcs de trefflc et à fleurettes de diverses couleurs; et est ledit piller assez menu à vi quarrés de très beau tour et à trois reprinses de maçonnerie sans le pommcl, et le bas en est esmaillié par quartiers aus armes de Navarre et de Champaingne ; et dessouz et dessus le pommel est tout esmaillé aus armes de France : et le pommel est à vi costez garni autour des bors, dessus et dessous, de souaiges grenetez, et sur son comble, haut et bas, est esmaillié de plitre à diverses fueilles et fleurettes de pluseurs couleurs; et dessus la haute reprinse du pillera pluseurs branchettes d'or à fueilles de treffle enlevées. Et ou fons du pié, à l'endroit dudit piller a un esmail de plitre vert à vi costes, ouquel a une treffle blanche et pluseurs petites fueillettes de treffle vermeilles et azurées. La coupe est sur le dehors ouvrée de la devise du pié sanz différence, fors tant que il y a m cercles d'esmaux, dont les pièces de ceulx de plitre sont toutes cleres à jour. Et y a aussi m cercles de pierrerie et de perles ; et en tout

y sont saphirs, grenas et perles. Et dedens est ladicte

coupe ouvrée à m cercles cizellez à petis bouillons entre les cercles des esmaux de plitre à jour qui perent dedens comme dehors ; mais sur le dedens, à l'endroit des pièces qui sont dehors esmailliées aus armes de France et de Navarre, sont petis esmaulz quarrés et enlevez de plitre à iiii fueillettes de treffle blanche et à une fleurette vermeille ou milieu. Et ou fons de ladicte coupe a un roont esmail de plitre sur rouge cler, ouquel a ii oiseaux et plusieurs fueillettes blanches et plombées. Et le couvercle de ladicte coupe est assez plat, ouvré dedens et dehors tout de la devise de la coupe, fors que il n'y a que deux cercles d'esmaux et deux de pierrerie et perles sur le dehors, et partout y sont IX saphirs, ix grenas et xiiii perles et y faut un perles; et que aussi dedens n'a que ii tours cizellez. Et sur le milieu d'iceli couvercle siet sur un esmail de plitre, sur la devise de celi de l'assiette du piller, un fretel à vi quarrés, qui est d'un pommel dessus esmaillié par quartiers aus armes de France et de Navarre ; et sont le pié, la coupe et le couvercle tous doublés. Et poise en tout V mars m onces viii estcrlins et demi. 48. Une autre coupe d'or très noble et riche à couvercle, garnie