VERRE D OR

SCS hors d'une orbcvoie d'osteaux à jour, et ou fons est cizellé à entrelaceiz defueillaiges entre lesquelz sont, comme en vi compas de treffle, en chascun m fueilles de vuigne embouties dont les tiges s'entrelacent. Et ou milieu bas, à l'endroit du piller, est un petit esmail à vi costes ouquel a un oisel. Et sur le comble est ledit pié cizellé à fueillaiges entrelaciez et semé de VI haus esmaux qui sont comme à tour de treffle à fueillaiges pointus, et en chascun a trois diverses bestes vestues très finement, esmaillées de rouge cler et d'autres couleurs ; et ou milieu des trois sont en m escuçons les armes de France et es

autres m les armes '. Et le piller est à vi quarrés et le

pommel à vi costes tout esmailliez par quartiers desdictes armes

de France et \ Et la coupe est cizellée dehors et semée de

six esmaux de la devise du comble du pié, et dedens cizellée aussy de la façon et devise du fons dudit pié. Et ou fons siet entre un souaige greneté un haut esmail ront esmaillié à vi girons desdictes armes de France et du pape Clément le Gaascoing. Et le couvercle est garni autour d'une orbevoie d'osteaux à jour ; et dedens et dehors est cizellé et garni d'esmaux tout en la manière et de la devise que est la coupe, maiz que l'esmail du fons est plus petit. Et le fretel est d'un bouton à vi costes esmaillié à vi girons encavés desdictes armes, et siet sur une pièce esmailliée à fueilles vers et vermeilles, garnie autour d'un souaige greneté. Et la coupe, pié et couvercle dessus devisez sont tous doublés. Et poise en tout v mars vi esterlins.