HENNAPS DE MADRE GARNIS D OR

io6. Un hennap de madré, dont le pié est d'or, garni autour sur le bas [de] fenestrage à jour, et dessus a viii oteaus à jour, et en chascun une fleur de lis entailliées ; et entre yceuls a fueillages cizellez en quatre espaces, et en quatre autres deux K et deux L. Et ou fons dudit hennap a un ront esmail d'or de noz armes, et dedens le couvercle en a un aus armes de France. Et le fretel de dessus est très bel, d'or, garni par le bas d'un souage de fenestrages à jour ; et dessus a quatre choses ouvrées à jour, et auprès a une ceinte cizellée à couronnes à K et à L; et Tencommencement de la verge dudit fretel est esmaillié aux armes de France, et dessus a comme un pommel ront à rais de soleil sur lequel siet un lis de vi longues fueilles, et dedens sont les branches aus fleurs. Et poise l'or i marc.

107. Un autre hennap de madré, dont le pié est d'or, assés grandet, de plaine façon ; et ou fons dedens a un ront esmail de nos armes et pareillement en a un dedens le couvercle. Et le fretel est assés haut, plain dessous, et dessus est agu et esmaillié de nos armes. Et poise l'or environ vi onces.

108. Un autre grant hennap de madré, couvert, très fin, assis sur un court pié d'or à souages tout autour de demis compas perciés à jour, garni ledit pié de perles et de pierres ; c'est assavoir petis balays et esmeraudes mises dedens crampons haus levez, et entre deux pierres a une troche de deux perles, autour duquel pié a assis escussons de nos armes dont la bordeure est de rouge cler, lesquels escuçons sont garnis tout environ de semblable pierrerie comme celle dessus devisée; et est le colet, tant comme se contient la pierrerie, tout hachié à aigles qui ont visages de dames ; et entre deux aigles a un lis. Et sur ledit couvercle a un esmail de nos armes à la bordeure de rouge cler, sur laquele brodeure {sic) sont deux esmeraudes et deux balays; et entre deux pierres sont quatre perles enfilées, qui font xvi perles en tout. Et sur ledit esmail a un fretel d'or haut, bien netement ouvré de fueillages d'aubespine; et en la tige de chascune a deux perles qui font en tout xii perles; et dessus ledit

TASSES ET GOBELETS d'oR 8i

fretel a un saphir bcllonc percié, sur quoy est une perle ronde. Et dcdens ledit couvercle a un esmail roont de nos armes, à la bordeure de rouge cler, dedens lequel couvercle est nostre ordre. Et poise en tout ii mars vi onces.

TASSES d'or à COUVERCLE ET ESMAUS OU FONS, ET SANS ESMAUX.

109. Une tasse d'or à couvercle, dont le pié est à demis tcnestrages à jour renversiez, et est la tasse assez parfonde. Et ou fons a un esmail vert ront, ouquel a un K semé des armes de France et est couronné dessus et acosté de deux aigles qui tiennent la couronne par le haut à leurs becs. Et le couvercle est couronné de demis fenestrages à jour renversiés, à pommetes dessus; et sur le haut est cizellé à K couronnez acostez d'aigles, et d'autres K plus petis et fleurs de lis et de liz entrelaciez. Et le fretel est esmaillié de rouge cler, fait comme un bouton de rose, à un bouton vert dessous et vi fueilletes vertes autour du bouton. Et ou fons a un esmail de la devise de la tasse; mais il est haut enlevé et autour, par le bas, a pluseurs souages grenetez et autres. Et poise en tout un mars une once et demie.

iio. Une tasse d'or à couvercle et est de plaine euvre, séant sur un bas pié à souages et orbevoies. Et sur le couvercle a un fretel ou bout, ouquel a un saphir. Et sont la tasse et le couvercle à xxiiii caras. Et poise en tout 11 mars v onces XII deniers.

TASSES d'or PLAINES SANS ESMAUX ET SANS COUVERCLE.

1 1 i-i 1 5. Cinq tasses d'or de plaine euvre et toutes d'une façon, à vingt et deux caras et demi, qui poisent v mars un onces IX deniers.

GOBELÉS d'or COUVERS GARNIS DE PIERRERIE ET DE PERLES.

1 16. Un très bel gobelet d'or gros et basset, que soustiennent trois cygnes assis sur petis entablemens ; et est loyé par le pié