I. Il semble que cet ariiclc ait été ajouté après coup
84 GOBELETS d'oR
GOBELES D OR COUVERS ESMAILLIES.
120. Un gobelet d'or couvert large dessus, autour duquel sur le pié a comme arches en manière de fenestrages rons esmailliés de l'ordre de la Crois, et dessus a vi rons oteaus de nos armes et entre yceuls à L esmaillées, et autour, dessus lesdis oteaus, a une endenteure d'esmail azuré. Et ou fons a un esmail ront de nos armes, et sur le couvercle a vi esmaus rons de nos armes et L entre deux. Et le fretel est de une fleur de lis double croisée, et dedens a un esmail ront de l'ordre de la Crois. Et poise en tout II mars vu onces xvi deniers.
121. Un gobelet d'or couvert, court et grosset, du tour d'une poire, qui par le corps est ouvré tout autour d'une rose à trois fueillages, dont ceuls du milieu sont hachiées à vingnetes et à rosiers; et ceuls d'embas et d'en haut sont esmailliés d'esmaus de plitre et ceulz d'aval et d'amont sonthachiés de la devise dessus desclairiée. Et ou fons a un petit esmail de plitre ront. Et le fretel est esmaillié de plitre par le bas à un pommel dessus, et le haut est de vi fueilles enlevées à jour, et dessous lesquelles a trois perles atachiées à potences. Et sur le bout a un saphir pale et grasset. Et poise en tout un mars une once xviii esterlins.
122. Un petit gobelet d'or couvert, court et grosset, esmaillié dehors com.me à losenges de un laceys vert, et le champ en est d'asur à lis en orbeur, et en chascun laceys entier à trois fleur de lis; et est le pié garni de pluiseurs souages, dont l'un est greneté et le bort dudit gobelet est tout plain. Et ou fons a un esmail vert roont, d'un bocage, ouquel a trois rengiers. Et ou fons du couvercle dudit gobelet a, en un esmail d'asur nué en orbeur embouti, garni autour de grains, une teste de saint qui a une crois sur le front; ledit couvercle est par les hors creus par dehors et garni sur le haut de souages, et le plat en est esmaillié de la devise dudit gobelet. Et le fretel est tout plain, d'or, à VI costes, façonné sur le haut comme d'un bouton, esmaillié de nos armes. Et poise 11 mars m onces xv estellins.
123. Un gobelet d'or couvert, porté d'un large souaige fait ou
GOBELETS d'or 85
milieu d'une orbevoie à jour très finement et proprement esmaillié tout par dehors d'un terraige ou pré vert, de où naissent petis arbrisseaux de diverses manières, et connins de plusieurs couleurs et contenances parmi; et d'iceulx partent plus grans arbres, tenans par le lonc Tesmail du gobelet. Entre lesquelz adains de diverses contenances, gisans, paissans, estans et d'autres manières, fais sur le vif. Et à la sommette des haus arbres, entre yceulx est esmaillié d'azur par manière de ciel. Et ou fons dedenz du gobelet a entour un souaige greneté et ou millieu un grant esmail roont, ouquel a comme un pré vert garni d'arbres et un siège couvert comme d'un drap violet, sur lequel nous sommes assis en robe bleue large et le chaperon de violet, et la duchesse emprès nous, vestue d'un surcot court bleu, attournée à cornes, et a un cercle sur la teste; et Loys, nostre filz, estant, vestu d'un gris ouvré, acousté entre nous deulz sur un de nos genoilz. Et y est Pierre à genoulz, vestu d'une houpellande longue de lavende, qui a une toaille blanche au col et tient un drageoir d'espices, sur lequel nous avons une main. Et le couvercle dudit gobelet est garni d'un double souage entour, à orbevoies à jour, ainsi de terrasse comme devant est dit, à grans touches d'arbres et deins parmi, de diverses contenances, dont il y en a un qui boit en une fontainne. Et est à la sommette des haus arbres entre iceulx esmaillé d'azur par manière de ciel. Du pié du fretel part une pommette à bossettes dont naist un lis esmaillié de blanc sur le vif, et du millieu de la graine part une broche, où il a un saphir sur le roont plat percié. Ou milieu du couvercle a un esmail vert à un escuçon de nos armes. Et poise en tout iiij mars iij onces et demi esterlin.
GOBELÈS d'or COUVERS SEMEZ d'eSMAUX.
124. Un gobelet d'or couvert ront assés gros et court, dont le pié est garni par le bas à plains fenestrages à jour et est par le corps cizellé par dehors; et y a ini esmaux de plitre et ou tons un semblable. Et le couvercle est brodé de fueillages plains à jour, et est cizellé dessus et y a quatre esmaus pareux de ceuls du gobelet; et sur le haut, dessous le fretel, est esmaillié de
semblable esmail; et ou fretel a un perles en pendant et dessous un balay. Et ou fons dudit couvercle a un esmail de plitre et ou milieu un escu à trois fleurs de lis. Et poise en tout m mars une once vi deniers.
GOBELES D OR COUVERS CIZELLES.
125. Un gobelet d'or fait en manière d'une jarbe de blé, dont les tuyaus sont creus, et se siet sur yceulx et le lien est cordelé, et dessus sont les espis cizellez ; et ou fons a un ront esmail de rouge cler, ouquel a un cigne navré en la poitrine et est sur eaue, de laquelle partent trois fleurs de lis et autres fueilles et rainseaux vers. Et le couvercle est cizellé à espis, garni autour d'un entrelaceis, et le fretel est comme de xij fleurs de grenatiers esmailliez d'asur; et dessus une autre fleur pareille a une perle. Et ou fons du couvercle a un esmail ront des armes de beau frère de Bourgongne. Et poise en tout iij mars v onces xviij deniers.
GOBELÈS d'or COUVERS HACHEZ.
126. Un gobelet' d'or séant sur un pié ront haché à lettres de Sarrasins, et entre le gobelet et le pié a une pommete ronde toute plaine. Et audessus yst un lis, qui comprent tout le gobelet; et chascune fucille est cizellée aus lettres dessusdictes. Et ou fons a un esmail de rouge cler, où il a m lis et m lettres sarrasines, et est le champ dudit esmail eschiqueté de ladicte couleur; et est le couvercle de celle devise. Et entre la pommete de chascun lis a II grosses perles à molinet, et y a xx perles. Et sur le fretel a un gros saphir assis entre 11 autres saphirs et 11 bien grosses perles. Et dedens ledit couvercle a un petit esmail de la devise de cellui du fons du gobelet. Et poise en tout un mars ini onces xii deniers.
127. Un gobelet d'or couvert, grosset, dont le pié est garni de fenestrages à jour et d'autres souages. Et le gobelet est haché par dehors à n rosiers, qui comprennent tout le tour. Et ou fons
I . C'est le n" 236 de l'Inventaire publié par M. de Laborde.
a un grant esmail de nos armes; et sur la brodeure a demeures d'or enlevées et à tour est haché d'une ceinte de lettres là où a escript ni fois : « Prene\ en gré ». Et le couvercle est couronné de fenestrages à Jour, et hachic dessuz à couronnes et à branches de roziers. Et sur le frctcl qui est de m roses a un bouton esmaillié d'asur. Et ou fons du couvercle a un esmail de la devise du gobelet, sans hacheure. Et poise en tout ii mars VI onces.
128. Un gobelet haut en façon de godet, fait par dehors, sur le pic, le corps et le couvercle à roses emboutées, dont les fueillcs sont hachées à rozes, lettres moresques et autres ouvrages; et autour du pié a une orbevoie à jour. Et ou fons a en un esmail une rose de rouge cler. Et le couvercle est couronne d'une orbevoie à jour et le fretel aussi, ouquel a une terrace vert semée de marguerites ; et sur ycelle a une aigle tout droit et dedens ledit couvercle a un esmail de la devise du gobelet. Et poise en tout m mars une once.
129. Un gobelet d'or couvert et embouté sur le tour et façon de roze, dont le pié est garni d'une orbevoie de courbettes à jour, et sur les embouteures du corps qui sont xii, hachiées et faictes sur le lonc, les vi basses agiles dessus et les vi hautes agiies dessouz et respondans entre deux de celles d'embas, sont les XII apostres entre lesquels a pluiseurs fueillages. Et ou fons dudit gobelet a un esmail roont garni autour de souaiges ; lequel esmail est d'asur nué en orbeur, et en icellui est Nostre Dame droite, les bras croisiés, que vi angles partant de ladicte nue tiennent. Et le couvercle est de tour de roze, couronné autour d'un haut souaige enlevé à une orbevoie de courbetes à jour; et sur le comble est ledit couvercle embouté et hachié à vi angles jouans de divers instrumens. Et le bas du fretel est d'un pommel a VI boutons d'or roons, duquel partent vu tiges dont les vi se reploient sur le dehors et celle du millieu est droite, sur laquelle et sur trois des autres siéent quatre boutons de roses clos esmailliés de rouge cler, et ou bout des autres trois a trois Hcuretes d'or, chascune de quatre fueillcs, entre lesquelles a trois perles plates assés grossetes; et dedens ledit couvercle a un esmail roont, ouquel est Nostre Seigneur couronné, à grant barbe et cheveux, vestu d'un mantel vert et acosté de deux
chérubins, lequel tient le monde en sa main senestre. Et poise en tout iiii mars une once xiii estellins.
i3o. Un petit gobelet d'or couvert, gros et court, assis sur un pié saillant par lequel il se tient, et est garni autour de pluiseurs souaiges et d'un greneté dessus, et parle milieu dehors est ledit gobelet ceint tout autour d'une ceinte hachiée aus armes de la duchesse. Et le couvercle a ses hors avanciés et retournez sur le bas pour mieuls seoir et tenir sur le gobelet, et autour du comble a une ceinte hachiée ausdictes armes. Et le fretel est assés haut, de trois fueilles à jour qui se assemblent à un boutonnet d'or à troiz quarrés et partent d'un pommel de façon d'une sonnette. Et ou fons dudit couvercle a un petit roont esmail aus armes de la duchesse. Et poise en tout ii mars Il estellins et demi.
1 3 1 . Un gobelet d'or couvert, sur tour de godet d'Alemaingne, dont le pié est assez haut, garni sur le bas tout autour d'une orbevoie de courbettes à jour; et dessous a pluisieurs souaiges, et dessus aucuns tous plains. Et le haut d'icelli pié, qui va en montant, est embouti sur le dehors comme à xii fueillaiges de rose, vi dessous tous plains et assez grans et vi dessus petis, haichiez chascun à deux fueilles entrelaciées. Le corps dudit gobelet est tourné sur le roont, assez grosset, embouti sur le dehors à xviii fueillages de rose, dont les vi haut et les vi bas sont plains et les vi du milieu haichiez chascun à quatre fueilles, dont les tiges sont toutes entrelaciées. Et ou fons a un roont esmail à bosse, ouquel est unroy assis sur un siège, qui fiert d'un martel à trois clochettes qui pendent près de lui. Et le couvercle est garni autour d'un couronnement, ouquel a une orbevoie de courbettes à jour; et sur son comble est embouti par dehors de la devise du pié, fors que les fueillaiges bas sont haichiez et les haus plains assez longues. Et sur le bout a un fretel d'une verge partant d'un pommel, sur le bout de laquelle a un bouton de rose longuet et agu, esmaillié de rouge cler et garni de ses fueillettes tout autour qui sont d'or ; et sur le bout dudit bouton est rivée une perle assez plate, de bonne pel et blanche et de clere eaue, qui puet peser environ ii caras et demi ; et autour de ladicte verge sont un petites vergettes reploiées sur le dehors vers le haut et font comme tiges de iiii fueillaiges.
chascun de quatre fueilles longues et extendues comme en croix; dedens chascune desquelles est rivée une perle sur le plat, qui sont toutes assez blanches, mais les deux un pou coquiies, et puccnt chascune peser l'une parmi l'autre environ II caras. Et ou fons dudit couvercle a un petit esniail roont d'azur, ouquel est une teste de saint, comme de saint Jehan l'Evangeliste à tout ses espaules. Et poise en tout ii mars vu onces.
