BASSINS ET PLATS D OR II

lequel est assis en un oteau bosse de plaine euvre à six fenestres; et le biberon est de ii tuiaus qui passent par une grosse teste d'un lion à longue et grosse gorge, et Teaue y descent du bacin par un compas à jour fait de trois euvres en manière de treffle et d'une roonde ou milieu. Et poise viii mars un onces

VI deniers.

232. Un autre bacin d'or à laver pareil, sans différence, au dessus escript, fors tant que il n'y a point de biberon. Et poise

VII mars vu onces xv deniers.

233. Un autre bacin d'or à laver, dont le biberon est gros et court, qui passe par la gueule et teste d'un lyon. Et sur les bors dudit bacin, qui sont assez estroiz, a une ceincte cizellée à grosses branches de chesne et d'autres arbres en aucunes parties, et es autres a fueilles longuettes jointes en croix; et sur iceulz bors sont assis vi escus assés haus, esmailliés des armes d'Engleterre. Et ou fons d'iceli bacin a une haute rose de vi fueillaiges, garnis autour de souaiges haus grenetez et cizellés dedens à diverses bestes, et sur le bas entre les fueillaiges a glaons agus cizellés; et sur le milieu de ladicte rose est un roont esmail de plitre assez grant, ou milieu duquel a comme une treffle d'esmail à fueilles pointues; et sur le milieu d'icelle treffle est levé un escu esmaillié aux armes d'Engleterre. Et poise iiii mars vi onces ix esterlins.

234. Un autre bacin d'or tout pareil, sans aucune différence de façon et de devise au dessus escript, fors tant que il n'y a point de biberon. Et poise iiii mars v onces ii esterlins.