AUTRES DRAGEOIRS D OR MENDRES

283. Un drageoir d'or dont le pié est fait en manière d'une roze, et la boce du pié est ondoiée en manière de rais de soleil. Le pillier qui porte le bacin est assis comme en une roche ceinte d'un souage crénelé; et est ledit pillier en tuers;etou milieu dudit pillier a un gros pommel, ouquel a six bocetes faictes en manière de quatrefueilles, en chascune desquelles a un esmail de nos armes. Et le bacin est plus grant d'assez que le pié, et est à fueilles de roses, et les bors comme ceuls du pié, et par dedens est ondoie à rais de solail comme le pié. Et ou milieu a un esmail ront de nos armes. Et poise xi mars iiii onces.

284. Un drageoir d'or de belle façon, dont le pié est à tour de rose de viii fueillaiges qui ont chascun deux pointes, et est garni autour de pluiseurs souaiges et d'un féru à croisettes; et sur le plat sont lesdis fueillaiges tous esmailliez à femmes, dont les unes jouent de divers instrumens, et les autres font diverses contenances; et y a aussi aux costés diverses bestes, et sont lesdis fueillaiges esmaillés garnis autour sur le dehors et le dedens de souaiges férus à croisettes. Et le piller dudit drageoir est ouvré de maçonnerie à pluseurs piliers et à fenestraiges

I. Le texte publié par M. de Laborde ënumère {n"^ 263-265) douze plats à 22 carats, pesant environ vingt et un marcs six onces douze deniers.