CULLIERS D OR POUR TABLE A PIERRES FINES OU BOUT

285. Une cuillier d'or ' de plaine euvre, à vi fueilles ou bout de la queue, trois montans et trois avalans, et sur lesdictes fueilles a un balay et audessous un escuçon des armes Pierre d'Avoir. Et poise ii onces xii deniers.

286. Une autre cuillier d'or "de plaine euvre, qui a un saphir ou bout de la queue. Et poise 11 onces v deniers.

287. Une cuillier d'or toute plaine, qui a sur le bout de la queue une perle assés grosse et ronde. Et poise une once vu deniers mail[l]e.

288. Une cuillier d'or petitte, toute plaine, fors tant que sur la verge, qui est plate, sont au bout assis en chaastons entre crampons 11 petis saphirs 11 petis grenas et deux bien petites esmeraudes; et entre ycelles pierres sont rivées seur leur face à ladicte verge de la cuillier v petites perles. Et poise en tout une once VIII esterlins et demi.