C'est le n" 23 de rinvcnlairc publié par M. de Laborde

I 20 TABERNACLES d' ARGENT DORÉ

teste une couronne à fausse pierrerie ; et de chascun costé de Nostre Dame a un angre qui tient un reliquiaire de cristal, et audessus de la teste Nostre Dame a une voûte de très grant maçonnerie à pluseurs chapiteaux, et dessus ladicte voûte sont trois haus clochiers de grant ouvrage de maçonnerie à pluseurs t'enestrages esmailliez, et lesdis trois clochiers portent un reliquiaire de cristal, aus deux bous duquel a deux esmauls, dont saint Pierre est en l'un et saint Jaques en l'autre; et sur ledit reliquiaire a un piller qui soustient une crois de cristal, en laquelle est Nostre Seigneur crucifié, et est le crucefis d'argent; et du pié de ladicte crois part deux branches, sur l'une desquelles est Nostre Dame et sur l'autre est saint Jehan l'Ewangeliste. Et poise en tout liiii mars ii onces.

3oi. Un tabernacle d'argent doré, ouquel est la Trinité et la crois en laquelle est Dieu le Filz crucifié; et le diadème de Dieu le Père est garni de doublez rouges de fausse pierrerie. Et sur cinq des piliers de la chaiere a cinq fausses pierres, trois vermeilles et deux asurées, et sur chascune une perle d'Escoce; et sur le haut du tabernacle est saint Michiel. Et poise en tout XXVIII mars et demi.

302. Un tabernacle d'argent doré soustenu de quatre hommes à genoux, qui tiennent l'entablement à leurs mains derrière leurs espaules; et dessus ledit entablement est l'Annunciacion Nostre Seigneur et un pot dont part un lis, et tient l'angle un roUeau ouquel a escript : Ave Maria, et cetera. Et dessus est le tabernacle soustenu de quatre pilliers de maçonnerie à chapiteaus, fenestrages et pingnons; et en la voute dudit tabernacle a sur les hors devant et derrière comme demis oteaus, et sur les cosiez en a deux, et dessus a autour viii fenestrages à Jour et autour du haut du tabernacle, qui est en manière d'une chapelle, a fenestrages esmailliers {sic) de vert; et sur le devant a une saillie de cristal garni d'argent doré autour. Et la couverture est esmailliée d'azur, et dessus a un petit clochier. Et poise xLii mars une once.

303. Un tabernacle d'argent doré assis sur un lonc entablement à quatre quarrés, lequel est garni de pluseurs souages rons et d'un à croisetes ou millieu, et dessus est crénelé ; et sur les pendans est ledit entablement cizellé à bestes et

enirelaceiz et à arbres et fueillages sur le plat. Et dessus siet ou milieu le tabernacle, qui est fait en manière d'une tour quarrée à pluseurs reprinses et créneaux et à quatre pilliers de maçonnerie sur les costez et quatre petites tournelles dessus ; et sur les deux tournelles devant a deux angres, dont l'un joue de la vielle et l'autre du salterion, et sur les deux derrière sont saint Pierre et saint Paoul; et sur les quarrés de devant et derrière, par le bas, a en chascune deux doubles fenestrages à oteaus et à compas dessus esmailliés ; et es fenestrages a apostres. Et en haut, dessus lesdictes tournelles, a sur le quarré de devant trois fenestres esmailliés ; esquelles sontNostre Dame, saint Jehan Baptiste et saint Jehan l'Ewangeliste ; et sur la quarré derrière sont pareillement saint Michiel, sainte Katherine et saint Agnez; et sur les costez a deux fenestrages saillans, esmailliés d'azur es costez devant, et desur les costez dudit entablement partent deux beaus pilliers de belle maçonnerie à chapiteaus et à pinacles, de chascun desquels, près du haut, part comme une arche de maçonnerie qui joint au tabernacle ; et dessus lesdictes arches, sur ledit entablement, sont deux angres qui tiennent chascun un reliquiaire de cristal garni d'argent. El ledit tabernacle se eslargisi par le haut comme de une reprise, où il a dessous fueillages et est crénelle ; et sur les quarrés de devant et de derrière a en chascune trois fueilles cizellées et trois roses enlevées, et dessus a un longuet reliquiaire de cristal sur lequel a une orbevoie à fenestrages à jour; et aus deux costez du reliquiaire a deux chapiteaux à fenestrages et deux fenestrages esmailliés d'azur, esquels sont saint Pierre et saint Pol; et aus costez a quatre apostres. Et dessus ledit reliquiaire a deux angres en estant, qui soustiennent ledit tabernacle, lequel est comme quarré et plat, assis sur une tournelle quarrée et crenellée dessus, et en est la couverture esmaillié d'azur. Et oudit haut du tabernacle a un ront oteau de cristal à mettre le Corps de Nosire Seigneur; et dessus est un piller cizellé à fenestrages, à une crois esbochiée en laquelle est Nostre Seigneur paint; et au costé du piller sont Nostre Dame et saint Jehan. Et poise en tout xxxvi mars ii onces.

304. Un tabernacle ouvré de maçonnerie, séant sur quatre griffons, ouquel est Nostre Dame ou front devant; et de deux

piliers aus costez saillent deux angeloz qui encensent. Et dessus a un reliquiaire lonc et ront ; et au haut est Nostre Seigneur en crois sur un haut tabernacle. Et poise en tout xxv mars.

305. Un tabernacle d'argent doré, dont le bas entablement est soustenu de six lions et est garni autour de deux souages grenetez et entre deux cizellé à fueillages et à roses. Et sur ledit entablement est Nostre Seigneur, qui yst de son sépulcre et est vestu d'un mantel et tient sa crois, et a son diadème derrière sa teste; et ou sépulcre et ou couvercle a fenestrages de jaspe. Devant ledit sépulcre sont trois chevaliers armez, qui tiennent chascun un reliquiaire de cristal quarré. Et de dessus ledit entablement partent quatre pilliers tuers, et des costez deux grans quarrez de maçonnerie, qui soustiennent le tabernacle, et sur chascun a comme un petit clochier. Et dedens ledit tabernacle a un reliquiaire ront de cristal, et autour a oteaus esmailliés d'azur, et sur le haut a un clochier à quaire fenestrages à jour. Et poise en tout xxii mars vi onces xn deniers.

306. Un tabernacle d'argent doré ' esmaillié porté de six lions gisans; et dedens ledit tabernacle a une ymage de Nostre Dame en estant, qui porte son enfant en son bras, et en sa main destre tient un rosier; et a ledit tabernacle portes cloans esmaillées par dedens de la vie Nostre Dame, et par dehors cizellées à lozenges. Et dessus la teste de l'ymage a une voûte, et est le clochier de maçonnerie quarré esmaillié à apostres, et au plus haut est Nostre Seigneur en la crois, et Nostre Dame de une part et saint Jehan de l'autre. Et poise en tout xv mars vi onces XII deniers.

307. Un tabernacle d'argent doré bien joliet, dont le pié est soustenu de six lions et est bellonc, garni de souages autour; et dessus est fait à liz renversez et enlevez, entre lesquels a esmaus d'asur. Et le pillier qui sousiient ledit tabernacle est fait commç du couronnement d'un tour quarré à fenestrages à jour ; et aus quatre coings a quatre petites tournelles rondes, et entre les tournelles de devant a un escu de noz armes et derrière un pareil. Et de dessus les deux bous du pié partent deux piliers saillans de maçonnerie, à pluseurs fenestrages et pinacles; et