I. C'est le 11° iG de riiiventaire publié par M. de Laborde

l32 TABERNACLES d'aRGENT DORÉ

Seigneur crucifié et sur deux branches aus costez sont Nostre Dame et saint Jehan. Et poise x mars ii onces xii deniers.

3i5. Un grant tabernacle d'argent doré, dont Tentablement est à VIII pans plus longs que larges, assis sur viii lions garnis de grans souages à orbevoies tout entour, perciés à jour, fais en manière de demis compas ; et sur chascun pan, au droit de chascun lion a un fueillage d'enleveure qui va jusques au colet dudit tabernacle ; et dessus lesdis lions, encontre lesdis souages, a un homme sauvage. Et est ledit entablement hachié, c'est assavoir d'une frenge à lettres, et dessous ladicte frenge a archiez hachiez, et au dessus d'icelle a besteletes et fueillages. Et le colet dudit tabernacle est de grans souages ou milieu desquels a tout autour pluseurs fueilles d'enleveure renversées, bleues et vertes. Lequel tabernacle est de grant maçonnerie, de pilliers, d'arcez, de chapiteaus, de fueillages et de fourmes perciés à jour ; dedens laquelle maçonnerie, ou bas estage, a un crucefiement dont la crois est d'un arbre esbranchié, plantée en une terrace vert, et aus deux costez sont Nostre Dame et saint Jehan; et dehors les pilliers de la maçonnerie dudit estage, aus deux bous, a en chascun une porte dedens laquelle a un angle qui tient un chandelier : et des deux costez de ladicte porte a une autre porte plus petite. Et ou haut estage dudit tabernacle a une ymage de Nostre Dame assise, qui tient son fils, dedens une porte sur laquelle a un petit clochier où il a une campane : lequel estage est revestu de deux grans pilliers aus deux costez ouvrez de maçonnerie et perciés à jour. Et y a grant quantité d'alées, de chapiteauls, de tournelles, de creneauset de fourmes perciés à jour, de clochiers et de barbequennes. Et sur le pinacle dudit tabernacle a un angle qui trompe. Et poise xLii mars un onces.

3x6. Un grant tabernacle d'argent doré, dont l'entablement est bellonc en pluseurs quarrés que vi lions portent sur leurs crupes. Ou devant duquel entablement a un fenestrage de maçonnerie à deux petis pilliers, ouquel est saint Jehan Baptiste esmaillié : et tout autour dudit entablement sont pluseurs esmiaus assis par manière d'envoirremens. Sur lequel entablement sont deux angelos à genouls tenans es mains chascun unr eliquiaire de cristal roons et sur le lonc : entre lesquels angelos a un gros

TABERNACLES d'aRGENT DORÉ l33

piler de maçonnerie, revestu de quatre pctis pilliers à archies bouterés ; et aus deux costez a deux grandes salies couvertes, crénelées et à fourmetes garnies d'envoirremens ; sur lesquelles salies sont quatre tournelles couvertes d'asur, en quoi sont quatre banieres esmailliés à bestes. Et auprès desdictes tournelles sont deux angelos d'enleveure. Et ou milieu dudit piler a une porte de maçonnerie où sont pluseurs fenestrages, garnie d'un envoirrement d'asur, encontre lequel est Nostre Seigneur fait sur le demi roont. Et autour dudit piller a quatre petites tournelles roondes, crenellées, où sont petites banieres, sur lequel a une reprinse de grans fueillages sur quoy se porte une grant virole longue et ronde, de cristal, pour mettre reliques, garnie aus bous de deux petis chasteaus où il a pluseurs tournelles, banieres esmailliés et garites ; et sur la fin desdis chasteaus sont deux des Maries qui tiennent chascune une boiste; et entre lesdis chasteaus, sur ladicte virole a un petit tabernacle de maçonnerie où il a pluseurs piliers ; et dedens la porte d'icellui est assise Nostre Dame qui tient son enfant et un rainceau de lis ; et sont les huis de ladicte porte esmailliés d'une part et d'autre à ymages dont les aucuns tiennent chandeliers, et en l'autre est l'Annunciacion. Et au plus haut dudit tabernacle est Nostre Seigneur en la crois et Nostre Dame et saint Jehan ; et au dessous sont les deux larrons sur les pommetes des deux tournelles. Et est tout ledit tabernacle revestu de deux grans piliers sur lesquels sont saint Pierre et saint Pol. Et poise xlviii mars v onces et demie.

317. Un autre tabernacle d'argent doré, dont l'entablement est à VI quarrés sur le bellonc que vi angelos portent à genouls, dont les aucuns tiennent en leurs mains rollez et les autres livres ouvers ; et autour dudit entablement a escript en lettres hachées : « Veni Creator Spiritus », sur lequel entablement a un autre entablement garni de quatre tournelles dont les couvertures sont esmailliés d'asur endentées par dessous, sur lesquelles tours a pennonceaus dorez, entre lesquelles tours est d'une part sainte Katherine qui tient en ses mains la roe et le palme et sainte Agnez qui tient aussi une palme et son livre; et aus deux costez desdis ymages a deux piliers de maçonnerie à archies bouterés où se ferme une virole de cristal sur le lonc et

assés longue : sur lesquels pilliers sont saint Pierre et saint Pol; et dessous ladicte virolle, pour la soustenir est une montée de maçonnerie où est esmaillié le couronnement de Nostre Dame; et aus deux costez de ladicte virole a deux tabernacles de maçonnerie dont tous les fenestrages sont esmailliés à pluseurs sains et saintes. Et entre les espis desdis tabernacles est un autre ouvrage de maçonnerie sur quoy est une grant rondelle de cristal en quoi est un demi croissant pour mettre Corpus Domini. Et au plus haut est le crucefix, Nostre Dame et saint Jehan. Et poise xix mars iiii onces et demie.

3i8. Un tabernacle d'argent doré, dont Tentablement du millieu est quarré, et porté chascun coing dudit entablement de quatre lionceaus qui ont testes de femmes atournées de floquars Et sur le devant du pillier qui est sur ledit entablement a un lonc et grelle cristal; et aus deux costez dudit pillier a deux angles en estant, qui tiennent, chascun à ses deux mains, un reliquiaire de cristal roont sur le lonc, et à chascun costé de chascun angle sur le dehors a un grant pillier de maçonnerie. Et ou millieu dudit tabernacle a un reliquiaire de cristal quarré sur le lonc, audessus duquel est Nostre Dame, séant en une chaiere, qui en son bras destre tient son enfant, et à la senestre tient un lis vert ou bout duquel a trois fleurs blanches : et aus deux costez de Nostre Dame a deux angles en estant, qui tiennent chascun un reliquiaire de cristal ront, sur le plat enchâssé en argent en quarré. Et au plus haut dudit tabernacle a un clochier sur le bout duquel est Nostre Seigneur en la crois ; et sur deux branches, d'une part et d'autre, sont Nostre Dame et saint Jehan. Et poise xxnii mars et demie once.

319. Un petit tabernacle d'argent doré, duquel l'entablement est assés haut quarré, garni par le bas de souaiges, et dessus lesdis souaiges d'une orbevoie de courbetes à jour ; sur ledit entablement a quatre piliers de maçonnerie à oteaus et [qui soustiennent] le tabernacle, lequel se façonne dessouz comme une porte où a un grant fenestrage de maçonnerie à oteaux : et sur le haut de chascun desdis piliers a serpentelles saillans, et d'emprès d'icelles part l'ouvraige saillant de ladicte porte qui est dessus à fueilles d'espines enlevées; derrier lesquelles a envoirremens en fenestrages esmailliés d'azur. Et le clochier

TABERNACLES D'ARGENT DORÉ l35

dudit tabernacle est sur le plat en aguisant amont, couronné au bas d'une orbevoie de pertruis à jour et de creneaus enlevez ; et sur les quarrés est hachié à fenestrages ploiez; et sur le haut a un espy de quatre fueilles et du boutonnet sur le dessus. Et dessous ledit tabernacle est une ymage de Nostre Dame toute droite et couronnée qui tient Nostre Seigneur tout nu contre sa poitrine. Et aus costez d'icellui tabernacle a deux pointes saillans es quelles a deux angles tournez devers Nostre Dame, qui tiennent deux cierges à leurs mains; et de derrière d'euls partent deux pilliers roons à petites chapelles enlevées de maçonnerie, saillans sur le dehors : et soustiennent iceuls pilliers deux arches de maçonnerie de grant euvre à chapelles et à clochiers, qui se assemblent avecques le tabernacle. Et poise en tout m mars vi onces x estellins.

320. Un autre petit tabernacle d'argent doré et esmaillié, dont l'entablement est haut et quarré, à pâte largette; et est sur le bas garni d'une orbevoie de trelleis à jour. Et les quarrés dessus sont esmailliés chascune de deux fueilles reployées et de diverses fleuretes, et garnies autour de souaiges haus. Du plat dudit entablement, sur le devant, partent deux pilliers roons sur lesquelz se appuie le tabernacle devant lequel est fait de trois fenestrages à jour, à chapiteaus et à pinacles enlevez, ouvrez de maçonnerie. Et sur le dessus siet un clochier de maçonnerie couronné en deux lieux à creneaus enlevez, et garni sur les quarrés de petites tourelles, et le bout en est comme un espy entre quatre chapiteaux de maçonnerie. Dedens ledit tabernacle a une petite ymage de sainte Katherine sur un petit entablement assis en losenge sur le grant, laquelle tient une rooe à une main et une espée à l'autre : et est couronnée d'argent doré. Le derrier dudit tabernacle est clos, et sur les costez et le devant se clost à quatre fenestres à charnières, deux pour les costez et deux parties qui font une pour le devant; et par dedens et dehors lesdictes fenestres et le derrier dudit tabernacle sont esmailliés à grans fueillesre ploiéesde vert et de pourpre, et à glaons et rozes jaunes; et tout autour, dedens et dehors, sont garnies de soaiges haus à croizetes férues. Et poise en tout ii mars vi onces xv estellins.

32 1. Un petit tabernacle d'argent doré et esmaillié, dont

l36 PIED DE LA GRANDE CROIX d'oR

l'entablement est comme quarré, garni sur le bas d'un souaige féru à croisâtes ; et la quarré de devant est de cristal, et celles des costez et de derrière sont esmailliés bien finement aus armes de France et de Eu par quartiers. Du plat dudit entablement sur le devant partent deux pilliers roons qui soustiennent ledit tabernacle, lequel est fait de trois fenestrages à jour, deux aus costez qui sont estrois et un devant plus large à chapiteaus de maçonnerie et à petis pinacles entre deux fais de façon de pilliers : d'entre lesquels, sur le dessus, part un clochier comme quarré à quatre fenestrages hachiés et à quatre chapiteaux de maçonnerie et un hautelet pinacle ou millieu qui fait le bout du clochier. Et dedens ledit tabernacle est une ymage de Nostre Dame, petite, afublée d'un mantel et couronnée d'une couronne d'argent doré, tenant Nostre Seigneur sur son bras senestre et en sa main dextre une branche vert. Le derrière dudit tabernacle est clos, tout esmaillié par dedens d'asur et par dehors à losenges desdictes armes entre frètes vers finesmail. Et sur les costez et le devant se clost à quatre fenestres à charnières, deux entières et deux parties, qui se assemblent et font une sur le devant : et par dedens sont esmailliés, par le bas à quatre quartiers desdictes armes, et sur le haut à quatre bestes sauvages, et sur le millieu sont es deux fenestres des costez un roy et une royne à genous, et es deux autres deux angles drois qui tiennent chascun un chandelier à un cierge sus ; et par dehors sont icelles fenestres esmailliées à quartiers desdictes armes, et tout autour, dedens et dehors sont garnies de souaiges à croizettes et férues. Et poise en tout i marc v onces xv estellins.