CROIX D ARGENT DORE

sur le haut doublés à oteaus, et dedens sont esmailliés d'asur à diverses ymages comme de prophètes et de femmes ; et au haut, entre ladicte reprinse et le corps du clochier, a comme vi goutieres encavées sur le roont, et entre chascune sur une pièce longuete enlevée une petite serpent longuete, de plaine euvre sans esles : et le corps dudit clochier est de deux euvres de maçonnerie très bien ouvrée, à pluseurs pilliers, pinacles et tabernacles. Et la plus basse euvre du corps d'icellui clochier est à VI grans fenestrages doubles, esmailliés d'asur, et en chascun a deux apostres sur entablemens et qui ont dessus leurs testes tabernacles esmailliés ; et ou haut de chascun fenestrage a un oteau esmaillié ouquel a une teste : et les deux sont de deux chérubins, les trois de trois testes hupées de vert et la vi= est d'une teste d'angle à esles; et les tabernacles desdis fenestrages sont garnis de fueillages enlevez, et entre iceuls a pilliers par le bas et autres par le haut, tous ouvrés de maçonnerie à pinacles : et à ceuls d'en haut tient un couronnement qui environne ledit clochier et est par le bas hachié de fenestrages à jour, et dessus est d'une orbevoie d'oteaus à jour crénelée au haut. Et la haute euvre d'icellui clochier siet dedens ledit couronnement et est de VI fenestrages ouvrez de maçonnerie, dont les deux sont doubles et les quatre sengles : et en chascun des doubles a deux sains, et en chascun des sengles vu, tous esmailliés, tenans chascun un roolet ; et sur le haut sont à oteaus esmailliés et ont beaus pinacles et entre chascun desdis fenestrages a un pillier. Le dessus dudit clochier est comme d'un pommel garni de deux gros souages entre lesquels a une ceincte esmaillié à branches et fueilles, et sur le dessus est hachié à branches et fueillages; et sur le haut d'icellui pommel a un gros souage à creneaus renversez dessous ; et de dessus ycellui pommel partent comme deux branches esmailliées sur le devant et le derrière à fueillages vers et à roses blanches et jaunes, et sur le dessus et le dessous a comme un baston roont esmaillié de rouge et d'azur, et les bous dedens et dehors en sont comme d'un fueillage, chascun à jour, dedens une branche ploiée comme un crosseron: et le bout desdictes branches est comme un entablement de vi quarrés garni au bas de creneaus renversez ; et sur la destre branche est l'image de Nostre Dame afublée d'un mantel et sur

CROIX d'argent doré 143

la senestrc Timagc de saint Jehan l'Ewangeliste vcstu d'un mantel : et font tous deux triste chiere, et ausdictes branches se tiennent à vis. Ou milieu du bas d'icelles branches est le siège de la crois hachié à lis et à rosiers et est creus dedens et encavé dedcns et derrière comme à demi roont ; et dedens, entre la pointe de ladictc crois dont les quatre bous sont de quatre compas à quatre demis roons, devant et derrière et autour, sont garnis de grans t'uciliagcs à jour reploiés, et dedens sont esmailliés; et y sont sur le devant les quatre Ewangelistes qui tiennent leurs livres ouvers et ont leur ensaingnes près d'eulx : c'est assavoir Taigle, l'ymage de homme, le lion et le buef ; et sur le derrière y a quatre prophètes qui tiennent chascun un roolet, et en l'un a escript : « David rex propheta », en l'autre : « Ysaias propheta », ou tiers : « E^echiel propheta », et ou bas : « Daniel propheta ». Le corps de ladictc crois est tout garni par les bors de haus souages trenchans et haus et de grenetez autour, et sur le plat est esmaillié devant et derrière à testes de sains qui ont entour fueillages entrelaciez ; mais ceulz du devant sont mendres que ceuls du derrière. Et les costez de ladicte crois sont garnis comme de bastons enlevez à demi roont, esmailliés grossement de vermeil et d'asur. Et entre les quatre arches de la crois a quatre grans fueillages enlevez et ouvrez à jour; et ou milieu du croiseron a un oteau esmaillié d'un costé et d'autre ; et celui de devant fait le diadème de Nostre Seigneur, et sur celui du derrière a un aingnel enlevé et doré qui tient au pie destre de devant un phanon de la crois. Et en ladicte crois devant pent Nostre Seigneur atachié à trois clos, et a son chief doré et sa barbe assé et aies reims envelopées d'un drap doré. Et poise en tout iiii'^^ I marc.

33 1 . Une croix d'argent dorée, dont le pié est tourné en manière de compas, assés hautelet, garni autour d'un souage greneté; et va ledit pié en montant à quatre pointes; et sur le haut siet un pillier quarré, sur le haut duquel a un assés gros pommel à quatre pointes, tourné sur le quarré : et d'icellui pommel part une pièce plate où se boute la pointe de la croix; et ladicte croix est à quatre croiserons pareuls, tournez en façon de fleur de lis ; et sur le millieu de ladicte croix est Nostre Seigneur enlevé. Et poise en tout 11 mars vi onces x estellins.