Pavillon, housse
es INVENTAIRE
112. Ung tapis de table de velours bleu de trois lez de large et deux aulnes et ung quart de long, doublé de satin vert, garny d'une frange -d'or.
113. Ung tapis de table de velours noir de trois lez de large sur deux aulnes de long garny d'une bande de broderie de velours blanc porfilé de soye grise avec une petite frange blanc et noir à Tentour ^
114. Un tapis de table trainant de velours noir figuré doublé de taffetas noir tel quel.
115. Trois rideaux de camelot vert et d'or, garnys de passement d'or , horsmis ung passement qui deffault , et la frange du bas d'un rideau , contenans en tout quinze lez et demy.
116. Trois pièces de satin de Bruges imprimé , contenans en tout douze aulnes.
1 17. Dix oreillers de velours et satin , sçavoir quatre de velours jaune figuré à fonds de satin, garnys de franges et crespines d'argent, trois de satin cramoisi rouge, ung de velours cramoisi rouge, et deux de velours gris et toille d'or doublez de cuir.
118. Ung tour de lit de serge de -Beauvais blanche , contenant cinq lez et une bande sur deux aulnes moings demy tiers de hault, le bas frangé d'une soye blanche.
119. Un autre tour de lit de serge blanche de quatre lez et demy de large sur une aulne deux tiers de hault, ung dossier de mesme d'un lez et demy de mesme hauteur.
I. Destiné à l'appartement de deuil, ainsi que le tapis de table suivant.
120. Ung tour de lit de soye jaulne de six lez de large, une aulne et demye demy-quart de hault.
121. Ung tour de lit de serge de Beauvais tanné cannelé de quatre lez et demy sur deux aulnes moings ung xn* de hault.
122. Ung tour de lit de serge blanche tel quel, passementé d'un passement cramoisi rouge et blanc de cinq lez de large sur une aulne trois quartz de hault.
123. Vingt-quatre lez de satin, de Bruges jaulne, blanc et vert , sur une aulne trois quartz de hault.
Et est assavoir que cedict jour xix, de relevée, comme nous fusmes entrez audict grand galetas, seroit survenue Madame la duchesse de Mayenne logée audict hostel, accompaignée d'un de ses serviteurs, d'une damoiselle et de Anne de Morais damoiselle femme dudict Bouville, laquelle nous auroit dict qu'elle desiroit de voir es galetas dudict hostel les meubles et singularitez qui sy retrou voient, et aussi choisir elle mesme les meubles, soit lictz ou autres, propres pour accommoder ledict S' de Mayenne et elle pendant leur séjour audict hostel, et de ce pas se seroit, assistée comme dessus, acheminée es galetas joignant ledict grand, où elle auroit veu par les mains de ladicte damoiselle de Morais femme dudict Bouville qui avoit les clefs des coffres et armoires, tout ce qui luy auroit pieu, pendant que nous travaillions audict grand galetas, et sur les cinq heures de relevée, comme nous attendions que ladicte dame sortist pour faire refermer et sceller la porte dudict grand galetas, nous aurions apperceu qu'elle avoit pris à part trois coffres de
bahu* et autres meubles qui seront cy après spéciffiez, ec entendu par celluy des siens qui Taccompagnoit qu'elle les vouloit faire à l'instant transporter hors diesdictz galetas. Occasion que nous dictz Depleurre et de Ceriziers assistez dudict M® Claude Prévost et en la présence dudict Sabourin, serions allez pardevers ladicte dame duchesse de Mayenne estant en l'un desdictz galetas, à laquelle nous aurions remonstré que lesdictz meubles estoient en main de justice, saisiz et arrestez à la requeste de plusieurs créanciers et autres qui y avoient intérest, et que nous avions esté commis pour faire l'inventaire de tous lesdictz meubles qui estoient audict hostel ; que ceulx qu'elle avoit mis à part et vouloit faire transporter n'estoient inventoriez, ce que nous ne devions pour le devoir de la justice et de noz charges permettre en aucune façon ; à ccste cause l'aurions priée de trouver bon que lesdictz meubles demeurassent où ilz estoient, afin qu'il en fust par nous faict inventaire et que cy après aucun blasme ne nous peust estre imputé. Laquelle dame nous auroit dict qu'elle avoit mis à part ce qui estoit nécessaire audict S' de Mayenne et à elle pour les accommoder pendant leur séjour audîct hostel, et quelques autres petites singularitez qui luy avoient pieu dont elle avoit faict faire mémoire en sa présence qu'elle avoit signé de sa main pour le luy représenter lorsqu'elle rendroit les^
X. Coffres de bahu. Ce mot ne figure dans les inventaires qu'à partir de la fin du xvi* siècle. Jusque-là on dit coffres et on dit bahuts, sans que la différence entre les deux termes soit très-appréciable.
dictz meubles, lesquelz elle entendoit faire emporter présentement pour ce qu'elle en avoit besoing ; adjoustant que ledict S' de Mayenne et elle demeuroient responsables de ce qu'elle emportoit, et qu'elle n'entendoit rien retenir de tous lesdictz meubles qu'elle n'en payast la juste valleur au contentement des créanciers et de tous autres qui y avoient intérest, et que pour asseurance de ce elle le feroit signer audict S^ de Mayenne , et que si nous voulions vérifEer ledict mémoire sur chacune pièce pour veoir ce qu'elle emportoit et en faire mention, elle estoit contente. Et voyant que pour la qualité, auctorité et puissance dudict Sï de Mayenne et de ladicte dame, nous ne pouvions bonnement empescher ledict transport, nous aurions, ce requérant ledict M® Claude Prévost en la présence et du consentement dudicc Sabourin, récolé et vérifEé ledict mémoire sur chascun article d'icelluy, ayant pour cest effect faict ouvrir lesdictz trois coffres et veu pièce après autre ce qui estoit en iceulx, lequel mémoire nous avons trouvé véritable, et nous avons arresté d'insérer en ce présent inventaire lesdictz meubles contenus audict mémoire, es jours que nous serons es galetais et armoires desquelz ilz ont esté tirez, afin que lorsque ladicte dame#endra lesdictz meubles, ilz soient remis chascun en son lieu et place pour éviter confusion. Et néantmoings avons ordonné que ledict mémoire après avoir esté signé dudict S' duc de Mayenne sera transcript en la façon du présent inventaire pour servir à qui il appartiendra ce que de raison*.
