AU LOUVRE
C'EST CE QUI ESTOIT EN L'ORATOIRE DE LA PETITE CHAPPELLE DU ROY AU LOUVRE, LE V'ne JOUR D'AVRIL CCC IIIIXX, PRESENS À EN FAIRE L'INVENTOIRE "MONSEIGNEUR DE SAVOISY, JEHAN DE VALDETAR , GILES MALET, GARRIEL PATI- NANT ET J. CRETE.
ET PREMIÈREMENT
2287. Ung joyau d'or à pié, où est la Résurrection, à pié, en ung tabernacle, et dessus est une croix où est ung crucifix, Nostre Dame et saint Jehan aux deux costez, et deux angelotz sur la croix, et ung pélican tout au dessus; lequel joyau et croix sont garniz de perles,, ballaiz et saphirs, et est le dyadesme du crucifix d'un saphir à huit carres; et poise sept marcs deux onces d'or.
2288. Item, ung autre joyau ouvré de maçonnerie, où au dessoubz est le Trespassement Nostre Dame, et au dessus, en ung tabernacle, est Nostre Seigneur, en estant, tenant l'âme Nostre Dame, et tout au dessus, le Couronnement et plusieurs autres ymages à l'environ, lequel joyau est tout garny de grant foyson de perles, esmeraudes. saphirs et ballaiz; pesant dix marcs d'or.
El depuis en oni esté ostées mi" deux perles, baillées à Chariot, l'argentier
1 Charles Poupart, argentier de Char- le massacre des Armagnacs. (M. Douët-
les VI, nommé par lettres du 5 juin 1890. d'Arcq, Nouveau Recueil des comptes de l'ar-
Celte mention sans date est donc postérieure genlerie, p. xi.) à celle époque. Charles Poupart a péri dans
et y est demouré seize saphirs, vingt ballaiz et huit esmeraudes, et est revenu pesant neuf marcs quatre onces.
2289. Item, ung autre joyau fait de maçonnerie, ou dedens est Nostre Dame tenant son enflant, et deux angelz aux deux costez, l'un jouant de la harpe, et l'autre de la vielle; ledit joyau garny de perles, ballaiz, saphirs et esmeraudes; pesant quatre marcs deux onces.
2290. Item, ung autre joyau, dont le pié est de feuillages, où sont plusieurs ly maçons yssans de grosses perles, et au dessus est Nostre Seigneur en yssant du sépulcre, lequel est en une nef chastelée, et au dessus est l'y mage Nostre Dame en ung tabernacle, et ou chef dudit joyau est une fleur de lys faicte sur ung dyamant plat; lequel joyau est garny de perles grosses, plusieurs dyamans, ballaiz et saphirs; pesant six marcs quatre onces d'or. El est demouré oudit joyau sept saphirs, huit balaiz, quinze dyamans, (pie plaz (pie à poincte, et douze perles; et poise cinq marcs six onces.
2291. Item, ung autre reliquiaire, ou dcssoubz est Nostre Seigneur couché ou sépulcre sur ung drap blanc, Nicodémus, Joseph et les troys Mai'ies environ, et entour ledit sépulcre les quatre chevaliers, et au dessus dudit reliquiaire est Nostre Seigneur montrant sesplayes el deux angeloz tenans la croix, la lance, la couronne et les clox; lequel reliquiaire est garny de perles, ballaiz et saphirs; pesant quatre marcs troys onces d'or. Et y fault ung angelot. Et est revenu à iinm n" et demye.
2292. Item, ung joyau où est l'Annonciacion . et est le ventre de Nostre Darne ouvrant, où dedans est la Trinité, et sont saint Pierre et saint Pol aux deux costez dudit joyau; el sont les piez dudit joyau de quatre angeloz tenans chascun une esmeraude, el est ledit reliquiaire garny de perles, saphirs, ballaiz et esmeraudes et rubiz d'Alixendrë; pesant quatre marcs six onces.
Dont on a osté pour bailler audit argentier lv perles de compte, et y est demourd huit saphirs, cinq esmeraudes , deux petites perles, neuf ballaiz, et le pié gann dé rubiz d'Alixandre et d'esmeraudes; pesant inimv0.
2293. Item, une croix d'or ouvrée à façon de Damas, où sont neul
esmeraudes, neuf ballaiz et quatre grosses perles, et est sur ung pié
d'argent, hachié à feuillages, la croix pesant six onces d'or.
Et ont esté ostées cinq perles de compte de ladicte croix; et poise cinq onces quinze estellins.
Et le pié, qui est d'argent, poise ung marc d'argent.
2294. Item, une croix de la façon de Damas, à la manière d'un baston boursonné, et y a ung crucifix enlevé, Nostre Dame et saint Jehan aux costez, et au troys boutz, troys fleurs yndes, où dedens chascune a une grosse perle; laquelle croix et le pié est garnye de perles, saphirs, balaiz et deux esmeraudes, et y fault une perle; pesant n marcs d'or.
2295. Item, une croix sur ung arbre broussonné, et a ung crucifix, Nostre Dame et saint Jehan aux deux costez, deux angelotz sur la croix et ung pellican tout au-dessus; et est ladicte croix assise dedens ung calice; laquelle croix est garnye de quatre ballaiz, deux saphirs et plusieurs perles ; et poise ung marc une once d'or.
2296. Item, ung reliquiaire, où est ung camahieu à une teste blanche, et aux deux costez deux angelotz sur deux pilliers, et au dessus dudit camahieu une couronne, et sur la couronne une croix, où est le crucifix, Nostre Dame et saint Jehan; et est ledit reliquiaire garny de unze saphirs, unze ballaiz, troys camahieux et plusieurs autres perles; pesant ung marc six onces.
2297. Item, ung autre joyau, de très menu ouvrage, où est Nostre Dame assise en une chayère et plusieurs arbres, environ luy saint Michel, saincte Agnès, saint George et deux angeloz assiz devant elle, et au dessus est ung escu à troys fleurs de lys, dont le champ est d'un saphir, et est ledit joyau garny de grosses perles et menues, d'esmeraudes, ballaiz et saphirs; pesant ung marc et demye once. Et y fault cinq perles.
2298. Item, ung autre joyau où sont saint Jehan et saincte Katherine à genoulz, soustenans une chayère en laquelle est assise Nostre Dame tenant son enflant; soubz ses piez, ung carreau azuré, et audessus, troys angeloz; lequel joyau est garny de vingt six grosses perles, cinq saphirs, sept ballaiz; pesant troys marcs une once.
2299. Item, une croix où il a cinq gros ballaiz, tous glaciez, et quatre angelotz, à l'environ vingt grosses perles, laquelle est sur ung pié d'argent, d'yniages enlevez, à demy ront; et poise ladicle croix six onces sept estellins maille d'or; et le pié, qui est d'argent, poise quatre onces.
"2300. Item, une croix où sont cinq saphirs, neuf ballaiz et trente grosses perles; pesans ung marc six onces.
2301. Item, une autre croix, qui est au doz hachiée de fleurs de lys, et ou mylieu est ung ballay cabouchon, et en ladicte croix a cinq esmeraudes, quatre saphirs, vingt une grosses perles, et ou pié sept perles bruttes et sept saphirez du Puy; pesant six onces huit estellins.
'2302. Item, ung ymage de saint Denys, assiz sur ung cristal ront, tenant ung cristal en sa main et sa couronne en l'autre, où sont Iroys saphirs, ung ballay et troys perles; pesant cinq onces dix estellins.
2303. Item, ung ymage de saint Jehan, de ce grant, tenant ung cristal en une main, et l'aignel1 en l'autre, où sont quatre perles, troys saphirs et ung ballay; pesant cinq onces dix estellins.
2 30 â. Item, ung ymage de Nostre Dame, sa robe esmaillée d'azur, tenant ung saphir en sa main, et une perle en la poitrine, le pié et la couronne garniz de perles, petites esmeraudes et rubiz d'Alixandre; pesant troys onces cinq estellins.
2305. Item, ungs tableaulx à pignon de troys pièces, où dedens est ung camahieu taillé de l'Annonciacion , ou mylieu, garniz de troys saphirs, six esmeraudes, rubiz d'Alixandre et perles; pesant sept onces dix estellins.
2306. Item, ungs autres tableaulx près de celle façon, où ou mylieu est ung ymage de Nostre Dame esmaillé, et sur le tableau a une croisette où fault une petite esmeraude, et est garny de plusieurs esmeraudes gratis et petites, plusieurs rubiz d'Alixandre, grans et petiz, et plusieurs perles, grosses et menues; pesans ung marc dix estellins.
2307. Item, ungs tableaulx d'or de deux pièces, où dedens est l'An- ' Agneau.
nonciacion esmaillée, et dehors sont saint Jehan i'Evangéliste et saint Pol; pesans ung marc cinq estellins moins.
2308. Item, ungs autres tableaulx moindres, où dedens est Nostre Dame tenant la croix noire et le Roy à genoulx, devant et dehors sont esmaillez à façon de marbre; pesant sept onces quinze estellins.
2309. Item, ungs autres tableaulx, de deux pièces moindres, où dedens est l'Annonciacion et la Gésine Nostre Dame, et dehors est une Pitié de Nostre Seigneur, et ung demy ymage de Nostre Dame; pesant deux onces.
2310. Item, ungs tableaulx moindres, de deux pièces, où dedens est Nostre Dame et saint Jehan Baptiste, et dehors sainte Katherine et saint Jehan I'Evangéliste; pesans une once huit estellins.
2311. Item, ungs tableaulx petiz, de troys pièces, où sont d'un costé ung Crucifiement, l'Annonciation , saint Christofle et saint George, et, d'autre costé, le trespassement Nostre Dame, saincte Katherine et saincte Marguerite; pesans une once huit estellins.
2312. Item, ung tableau de pourcelaine, où sont deux ymages armez, en estant, deux escuz de saint George et deux glayves, où sont en la bordeure treize perles, quatre saphirs et quatre ballaiz; troys onces d'or.
2313. Item, ung petit reliquaire sur le ront, où est ung cassidoyne, et autour troys rubiz d'Alixandre, quatre esmeraudes, quatre perles, et l'Annonciation hachée au doz ; pesant une once.
23 \â. Item, une croix d'or ouvrée de menue ouvrage, où est ung petit crucifix, les deux larrons aux costez, ung pellican au chef dessus, et pent à ung petit annelet, et au pié dessoubz ung camahieu d'un enffant blanc que ung ange tient; pesant deux onces cinq estellins.
2315. Item, ungs autres tableaulx de deux pièces, esmaillez par dedens d'azur, et d'un costé est ung crucifix enlevé, Nostre Dame et saint Jehan et troys angeloz autour, et de l'autre part le Couronnement et six angeloz autour, et sur les deux aiz par dehors, sont deux croissans esmaillez d'azur, et en chascun a ung camahieu, troys ballaiz et douze perles menues; pesans cinq onces d'or.
2316. Item, deux chandeliers petiz, d'or, à broche; pesans ung marc d'or.
2317. Item, deux angelotz petiz, d'argent doré, tenans chasciin ung encencier et un très petit chandelier; pesant troys marcs quatre onces et demye.
2318. Item, ung ymage de Nostre Dame, en estant, tenant son enffant à senestre, et ung arbressel où est ung dyamant à l'autre main, et d'un costé sont saint Jehan Baptiste et saincte Katherine, et sont les quatre piez, de petiz angelotz, et au dessus est ung papegault, ce jovau garny de six ballaiz, dix sept perles et ung saphir; pesant cinq onces cinq estellins.
2319. Item, ung chandelier d'argent sur un pié de boys, où sont six petites broches en six plateletz pour mectre six chandelles, et v pendent deux escussons de monseigneur le Daulphin; pesans six marcs troys onces d'argent.
2320. Item, benoistier d'argent à six carres et ung guippillon; pesant troys marcs six onces et demye d'argent.
2321. Item, sur l'autel une croix d'argent et ung très grant pié plat, esmaillé de la Passion sur quatre lyons, et dessus a ung reliquaire de cristal carré, que tiennent deux angelotz, dont l'un tient la couronne, et l'autre la lance; et au dessus est une gresle croix à quatre carres, ung Crucifiement, Nostre Dame et saint Jehan aux quatre costez, et quatre gros pommeaulx esmaillez d'azur; pesans vingt marcs' six onces.
2322. Item, ung ymage de Nostre Dame, en estant, tenant son enffant à senestre, et ung reliquiaire à la destre, où sont des cheveulx Nostre Dame, et est l'entablement, sur quoy elle est, esmaillé de France; pesant six marcs troys onces.
2323. Item, ung calice; pesant deux marcs demye once.
2324* Item, deux burettes d'or; pesans ung marc sept estellins obole d'or.
2325. Item, deux platz d'argent dorez, neellez ou Ions; pesans deux marcs troys onces et demye d'argent.
2326. Item, deux chandeliers d'argent dorez, et sont les piez de troys serpentelles; pesant quatre marcs d'argent.
2327. Item, une boiste d'or, à mectre pain à chanter; pesans troys onces et demye d'or.
2328. Item, une clochette d'argent, dorée; pesant cinq onces quinze estellins d'argent.
2329. Item, une petite portepaix d'or, neellée à fleurs de lys, à ung crucifix, ung roy et une royne; pesant troys onces et demye d'or.
2330. Item, ung bassin d'argent pour mectre une lampe, pareil de ceulx des autres chappelles des maisons du Roy; pesant cinq marcs et demy d'argent.
2331. Item, ung corporalier de veluiau vermeil.
2332. Item, oudit oratoire a ung reloge en façon d'un timbre, que donna monseigneur de Berry au Roy.
2333. Item, ungs tableaux de boys, de six pièces historiez; et les donna au Roy le conte de Bresne1.
2334. Item, vingt pièces de draps d'or très fins, sur champ roze, aux armes monseigneur le Daulphin.
2335. Item, unze pièces de plusieurs paremens, tant de brodeure comme autres, de plusieurs et diverses façons.
2336. Item, ung Messel en ladicte chappelle, à deux fermoers, des armes monseigneur le Daulphin.
* 2337. Item, une petite palète d'argent, à faire fumée.
1 Simon de Roncy, comte de Rrayne, dont le nom est écrit, dans les Mandements de Charles V, de Rrenne, de Rreyne, de Rraineet de Rrainne, possédait toute la confiance de ce prince , qui dans ses mandements le traite de « notre amé et féal chevalier et conseiller.)) En 1871, le roi l'avait envoyé avec le comte d'Etampes en Flandre tfpour certaines grosses besoignes touchant l'Estat , honneur et profil de nous et de nostre royaulme. 1 Dans la même année, il se porta caution du roi, avec d'autres personnes, du
remboursement d'une somme de 100,000 fr. d'orque Charles V avait empruntés rr poulie fait des guerres". En 1877, il fut chargé, avec le comte de Sarebruche et le seigneur de la Rivière, d'aller recevoir l'empereur Charles IV à la frontière de France. Dans la même année le roi l'envoya à Florence et à Rome pour traiter de la paix entre le pape et la République de Florence. {Mandements de Charles V, collect. de M. Delisle, n° 766 , 861, i58o, 1688. Les grandes Chroniques de France, édit. P. Paris, VI, 35g.)
'2338. Item, ung frontier, dossier, paremens, chasuble, tout de drap d'or sur champ d'azur.
2339. Item, ung très grant eschicquier de boys paint, et les eschetz oie mesmes.
