BOURSES A PENDRE AUSDICTZ FERMAULX

ESTANS OUDIT COFFRE DE CVPRAES, ESQUELLES ESTOIENT LES CHOSES QUI S'ENSUIVENT:

ET PREMIÈREMENT

596. Ung reliquiaire d'or beslong, ouvré à façon de Damas, sur lequel est ung camahieu d'une ymage de Nostre Dame enlevé, et troys petites esmeraudes et quatre saphirs autour dudit camahieu ; et au doz dudit camahieu a troys petiz dyamans platz, deux petites esmeraudes et ung petit ruby d'Alixandre; et est ledit reliquiaire en une petite bourse de satin azuré, à quatre boutons de perles; et est plain de la Vraye Croix, du sang de Nostre Seigneur, de la Saincte Couronne et d'autres.

597. Item, ung petit reliquiaire d'or beslong, où est esmaillé d'un costé l'ymage de saint George, et d'autre part esmaillé de France; et dedens est la dent saint George.

598. Item, une petite boursette, où dedens sont pendans à une chaynette d'or, chascune, deux pierres en os bonnes contre le venin, c'est assavoir une petite teste de serpent noire, nommé Lapis Albazahar, et ung autre petit osselet blanc carré.

599. Item, deux vieilles bourses de broderie, pendans à unglaz, armoyées des armes de France, à dix boutons de perles.

600. Item, une autre bourse faicte à l'esguille, semée de perles et a une emprainte d'or dedens.

001 . Item, une autre bourse faicte à l'esguille comme dessus, semée de perles et cinq fresectes d'or.

602. Item, une autre bourse à champ d'azur, et à cinq boutons de perles.