YMAGES DE NOSTRE DAME

151. Ung ymage de Nostre Dame, dont le corps d'icelle et de son enflant sont d'or, à une couronne garnye de pierrerie, à ung lermail en la poictrine; et le dyadesmie de son enffant, garny de perles, où il fault une perle; et tient en sa main ung fruitelet par manière de ceptre, où il a ung gros saphir; et poise quarente marcs, tant d'or, comme <l'argent, c'est assavoir: l'y mage, environ treize* marcs d'or, et l'entablement poise environ vingt sept marcs d'argent.

152. Item, ung autre ymage d'or de Nostre Dame qui a une couronne d'or à pierrerie, et tient ung petit reliquiaire de cristal, et est en ung grant tabernacle d'argent, et est appelle Nostre Dame de Vendosme; et poise, sur tout, quarente ung marc, c'est assavoir : l'ymage d'or, environ deux marcs d'or, et le demourant, qui est d'argent, trente neuf marcs d'argent.

153. Item, ung autre ymage d'or de Nostre Dame estant dans un tabernacle garny de grant foison de saphirs, de ballaiz et de perles; et est soustenu, ledit tabernacle, à angeloz d'argent; et le donna au Roy ie sire de La Rivière; et p<Hse, ledit ymage, quinze marcs d'or, et i'entablemeût poise ti^eaate quatre marcs d'argent.

154. Item, ung ymage d'or de Nostre Dame aseiz en une cbayère,

et a une couronne d'or sur sa teste, garnie de pierrerie, c'est assavoir, huit ballesseaulx, quatre saphirs et douze perles; et a, en la poictrine d'icelle , ung fermai! en façon d'une rosette de six perles et ung baiesseau ou mylieu; et tient, ledit ymage, en sa main, un reliquiaire en façon d'une fleur de lys garnye de trois ballesseaulx, trois saphirs et huit perles; et est, ledit ymage, assiz sur ung hault entablement d'argent doré, environné de six ymages à prophettes, et a ung reliquiaire ou front devant ledit entablement, que saint Joachim et saincte Anne tiennent; pesant. . .

155. Item, ung autre ymage de Nostre Dame, qui se euvre et clost, assiz en une chayère d'or, et tient une fleur de lis en sa main , garnye de trpys balaiz, trois saphirs et huit perles, et à sa poictrine a ung fermail où il a six perles et un ballesseau, et en la couronne a huit balaiz, quatre saphirs, huit grosses perles et quatre menues; pesant, atout la couppe qui est dedens, douze marcs sept onces d'or.

Et le pié sur quoy ledit ymage siet, qui est d'argent doré, a huit prophètes autour, et a, ou mylieu, ung reliquiaire à douze escussons de France tout autour du pié de la pâte; et est soustenu, le pié, de six angelotz ; pesant cinquante et quatre marcs d'argent.

156. Item , ung ymage d'or de Nostre Dame garny autour de perles et de pierrerie.

157. Item, ung autre ymage d'or de Nostre Dame, et l'estuy, esmaillé d'azur.

158. Item, ung ymage d'or de Nostre Dame assiz en une chayère où sont dix perles, deux saphirs et ung ballay.

159. Item , ung ymage d'or de Nostre Dame en un estuy esmaillé de France.