L'os mons' saint Anthoine

584. Ung Agnus Dei garny d'or, où est escript l'Evangille saint Jehan, aux armes de la royne Jehanne de Bourbon.

585. Item, ung Agnus Dei, où d'un costé sont les armes d'Angleterre, et l'autre, de Bretaigne.

586. Item, ung reliquiaire d'or, plain de reliques, de la façon de Damas, garny d'un bon saphir ou mylieu, où est un Dieu enlevé, et à l'environ, a ung ruby d'Orient et quatre dyamens; et est en une petite boursecte de satin azuré.

587. Item, une croix d'or appellée la croix de Roddes, et est garnye de dix sept rubiz d'Orient, seyze dyamans, dix sept grosses perles, et est l'envers esmaillé des armes de France, et a, au bout dessoubz, un escu ouquel il a ung daulphin.

588. Item, ungs très petiz tableaux à pignon, qui cloent et ouvrent, esmaillez dehors et dedens, et a Sedens ung cruciflement enlevé, et sont esmaillez dehors de France et de Navarre.

589. Item , ung reliquiaire d'or garny de dix huit grosses perles, de deux camahieux, c'est assavoir, en celuy qui est au dessus, ung crucifiement, et au dessoubz, ung roy séant en sa majesté.

FERMAULX D'OR