DRAGOERS1 D'OR SANS PIERRERIE

ET PREMIÈREMENT

431 . Ung dragouer d'or rond, à un esmail rond de France ou fons, semé sur le bort et sur le pié d'escussons de France ; et y a ung pommel à yeuilletz, esmaillé de France; pesant seize marcs quatre onces.

432 . Item , ung autre dragoer d'or, à façon de roze dessus et dessoubz et a ung esmail rond de France , ou mylieu , et en la pâte , a pièces de boillons de France, à huit petiz esmaulx des armes à l'evesque de Laon; pesant quinze marcs d'or.

433. Item, ung autre dragoer d'or, de pareille façon; pesant douze marcs sept onces d'or.

434. Item, ung petit dragouer d'or sans pié, tout plain, et a ung souage par dessoubz à le tenir, et a ou fons ung esmail de France ront; pesant deux marcs cinq onces et demye d'or.

435. Item, ung autre dragouer d'or à pié, lequel est à façon de roze, et est esmaillé ledit dragoer et le pié, par les bors, d'esmaulx de France et de plite; pesant ix marcs vi onces et demye.

436. Item, ung petit dragoer de cristal, couvert, goderonné, garny d'or; pesant quatre marcs deux onces.

1 Qu'on écrivait aussi drageur, dragoir, dragouer et plus ordinairement drageoir, vase destiné à mettre des dragées, des sucreries, des confitures sèches.

437. Item, ung grant dragoer d'or, à couvescle, à esmaulx de plite et de France l ; pesant dix sept marcs quatre onces.

438. Item, ung dragoer couvert, cizellé à fueilles de chesne; pesant vingt quatre marcs.