LA QUATRIÈME LEÇON CHANTÉE PAR MARCHANDISE
Nous tous marchands devons bien lacrimer Pour le feu roy qui faisoit à aymer De nous garder par terre et mer
En nos franchises.
Trestous larrecins et pilleries bas mises, Marchans gaignoient en toutes marchandises. Draps de soye et pierres exquises
Voire a planté ^ L'en eust au poyig or et argent porté Par tous pays porté et raporté.
Si seurement sans estre inquiesté
Qu'on eust voulu Et si hardy que nul si eust tolu.
Le pris ou gaing que la chose eust valu Chacun vendoit à son mot absolu
Selon la togue.
Marchandise estoit lors en sa vogue En son grant briiyt, triumphe et en gogue, Et tellement que l'en devenoit rogue
Pour les grans biens Que l'en gaignoit pour soy et pour les siens. Celiers, greniers, estoient combles et plains De vins, bledz, foings, avoines et tous grains
Pour en garnir
Villes, gendarmes qu'eust voulu jfouriiir ; Farines, chairs et ung ost soutenir Que l'on faisoit arriver et venir
Diligemment.
Parquoy chacun si estoit diligent De suivre lost, avitailler la genl, Porter vivres et denrées deschargant
Et leur mairiage.
Marchans gaignoient et vivoient davantage. Las I du bon temps du feu roi le très-sage Point n'y avoit en tant de lieur trua^e
INe de subcides.
C'estoit raison de lui paier les aides Ordinaires, les passages et guides-, Mais de prendre les marchans par les gorges
De leurs chevaulx, Saisir leurs cars et ancrer leurs basteaulx En imposant tribuz et droitz nouveaulx L'en n'eust osé user de tels travaulx, ^
Car marchandise Jamais n'a cours selle n'est en franchise Et liberté d'amour qui la conduise.
Exaction excessive post misse,
0 vous, seigneurs, Roys, princes, ducs, comtes et gouverneurs Qui avez soubz Dieu les biens et les honneurs, Considérez les peines et labeurs
Que ont les marchans, De aller nuyt et jour travailler par les champs, A pluye et vent, biens et vivres cherchans, El le dangier des larrons et mechans
Gens pour leur nuyre.
Et d'aucuns d'eulx ' par diligence et fuire Et marchez, foires au royaume ou empire Sont enrichiz est ce pourtent à dire
Qu'on les doit, prendre, Soit tort ou droit, leurs biens piller ou vendre Les confisquer et donner sans mesprendre ? C'est très mal fait, une fois les fault rendre
Cyou ailleurs.
Las ! quel dangier de faulx accusateurs Meschans garçons et mauvais amputeurs Qui vont dire mensonges aux seigneurs
Pour deffaire Mains bons marchans, leur argent subtraire Sans les oyr en justice ne faire Droit ou raison, et puis leur adversaire
Estre ou proucès En prenant juges de leur bende et acès. 0 quel abuz et quel horrible excèz !
Trop mieux vauldroit mettre partout le ces
Et l'interdit.
Hée î conviendra ung qui n'aura mot dit Ne riens meffait, se l'accuseur le dit Il sera prins et jugié sans desdit
En piteux termes Dont les vefves, enfans et povres femmes En seuffrent maulx et douleurs fermes Qu'on ne scet point qu'on voit les lermes
Cheoir des yeulx
La IV leçon finit par les strophes suivantes :
^ Tout ce qui suit, jusqu'à la fin de la leçon, semble se rapporter à Jacques Cœur.
