DE PARIS

Nicot au Roi

La j Xavembre 1559

Sire,

Par mes dernières lectres, du xxip doctobre derrenier, jayadverty vostre Majesté du desvy quon ma faict des cent quintalx de poyvre que je demandois pour le fournissement de vostre Royaulme. La Royne mavait faict entendre que a cause de certaines peines contenues au contractpassé pour le faict de lespicerie, entre le feu Roy de Portugal et les contracteurs, elle nen pouvoit délivrer sans le consentement diceulx. Et a ceste cause javois recouvré le consentement dun des principaulx et une lectre sienne de prière à ses compagnons de y condescendre, lesquelz ayans consulté entre eulx mavoient respondu quilz en estoient contens pourveu que largent vint en leurs mains. Et par ce moien, lempeschement desdictes peines osté, l'affaire estoit reduict a ceste difficulté sans plus. Mais la Royne insista allhors a ce que largent vint en ses mains, quoy voians les contractateurs passoient oultre, et se contentaient d'avoir ceste response de la Royne, par escrit, sans plus, ce que je luy remonstray et offrois largent contant. Ce neantmoins, elle nen a voulu rien faire. Voyant que lesditz marchans françois ne me laissaient en repos, et ayant ja commencé a soubconner que la Royne ne cberchoit que couvertures a son reffus, jay vouUu finablement sonder ce quelle en avoit au cueur et la vaincre par bonnesteté dexpédiens, et lay suppliée quelle volut procéder a ceste délivrance, a quoy la confédération lappelait et obligeoit. Me faisant don gratuict dicelle

quantité de poyvre, et recevant de moy ung présent alequipolent, ou le permutant avec moy, pour telle autre espèce quelle vouldroit. Et ce pour la voir dedans son Royaulme tant seuUement, et quant au changement et transport dicelluy que je viendrois bien a bout de ceulx qui prétendroient lempescher. Sans en rien y mesler sa haultesse, elle me dist quelle adviserait la dessus. Dont quelques jours après je luy demanday la résolution et ne sachant quel autre inconvénient ou obstacle mettre en avant, me feit response que son conseil luy avait dict que lespicerie estoit marchandise quil falloit tenir en réputacion et quelle en dyminueroit grandement, si on faisoit vente et délivrance avant la fin dudict contract, et que les gens prendroient oppinion que contraincte de nécessité auroit meu sa haultesse de faire ladicte vente. Je luy dy alors que tel conseil estoit bon de marchant, mais que pour estre donné par ung conseiller destat à ung Roy requis de la part de lambassadeur de son confédéré, et pour la commodité publicque de son de son royaulme, je le trouvois fort inusité et hors de la fédéracion, et que cestoit ung refïus a pur et aplat, et veu que son intencion avoit esté telle, dès le commencement mesmes, quelle eust bien peu obvier à tant dallées et de venues et a tant defraiz, que lesditz marchans francois avoient faict en si longue attente, ayant le pourparlé de cest affaire duré plus de six sepmaines.

Sire, jay entendu que vostre majesté a confirmé le concordat faict avec le Roy de Portugal pour le regard de la surcéance des lectres de marque et des déprédacions advenues sur les subjectz des deux costez. Jay requis la Royne de commectre les cinq juges que par vertu dicelluy je luy nommois par deçà pour congnoistre des plainctes des francois. Elle a différé de ce faire tant que jeusse procuracion de vostre Majesté pour ce faict. Jay trouvé ceste cause de dilacion raisonnable. Touttesfois, sachant quelle a receu voz lectres patentes de ladicte con-

firmacion ou coppie d'icelles et que son ambassadeur a procédé par delà à çeste nominacion de sa part;etveu mesmes que ce n'est aujourd'huy la dixiesme plaincte tant seullement que jeluy aifaict, de ses juges par les mains desquylz les affaires ont passé et passent encore à présent telz puntillos se pouvoient bien négliger. Il plaira à vostre Majesté commander que lettres de procuracion ne soient envoyées, ensemble la coppie de vos dictes lettres patentes deuement coUationnée, On dict icy que quelques ambassadeurs du Roy d'Espagne doyvent venir dedans peu de jours. Mais on ne scaitau vray le faict de leur charge, aucuns présument que c'est pour requérir aux gens des troys estatz de ce Royaulme quilz ayent à recevoir et jurer led. prince de Castille pour priuce de Portugal comme plus prochain successeur à ceste couronne, en cas de decets de leur Roy sans hoirs légitimes procréés de Luy. ToutefEois tant pour estre le Cardinal en pareil degré, que a cause de linvétérée et intestine inimitié, et malveillance dentre ces deux nations, ceste chose seroit bien malaysée à obtenir, et comme je voy les cueurs des porlugois du tout opposez et contraires au bien des afïaires des Castillans, ilz se feroient tailler tous en pièces et endureroient toutes lez extrémitez du monde plus tost que de franchir ce pas, les autres pensent que cest pourremcctre sus une querelle vieille et longuement alterquée entre ces deux Roys pour le regard des Isles des Moluques. En lan 1483, le Pape Alexandre VI^, meu des querelles advenues en lan miiiflxxi entre le Roy de Portugal Alonso cinquième et Fernand et Ysabel Roys de Gastille a cause delà myne d'or de Guynée, feist donacion aux Roys de Castille des Indes qui avoient esté descouvertes a leur pourchaz et autres quilz descouvriroient delà cy avant devers le ouest et le sul. Et a ce que ces nouvelles conquestes diceulx deux Roys ne fussent causes dautres dissides et guerres entre eulx fuct jectée une ligne ou méridian de nord à sul, distance de cent lieues des

Isles tant des Açores que cabo verde, devers ouest et sul, pour marque et séparacion de leurs dictes conquestes. Le Roy de Portugal Jehan deuxiesme de ce nom se plaignant de ceste assiète des limites, demanda que les bornes et ledict méridian fussent mises trois cens lieues plus oultre devers ouest. Ceste demande en lan m. iiiP iiii''^ xiiii luy fuct accordée pour irLxx lieues ; et lors furent faictes cartes de naviguer et en icelles, painct ledit méridian avec cest nouvel accroissement, par le moien duquel les Castillans prétendent enclorre lesdictes moluques, en leur demarcacion, disans que le conseil du Roy de Portugal sest trompé pour avoir demandé ceste estendue de lymites devers le lest et non devers louest comme ilz ont faict. Les portugois mectent en avant que Alfonsodo Alboquerquo, portugois résidant à Malaca pour le service de son prince, envoia en lan mv^xi descouvrir devers lelest jusques au dessoubz de la ligne equinoctiable ou lesdictes moluques sont assises, et que deslors fuct faicte ligne et amytié avec Cacliil Boleife- Roy de Ternate qui est lune des principalles dicellee Isles. Lequel non seulement demeura sans discontinuer en la dévotion du Roy de Portugal, luy donnant moien d'exercer la navigacion de lespicerie celle part, ainsi le requist tantost après de y dresser ung cliasteau et forteresse pour linimytié quil avoit au Roy de Tidore. Isle qui est aussi du nombre desdictes moluques son voisin. Ce qui fuct mis a exécution et que après le décces diceluy, Cacliil Tabarija, successeur a la dicte couronne estant sus ses derniers jours, en lan mv*^xxxiii, par deffault de successeurs de son sang institua son héritier universel Jehan troisiesme Roy de Portugal, audict Royaulme de Ternate avec grande soUennité et cérémonie et le serment de fidélité receu de tous les subjectz, qui est partie du droict que Portugal y prétend, ouUre les raisons quil mecten avant de la situacion desdictes moluques, indicquée par les cartes marines de son Almazen, ou Arsenal par la guide desquelles toutes

ses navigations orientales sont conduictes. Car en icelles lesdites moluques et autres lieux orientaulx sont beaucoup rapprochez a louest, et, oultre la vérité de leur deue situacion, comme aucuns maintiennent le tout pour favoriser la cause de Portugal en ceste querelle des moluques, ledict Roy de Tidore ennemy de celuy de Ternate, quelque devoir quil feist envers les portugois dès leur premier apport en ces contrées, pour les attirer à soy, ce néantmoins il fuct négligé. Esmeu de ce contentement il receut en ses ports le vaisseaulx castillans qui, non guères longtemps après, vindrent descouvrir et surgir celle part, et dès ceste heure là, tant luy que ses successeurs roys de Tidore ont continué en icelle dévotion ce qui a apporté de grandes vexacions aux partisans dun costé et dautre. Advint que en lan mv^xviii ou xix Fernand de Magalhaès, portugois, lequel sesloit retiré en Espagne, mal satisfait de son prince, avec lappuy et adveu du feu empereur, entreprint daller descouvrir ung estroict loingtain ; qui depuis, a este appelle de son nom, par lequel les Castillans peussent naviguer ausdictes Moluques, sans toucher aux routes et mers des Portugois. A quoy il parvint; mais il mourut tost après, toutefïois sa fïotte singla tant quefinahlement et au mois de novembre mv^xxi elle vint à port en ladicte Isle de Tidore oi^i Almançon, Roy dicelle la receut, bien ayse de la venue de ses hostes, et pour plus les obliger feit tant avec Corala prince dudict Ternate, et autres S'* - des Isles circonvoisines quilz se vindrent avec luy rendre en lamytié et tributaires de lempereur. A quoy particulièrement il adjousta ses lectres patentes que ceulx de ladicte flottequi retournèrent en Castille apportèrent audict S"", lequel ayant, par leur rapport, entendu lesdictes Isles luy appartenir, délibéra y envoyer hommes et vaisseaulx fraiz, Mais le Roy de Portugal lappella, comme usurpateur de ses terres, en justice, et s'assemblèrent les arbitres des deux costez à Badajoz Elbes, villes de frontière, en lan mv'xxiiii ou fuct

donné quelque jugement au profict de Castille, réclamans les portugois. Joyssanl du profict, duquel l'empereur, tannée en suivant, dreça deux flottes equippées en guerre, quil envoya ausdictes Moluques, nonobstant la requeste et offres de grandes sommes de deniers que le Roy de Portugal luy faisoit pour leur divertir. Mais les Castillans, tant ces deux flottes que dautres qui y furent pareillement envolées de la Miena espana et de Mexico y furent si mal traictez par les Portugois, que bien peu eurent le moien den rapporter des nouvelles. Lempereur avoit ja sceu le cruel traictement que les Portugois avoient faict a ceulx de la flotte dudict Magalhaès estans à Tidore et quils avoient déprédé la nef capitanesse dicelle flotte et envyron mil quintaulx de clou de girofle, dont il esloit fort esmeu, et, avec ces dernières occasions les affaires indubitablement se fussent aigris entre ces deux nations, neust esté laffînité contractée entre ces deux princes, ayant espousé, lun la sœur de l'autre a laquelle succedda lengaigement que ledict Seigneur feit au Roy de Portugal desdictes Islespour la somme de iiFL^Yvpour suppléer aux fraiz de son couronnement en Italie. Ce que fait oublier les torts et injures passées. Et mectre en surcéance le principal différend, duquel, comme est dict cy dessus, aucuns présument que lesdictz ambassadeurs ayent a parler. Qui sera silz viennentpour cest affaire, une négociation bien perplexe pour lextrème désir que Castille a de recouvrer lesdictes isles, et Portugal de les retenir, car quoi quelles ne soient que cinq en nombre et si petites que le cirecuyt de la plus grande nexcède la quantité de six lieues, toulefïois elles sont de grand profict pour la grande foison du clou de gerofle qui croist en ce seul lieu de luniverselle terre et non ailleurs comme aucuns aflerment, et pour estre en la subjection dicelles et tout joignant liste de Bauda qui rend grande quantité de noix muscade et de maça qui est la feuille dont ladicte noix est enveloppée avant meurir et venant a esclorre est plus

soingneusement recueillie que le fruict mesmes. Aussi est elle de plus grande requeste et de plus haut pris a ce quoii dict, qui sont les esguillons qui ont meusi souvent les marclians Burgalois et Senillans de briguer envers lempereur pour le desengaigenfient desdictes Isles, se faisant fortz de luy rendre dedans deux ans, du revenu dicelles, proficl excédant la somme pour laquelle elles tiennent et voians les affaires du dict Seigneur si grans quil navoit moien de les retirer en lan mv^xlviii, les gens des trois estatz du pais de Castille, assemblez en la ville Valladolid, offrirent à lempereur rembourser ladicte somme sans icelle répéter. En leur faisant ]jail à ferme de lespicerie pour six ans. ïl estoitpour lors en Flandres et en affaires, et, à touz propos, comme jay entendu, pesclioit en la bourse des facteurs du Roy de Portugal et des receveurs diceluy, commis a attirer les deniers ([ue les contractateurs luy estoient tenuz paier pour son espicerie, par delà. Et ne voulant donner cause de mescontentemenl audict Roy de Portugal et par adventure, pour plus leniretenir en ceste toUérance, il respondit a l'article de doUéance où ladicte offre avoit esté opposée, que ce nestoit matière pour estre traictée aux estatz se deslivrant pour Uieure de limportunité que ses plus familliers luy en faisoientà toutes heures. Mais ilz ne tardèrent guères à leur importuner de plus fort; mais il leur dict tout destroussement quil nen feroit rien, et quon ne luy en parlast plus, qui rendit bien matez les Castillans, ne sachant par adventure la cause qui le mouvoit à faire si rude response. Sil est vray que lesditz ambassadeurs viennent pour ce faict. et il succède que la décision diceluy tourne en la faveur de Castille, les volages des Moluques seront une pépinière sans fin de grandes querelles et dissensions entre ces deux nations, car comme leurs rouîtes et navigations seront si proches et à la veue lune de lautre, et comme linimytié est si embrasée quelle est inextinguible entre elles, et comme la mer est lieu propre

pour exécuter la hayne et la vengeance, il ne sera jamais quil ny ait des rencontres des courses et pilleries dun costé et dautre qui seront causes de grandz désordres. Autres conjectures par des chimères quilz forgent en leur enteuctement, que la venue diceulx ambassadeurs sera pour remonstrer à la Royne, au Cardinal et aux estatz de Portugal, lancienneté de parenté et qui persévère encores, dentre les maisons de ces deux Roys; et que,aiant, le Roy de Castille, espousé Madame sœur de vostre Majesté, il est a espérer que Dieu leur donnera aussi tost des filles que des filz, par le moien desquelles on pourroit de plus fort estendre, à tout le moins continuer, lalliance et amytié de ces deux maisons et quilz ne doyvent accélérer le mariage de leur Roy, ne en traicter avec autre prince, mesmes que. veu le peu daage quil a encores. quil ne peult perdre temps, ne empirer ses afïaires par ceste attente. Ces discoureurs veullent présumer questant ja divulgué par tout le désir que tout ce Royaulme ha que le Roy soit marié à Madame Marguerite, seur de vostre majesté, les Castillans y vouldroient bien donner tout lempescliement quilz pourroient. Si ces ambassadeurs ont a venir ou non, il se scaura bien tost, car jentendz que le Roy despagne tiendra ses estatz généraulx dedans peu de jours, et là se prendra résolution de toutes afïaires. Cependant je nay pas vouUu différer descrire à vostre Majesté ce que jeu pouvois retirer et comprendre. Le duc Davero est de retour en ceste ville. Monsieur le Cardinal l'alla veoir incontinant après son arrivée. Je lay trouvé encores avec quelque sentiment du mal contentement qui luy a esté, dont la Royne luy manda quil eust a vuyder la ville. Et quant au duc de Braguence il nest encores de retour quoy qu'on laict appelle, ny faict estât de revenir encores. On attendoit icy trois ou quatre navires de retour des Indes, chargées de grandes richesses, mais elles se sont esgarees, sur la mer de sorte quon nen a aucunes nouvelles, hors mis dune qui, ces jours passez, gai-

gnant lislede SainctTliome souvrit du tout a la veue du port sans quon aict peu sauver chose qui vaille. Elle poi'toit sept ou huit mil quintaulx d'espicerie pour le Roy et plusieurs autres choses de grand pris, qui sera ung grand recullement aux afïaires du dict Seigneur pour estre si endebté quil est envers plusieurs particuliers. Car par le moien desiictes navires, il attendoit se ravoir de ses debtes et avoir argent en grande quantité doultre plus. Je suis toujours après le recouvrement des francois forcaires aux gallères dicy. Hz sont tous Al Algarus quarente lieues loing dicy, ce qui retarde ung peu lexpédicion, pour ce quil ma fallu despescher homme exprès pour aller scavoir combien il y en a en vie encores, et leurs noms. Xayant la Royne voullu procéder a aucun rappcaa tant quelle aict sceu et le nombre et le nom de ceulx qui restent; aussi le surplus de ceulx de la Myne sera depesché ceste sepmaine, comme jespère de manière quil ny aura guères plus de prisonniers francois par deçà, si ce nest ceulx détenuz pour linriuisition et autres pour debtes particulières. Sire je suis en grand peine dont je recoy si peu souvent lectres de Voslre Majesté, nen ayant encores receu que celles du iiiiede septembre qui me tient ja trop longuement en suspens, au regard de plusieurs choses, lesquelles jaçoit qui tournent à vostre service, ce néantmoins après vous en avoir escrit, je crains mectre en exécution tant jaye responce de vostre Majesté etsaiche quelle est vostre volunlé.

Sire, je prye très instamment le Créateur quil vueille conserver vostre Majesté en très parfaicte santé et vie longue. Avec accoissement en toute prospérité et bon heur.

De Lisbonne ce cinquiesme de novembre 1.j59.

Votre très hum!)l9 et 1res obéissant serviteur et subject. J. XICOT.

Au dos : Au Roy, mon souverain seigneur. Bibl. Xat. f, Golbert. t. 483. f" i05.

Lettre de Nicot à M. l'écêque de Limoges '*)

Monsieur, le frère du sieur Diego de Valdès, Castillan, que bien congnoissez. se chargea dernièrement d'un pacquet que je vous envoyay, et me promit le vous mettre entre les mains : ne says s'il l'a faict. Pour ce que le pacquet de monseigneur le prieur y estoit enclos, je désire bien fort scavoir si l'avez reçeu et faict ouvrir : ce qu'il vous plaira me faire entendre par le premier que scaurez venir par deçà me faire part des nouvelles de France et vostres, par Monsieur le grand-escuyer, présent porteur. Lequel ne retournera sans le vous faire scavoir.

On m'a admené ung esclave de Caboverde 2 tel que le demandez, hormis quant a l'aage, car il n'est que de dix ans : et pour ce qu'il est enflé pour les maulvais traitemenl de la mer comme me dict le marchant, et, comm.e aultres a qui je lay faict visiter me disent, pour ce qu'il mange de la terre, je l'ay faict mettre entre les mains d'une femme qui faict mestier de curer esclaves nouveaux venuz, pour le traicter et guérir de ceste enflure ; et n'eust esté cet accident je le vous eusse a présent envoyé avec commodité qui estoit bonne ; mais sitost qu'il sera guéry chercheray moyen pour le vous envoyer, me faisant entendre ou la cour sera ce moys prochain.

1. Cette lettre est la seule qui ait clé publiée. Voir : Négociations relatives au règne de François II, par Louis Paris. 1841 p. 564 à 50G.