A, les plus forconteurs. — 2 B, goder ic

« dist li roys à mon signour Phelippe , sur la foy que me devez comme « mes hom que vous estes , que se les dix mille livres ne sont païes, « que vous les facez paier sans nulle faute ^. »

388. Moût de gens avoient louei au roy que il se traisist en sa nef, qui Tatendoit en mer, pour li oster des mains aus Sarrazins. Onques li roys ne vout nullui croire^ ainçois disoit que il ne partiroit dou flum, aussi comme il l'avoit couvent, tant que il lour eust paie dous cens mille livres. Si tost comme li paiemens fu fais, li roys, sanz ce que nulz ne Ten prioit, nous dist que desoremais estoit ses sairemens quitiez , et que nous nous partissiens de là , et alissiens en la nef qui estoit en la mer.

389. Lors s'esmut nostre galie, et alames bien une grant lieue avant que li uns ne parlast à Tautre, pour la mesaise que nous aviens de la prison ^ dou conte de Poitiers. Lors vint mes sires Phelippes de Monfort en un galion, et escria au roy : « Sire, sire, parlés à « vostre frère le conte de Poitiers, qui est en cel autre vessel. » Lors escria li ro3^s : « Alume, alume ! » Et si fist Ton. Lors fu la joie si grans comme elle pot estre plus entre nous. Li roys entra en sa nef, et nous aussi. Uns povres pechierres ala dire à la contesse de Poitiers qu'il avoit veu le conte de Poitiers délivre-, et elle li fist donner vint livres de parisis.

390. Je ne vueil pas oublier aucunes besoignes qui avindrent en Egypte tandis que nous y estiens. Tout premier je vous dirai de mon signour Gauchier de Chasteillon , que uns chevaliers, qui avoit non mon signour Jehan de Monson , me conta que il vit mon signour de Chasteillon en une rue qui estoit ou kasel là où li roys fu pris^ et passoit celle rue toute droite parmi le kasel, si que on véoit les chans d'une part et d'autre. En celle rue estoit mes sires Gauchiers de Chasteillon, Tespée ou poing, toute nue.

391. Quant il véoit que li Turc se metoient parmi celle rue, il lour courôit sus, Tespée ou poing, et les flatoit hors dou casel*, et