XI. Et au tiers jour resuscita de mort

803. Au ' tiers jours vraiement Nostre Sires resuscita de mort à vie pour tenir covant à ses apostres et à ses deciples de sa résurrection, laquel nous devons croire fermement.

804. La profecie par euvre de la résurrection Nostre Seignor poez veoir par lou lyon qui "resuscite son lioncel au tierz jour.

805. A sa résurrection doit penre prodom essample. Car dedans le tiers jour que Ton chiet en pechié , s'en doit on resusciter par lui confesser au plus tost que il puet ; car molt foux est qui en pechié s'andort. Et pour ce dient li saint qu'il n'est pas merveille quant prodom chiet, mais ce est merveille quant tost ne se relieve, pour l'ordure lau où il gist. Que péchiez soit ordure, ce tesmoigne li paiens qui dist que se péchiez estoit aumône, ne le feroit il pas, car trop est vils chose.

806. La profecie de la parole parla David , qui en la persone dou Fil Dieu dist : a Ma chars reflorira par ta volentei K »

807. De sa résurrection vous dirai-je que je en oï en la prison lou diemenche après ce que nous fumes pris , et ot on mis en un paveillon les riches homes et les chevaliers portanz baniere par aus K

808. Nous oïmes un grant cri de gent. Nous demandâmes ce que estoit , et on nous dist que ce estoient nostre gent que om metoit en un grant parc tout clos de murs de terre. Ceus qui ne se voloient renoier, l'on les ocioit; ceus qui se renioient, on les laissoit.

80g. En icelle grant paour de mort où nous estiens , vindrent à nous jusques à treize ou quatorze dou consoil dou Soudan, trop richement appareillié de dras d'or et de soie, et nous firent demander (par un frère de TOspital qui savoit sarrazinois), de par le soudan ,