XVII. Et si croi la résurrection de la char

833. En la résurrection de la char devons croire fermement-, car tuit cil sont fors de la foi qui n'i croient. Car se li mort ne resuscitoient, Diex ne seroit pas ^ an cest androit droiturex. Et ce poez vous veoir tout cler par les sains et les saintes qui furent, dont li cors sofîrirent tant de tormens pour Tamour de Nostre-Seignor, que se Diex ne randoit le guerredon aus - cors qui cez tormans ont soffert, malvais service auroient fait.

834. Et or revéons d'autre part lou contraire, c'est à savoir dou cors aus pecheors , que ' Diex a soffert ausi con toute lour aise en ce monde', que des prospérités que Diex lour avoit prestées il ont guerroie Nostre Seignor. Là ne seroit pas la balance Nostre Seignor droite , se li cors de ceus ne resuscitoient pour atandre lou jugemant et la joutise que Diex lour a appareillie en anfer, si com il meismes lou tesmoigne de sa bouche. Et lour niaus vengera Diex seur les armes et seur les cors d'aus en l'autre- siècle, pour ce que Diex ne fîst nulle vangence d'aus en ce siècle.

835. Boneurée iert la résurrections des mors qui es euvres Dieu

8ji.— 1 Psalm. cxv, 12. Vingt-et-unième miniature. 832. — 1 Ms., ma, — 2 Ms., ses.