LYLY PREND LE GRADE DE BACHELOR OF ARTS

1573, Lille, John: suppl B. A. L'Apr, adm. 27 Apr. 1578, det. 1573/4. (C. W. Boase and A. Clark, Register of the University of Oxford, vol. II, part. ini, 27).

LYLY SOLLICITE DE BURGHLEY UNE LETTRE DE RECOMMANDATION AUPRÈS DES FELLOWS DE MAGDALEN COLLEGE

Viro illustrissimo, et insignissimo Heroi Domino Burgleo, totius Angliae Thesaurar1o, Regiae Maiestatis intimis à consiliis, et patrono suo colendissimo

JE

Quod in me tuum alumnum benignitas tua munifica extiterit (Clarissime Heros) et vltro ne expectanti quidem studium, operam, et singularem industriam declaraueris, agnosco pro eo ac decet supplex tuam humanitatem, et in literarum studiosos pietatem. Quare cum incredibilis mansuetudo tua, non solum merita, sed spem longe superarit, et quod meus pudor nunquam rogasset prolixius indulserit, habeo tuo honori gratias maximas, et vero tantas, quantas meae facultatulae referre nunquam poterunt. Et licet proiectae cuiusdam audaciae et praefrictae frontis videri possit, iuuenem rudem et temerarium, virum amplissimum et prudentem, eum eui nec aetatis accessio iudicij maturitatem, nec casta disciplina integritatem morum, nec artium doctrina scientiae supellectilem est elargita, insignissimum Heroem, pro regni incolumitate, salute reip., communium fortunarum defensione, excubantem, rursum iniquis precibus interpellare, et importunius obstrepere. Tamen cum optimi cuiusque bonitas commune omnium sit perfugium, subinde percogitans esse animi excelsi cui multum subuenit ei velle plurimum opitulari, ad tuam amplitudinem quam perspectam indies, suspectam nunquam, probatam saepius habui, suppliei prece accedo, passis manibus tuam operam, studium, humanitatem implorans. Haec summa est, in hoc cardo vertitur, haec Helena, vt tua celsitudo dignetur serenissimae regiae magistatis literas (vt minus latine dicam) mandatorias extorquere, vt ad Magdalenenses deferantur quo

in eorum societatem te duce possim obreplelre. His fortunae nostrae tanquam fundamento, tibi tanquam firmamento, connituntur : Nisi his subleuer, et sustenter, misere corruo, nihil enim potest quod me consoletur excogitari remedij, nec aliquid esset L. nisi tuus honor tanquam numen quoddam propitium, aut sacra anchora, aut salutare sydus, et Cynosura praeluxerit. Adeoque meum corpus tuo honori, et tenues fortunas tuae voluntati, et animum ad tua mandata conficienda habes expeditissimum. Quare in quem saepe celsitudo tua benefica, opaera parata, studium semper promptum fuerit, eundem hoc tempore supplicem et ad pedes tuos abiectum pro solita tua et incredibili humanitate subleuato. ego interim supplices manus ad deum Opt. & Max. tendam vt beneficentia Alexandrum, humanitate Traianum, etate Nestorem, inuicta mentis celsitudine Camillum, Salamonem prudentia, Dauidem sanctimonia, Josiam religionis collapsae instaurandae, et incorruptae conseruandae cura, possis adaequare. Hoc interim promitto et spondeo meam nec in imbibendis artibus curam, nec in referenda gratia animum, nec in perferendo labore industriam, nec in propaganda tua laude studium, nec religionem in officio, nec fidem in obsequio, vnquam defuturam. Vale.

Tuae amplitudinis obseruantissimus Joannes LILIUS.

Au dos :

16 Mai; 1574

John Lilie, a Scholar of Oxford.

An Epistle

For y° Queens letters to Magdalen

College to admit him fellow.

(Lansdowne Mss. 19, n° 16).