L'Escale. Lescar, à 8 kil

nord-ouest de Pau.

328 E.Vl'UAll'S m FllOl.v-5AKJ\

tant il moriirent hoiTiblement, dont ce fut pitié, et par especial des aucuns jeunes escuiers; car il n'y avoit, en toute Gascoingne, si jolis*, si beaulx, ne si bien en point comme ceulx estoieut, car tous jours a esté le conte de Fois servy de gaillarde famille.

({ Trop toucha ceste besoigne de près au conte de Fois, et bien le monstra; car il fist assembler ung jour a Orthais tous les nobles et les prélats, barons et chevaliers de Fois, de Berne et tous les bonuiies notables de ces deux pays ; et, quant il furent venus a Orthais, il leur declaira la cause pour quoy il les avoit mandés, et conmient il avoit trouvé son fds Gaston en telle deffaulte et si grant nielïait que c'estoit son intention qu"il morust, et qu'il avoit mort desservy. Tout le peuple respondi a ceste parole de une vois et dist^: « Monseigneur, sauve soit vostre (( grâce, nous ne voulons pas que Gaston votre fds « maire ^; c'est vostre héritier, et plus n'en avés. »

(( Quant le conte de Fois ouy son peuple qui prioit pour son fils, il se refraigny^ ung petit, puis sepourpensa qu'il le chastoieroit par longue prison, et le tendroit deux ou trois mois prisonnier, et après il le envoieroit en quelque loingtain voiaige deux ou trois ans pour estre hors de sa présence, tant qu'il avroit oublié son mautalent, et que le jeuvencel, par avoir plus d'eage et plus veii, seroit en meilleur et plus