y en avait de semblables dans beaucoup de ports

la tour de Galatas, et cil qui de Coustantinoble leur venoient aidier en barges; et nostre genz courent as armes. La assembla premiers Jaques d'Avesnes' et la seue maisnie a pie; et sachiez qu'il fu moût chargiez, et fu feruz par mi le vis d'un glaive, et en aventure de mort. Et uns suens chevaliers fu montez a cheval, qui avoit nom Nicoles de Janlain; et secouru moût bien son seigneur, et le fist moût bien, si qu'il en ot grant pris.

Et li criz fu levez en l'ost; et nostre genz vienent de toutes parz et les mirent enz moût laidement, si qu'assez en i ot de morz et de pris ; si que de teus i ot- qui ne guenchirent mie a la tour, ainz alerent as barges dont il erent venu; et la en i ot assez de noiez, et auquant en eschaperent; et cil qui guenchirent a la tour, cil de l'ost les tindrent si près qu'il ne porent la porte fermer. Enqui refu granz li estours a la porte ; et la tour tolirent par force, et les prirent laienz. La en i ot assez de morz et de pris.

Ainsi fu li chasteaus de Galatas pris, et li porz gaaigniez de Coustantinoble par force. Moût en furent conforté cil de l'ost, et moût en louèrent Damnedieu, et cil de la vile desconforté. Et l'endemain furent enz eu port traites les nés et li vaissel et les galies et li uissier. Et donc prirent cil de l'ost conseil ensemble pour savoir quel chose il pourroieni

1. Jaqitcs d'AvesiicSj seigneur llamand. Il devait, l'année suivante, se distinguer

particulièrement au siège de Corinthe (Villehai'd., § 5M).