C'est-à-dire possédant des bénéfices* î. Thérouanne

persévéra tousjours, combien qu'il fut presché et conseillé par le grand pénitencier de Paris, maistre Jean Merlin , docteur en théologie , et mourut en cest erreur. Avant sa mort , fist amende honnorable devant l'église Nostre-Dame, laquelle on ne luy pouvoit faire faire, disant par luy qu'il n'avoit mal faict. Il avoit la veille de Noël, lors dernier passé, faict amende honnorable , une torche ardante au poing, tout nud , en sa chemise, devant la dicte église Nostre-Dame, criant mercy à Dieu et à la vierge Marie, de plusieurs erreurs et folies qu'il avoit dictes et proférées , desquelles il eust lors très grande repentance et desplaisance. Et avec ce fut condamné à estre par espace de sept ans, es prisons de Sainct-Martin des Champs, à Paris, au pain et à l'eau , par arrest de la cour. Mais estant es dictes prisons, il se remist en sa folie et erreur. Tellement que fmablement, la dicte cour advertie par le prieur de Sainct-Martin et autres , luy fist son procès, et le condamna, comme dessus, à estre bruslé.

Au dict an 1 526 , vendredy, vingt huictiesme de septembre , fut pendu et estranglé au gibet de Paris , par sentence du prévost de Paris ou son lieutenantcriminel, confirmée par arrest, un jeune escolier d'environ l'aage de vingt-deux ans, natif de Paris, qui estoit clerc, nommé maistre Jasper Gosse, et bedeau de la nation d'Alemaigne en l'Université de Paris , parcequ'il avoit navré et tué le nepveu du premier président du Parlement de Paris , nommé de Selva , et tua aussi auparavant deux autres. Il estoit maulvais garçon et grand brigueur en l'Université de Paris. Et combien qu'il fut clerc tonsuré et non marié, néantmoins il fut

D'UN BOURGEOIS DE PARIS (ir)26). 293

débouté de sa lettre de cléricature. 11 esloit de gens de bien de Paris , aiant perdu ses père et mère plus de six ans auparavant. Il esloit bedeau de la dicte Université par résignation que son père luy avoit faicte, estant mallade de la malladie de laquelle il mourut. Son père estoit allemand ou flamand , très homme de bien. On dit qu'il avoit beaucoup cousté pour luy cuider saulver la vie, mais ses parents ne peurent.

Au dict an, samedy, troisiesme d'octobre, Nicolas Clereau, vinaigrier de Paris, qui estoit marié, pour les grandz maulx , meurdres , bateries et larrecins qu'il avoit faictz tant à Paris que dehors , fut par sentence de maistre Jean Morin, baillyf du palais , confirmée par arrest de la cour, pendu par les aisselles en une corde et eslevé hault , puis jeclé et bruslé en un grand feu en la place de Grève. Et fut ceste exécution faicte huict jours après avoir esté amené de Bourges par l'huissier Bachelier, accompaigné de dix ou douze hommes tout enferré et lié ; car la cour y avoit envoie le dict huissier le querier et le prendre d'entre les mains et prisons du prévost des mareschaulx du dict pais de Bourges, et l'amener en la Conciergerie. Laquelle cour le bailla es mains du dict Morin , pour luy faire son procès ; lequel incontinent Tenvoia prisonnier au Petit-Chastelet du Petit-Pont, pour ce qu'environ deux ans auparavant estoit prisonnier en la dicte Conciergerie ; il y avoit rompu les prisons. Et le condamna le dict baillyf Morin , comme dessus , dont le criminel appela. Néantmoins la dicte sentence fut confirmée. Il avoit régné plus de six ans à faire les maulx , pour lesquelz il fut condamné à mort.

Au dict an 1526, au mois de septembre, vindrent nouvelles que le Grand Turc avoit destruict et gaigné le royaume de Hongrie, avec grande armée qu'il avoit avec luy, et que le dict roy de Hongrie, en s'enfuiant, après avoir perdu la victoire, s'estoit noyé en passant un fleuve, et après la desconfîture fut prinse sa femme et ses enfans et furent prisonniers du Turc , qui fut grand pitié. Iceluy Roy estoit jeune, environ de Taage de trente ans , et avoit espousé la seur de l'empereur d'Allemaigne Charles Y® de ce nom, nommée madame Yolande II estoit filz du feu roy de Hongrie et de feue madame de Candalle, qui estoit de France , yssue de la maison de Foix.

On disoit que le dict Turc avoit en son armée plus de XX mil lansquenetz , avec autres chrestiens, parcequ'il les payoit bien.

'^' Y estoit aussi avec le roy de Hongrie, en la bataille et pour luy aider, Ferdinand, frère puisné de l'empereur Charles, lequel voiant la desconfîture, s'enfuit pour se saulver ^

Au dict an, samedy, vingt septiesme octobre, furent mises toutes espèces d'or et de monnoie en Testât qu'elles avoient esté créées, l'an 1516, le pénultiesme de décembre, parcequ'elles montoient de prix de jour en jour. Et fut cry faict à son de trompe par les carrefours de la ville de Paris , par ordonnance du Roy et des généraux des monnoyes ^

Au dict an, mecredy, dixiesme octobre , arriva à