Le roi dç Navarre refusa d'exécuter cette -clause

dra faire en Italie, le Roy, dans deux mois après qu'il en sera requis , envoira à ses despens au port qui luy sera signifié, où le dict Empereur se vouldra embarquer pour le dict voiage, toutes les navires, gallères^ gallions et autres vaisseaux de son armée de mer, toutes bien artillées et équippées.

Item, pour ce que le Roy avoit offert audict Empereur gens d'armes et artillerie à ses despens pour faire le dict voiage d'Italie, a esté appointé qu'il luy baillera pour ladicte ayde en deniers contens la somme de deux cens mil escus; c'est assçavoir cent mil dedans quinze mois et les autres cent mil dedans un an ensuivant.

Et aussi le Roy baillera au dict Empereur, s'il en est requis, pour le terme de six mois, cinq cens hommes d'armes de France et une bande d'artillerie, aux despens du Roy.

Item^ quinze jours après la publication de ce traicté, le Roy fera sommer les Vénitiens et tous leurs alliez, qui se trouveront occuper villes , chasteaux et forteresses au royaume de Naples , d'icelles rendre dedans six sepmaines après sa ratification dudict traicté , et , en défaut de ce faire, il se déclarera son ennemy.

Et de là en avant ayder au dict Empereur de la somme de trente mil escus sol par chascun mois , jusques à ce qu'il ait recouvert lesdictes villes.

Item^ que le roy de France baillera en ostage, jusques à ce que tout le traicté soit faict et accomply , messieurs ses enfans ; c'est assçavoir messieurs le Daulphin et le duc d'Orléans.

Item^ plusieurs autres choses à plain contenues audict traicté sur ce faict. » i» mr[f^i ,K#o#tta

Pour paier la dicle rançon du Roy, et pour la délivrance de messieurs ses enfans, fut faicte une grosse taille par toutes les villes de France , dont la ville de Paris estoit à cent cinquante mil livres , qui furent prins sur lez locatifs des maisons , lesquelz paieroient le tiers des louages des dictes maisons , pour une année , sans rien demander à leur hoste.

Itern^ que tous nobles et non nobles, tenans terres en fief, paieroient la quarte partie de leurs dictes terres de revenu par un an , avec autres empruntz et tailles qui avoient est levez en plusieurs façons.

Au dict an 1 529, au mois de novembre, après le dict appointement faict entre le dict Empereur et le roy de France, confirmé entre madame la régente de France et madame Marguerite en la ville de Cambray, et après {u'il fut émologiié et publié en la cour de Parlement, le dict Empereur se mist sur mer avec gros nombre de gens d'armes et de gens de conseil, et qui estoient ecquippez de gros nombre de navires. Il s'en alla en Italie pour soy faire couronner Empereur, et vint premièrement en sa duché de Milan, luy et sa gendarmerie.

Et après, à îa prière et affection du pape Clément, issu de la maison de Cosme de Médicis , riche marchant de Florence, lequel persuada l'Empereur de faire un duc en la ville de Florence, et y voulut mettre un sien frère, comme on dit, pour le faire duc des dictz Florentins; et ne s'y voulurent consentir, à cause qu'ilz avoient toujours vescu par cy devant en communauté, sans avoir duc ne chef; et les dictz Florenûns se rebellèrent très-fort, tellement que le siège y fut mis devant la ville de Florence par le prince d'Orenge, qu'il y envoya, lequel il fist chef et conducteur de son armée,

et rinstitua son lieutenant comme il avoit fait feu monsieur de Bourbon. Toutefibis d'entrée il y eust grande meslëe et gros combat par les dictz Florentins : tellement que le dict prince fut bien battu et son armée aussy, et y eut beaucoup de son artillerie perdue , et s'enfuit le dict prince d'Orenge et gaigna au pied. Néantmoins le dict prince d'Orenge tint tousjours le siège devant Florence par longtemps depuis. Mais a la fin le dict Empereur fist composition avec les Vénitiens et Florentins et autres villes d'Italie, tellement qu'on dit qu'il eust des Vénitiens deux cent mil ducatz; et, en ce faisant, demeureroient entre leurs mains, les villes, terres et seigneuries qu'ilz détenoient et qui appartenoient à l'Empire dès piesça. Et aussi que les Florentins baiileroient audict Empereur cent mil ducatz et leur demeureroient leurs terres aussi , qu'ilz avoient appartenantes audict Empereur jà piesça. Et davantage souflriroient qu'ilz eussent un duc et gouverneur en leur ville et pays de Florence , et depuis aussi; tellement que le dict frère du pape Clément qui estoit Florentin, fut mis et institué duc et gouverneur des dictz Florentins \

Mais il est à croire que le dict prince d'Orenge fut finablement tué, luy tenant le siège devant Fleurance. Dont partout toutes les guerres d'Italie finirent, à cause des pacifications dessus dictes. Le corps du dict prince d'Orenge fut porté mort pour inhumer en la ville de Lyon-le-Saulnia ', qui lui appartenoit de patrimoine, laquelle est en la Franche-Comté.