Montferrat

Et devant luy estoient plusieurs cardinaux, qui le vindrent quérir au palays de Boullongne, où il estoit, et alla à l'église où estoit le pape accompaigné de grande noblesse. Et après la messe dicte par le pape^ qui estoit accompaigné de moult de cardinaux (le Pape) et l'Empereur avec luy, allèrent en procession à Sainct- Dominique : et en allant ledict Empereur fist jecter par les rues force or et argent , qu'il avoit faict forger de monnoye nouvelle.

Item^ il y avoit un beuf tout entier, aiant les cornes et piedz dorez que Ton fist vestir et farcir de deux moutons, un aignau, un chevereau, avec cbappons, perdrix, connilz, levrautz et autres choses.

Itern^ il y avoit deux lions qui jectoient le vin par la gueule avec un aigle au millieu.

Item^ il y avoit plusieurs ambassadeurs, c'est assçavoir de France , d'Angleterre , de Hongrie , de Venise, de Florence , d'Italie et d'autres plusieurs lieux dont il y eut discort entre les ambassadeurs , pour sçavoir qui précéderoit, tant d'aller par les rues que d'aller au disner ; et fut dict que l'ambassadeur de France précéderoit. En effect, il y eust un moult beau appareil et triomphe au dict sacre du dict Empereur, qui sera délaissé pour cause de brefveté. Puis après, le Pape et l'Empereur se départirent Pun d'avec l'autre dudict Boullongne, et s'en alèrent chacun en sa contrée, assçavoir le Pape à Rome, et l'Empereur s'en retourna en Âllemaignes, après le dict sacre faict et accompli. Et par ainsy y demeura et fut empereur sacré et paisible, comme il peut clairement apparoir.

Au dict an , au commencement du mois de juillet, vindrent nouvelles à Paris de la desconfiture qui avoit

396 JOUimAL

esté faicte delà les montz contre nous en la duché de Milan , qui fut de noz gendarmeries par les Espaignolz, et des gens d'armes de l'Empereur, qui avoient esté au mesme mois de juillet, où estoit monsieur le comte de Sainct-Paul, lieutenant général par le Roy delà les montz, qui a voit de grosse armée, et pour sçavoir la manière de sa desconfiture, il faut noter que ledict comte de Sainct-Paul , avec son armée ; eust conseil avec l'armée des Vénitiens , qui estoient avec le dict comte de Sainct-Paul, pour le roy de France, pour sçavoir s'il estoit bon d'assaillir la ville et chasteau de Milan qui tenoit pour le dict Empereur. Si fut entre eulx advisé qu'ilz n'esloient assez fortz pour les assaillir. Parquoy se despartirent les deux armées tant de France que des Vénitiens et s'escartèrent l'une de l'autre. Lors fut sceu par les Espaignolz le faict de^noz gens, dont incontinent les dictz Espaignolz et gens de guerre, qui estoient dedans la ville et chasteau, saillirent sur noz gens et donnèrent sus , tellement qu'il y eut grosse tuerie et meurdre, et y furent prins prisonniers le comte de Sainct-Paul et monsieur d'Allègre, grand mareschal de France.

A.U dict an 1529, le mecredy dix-huictiesme aoust, fut à Paris décapité un nommé Loys Fortier, Gascon, qui estoit marié et demeuroit près de Tours, archer de la garde du corps du Roy, soubz monsieur de Savigni, cappitaine, et fut parcequ'il avoit esté commis avec autres archers de la garde, pour garder feu messire Jacques de Beaulne , lors qu'il esloit prisonnier à la Bastille. Et, en le gardant, il révéloitaux parenstous les secretz qu'il oyt dire du procès que les commissaires faisoient du dict de Beaulne, et recepvoit secret-

tement lettres du dict de Beaulne et les bailloit à ses parens , et aussi il en recepvoit des parens pour en bailler au dict de Beaulne. Et se portoient les lettres en un flacon d'estain qui estoit subtilement faict par dessous le cul pour mettre les lettres. Parquoy la congnoissance venue à la justice et au Roy, il fut mis prisonnier et condamné k estre décapité devant ladicte Bastille. Ce qui fut faict ce jour. Et son corps pendu hors la ville, en une potence, vers Sainct-Anthoine des Champs.

Au dict an 1529, en septembre, un jeune homme, qui estoit More, que le Roy avoit amené d'Espaigne, et estoit aux gaiges du Roy et (le Roy) luy donnoit six cens livres de gaige par an, pour aucuns plaisirs et services qu'il avoit faictz au Roy en Espaigne, luy estant prisonnier, et luy disoit des secretz de l'Empereur qu'il oyt dire, à cause qu'il estoit aux gaiges dudict Empereur, et mourut à Paris de mort naturelle et est inhumé en l'esglise des Cordeliers à Paris. On dit qu'il advertist le Roy, luy estant en prison, que le dict Empereur le vouloit détenir après qu'il l'eust délivré de prison .

Au dict an 1 529 , au mois de décembre , mourut maistre Guillaume Maillart , lieutenant-criminel au Chastelet de Paris, et fut enterré en l'esglise de Sainct- Gervais, d'où il estoit paroissien. Et en son lieu fut institué par le Roy lieutenant criminel audict Chastelet, maistre Jean Morin.

Au dict an 1 529 , le jeudy, onziesme jour de novembre, jour de Sainct-Marlin, fut crié à son de trompe par les carrefours de la ville de Paris , par ordre et commandement du Roy, lors estant à Paris , la belle

victoire que Domp Ferdinand, roy de Hongrie, frère de l'Empereur, avoit eue sur les Turcqs*, dont ilz estoient descenduz en la duché d'Autriche peu de temps devant, et y estoit le Grand ïurcq en personne. Et pour sçavoir de la manière, il est vray que dès le vingtneufiesme octobre, au dict an, en la duché d'Autriche, en la cité de Vienne, qui est la maistresse ville de la dicte duché, où s'estoit retiré le roy de Hongrie, lors le dict Grand Turcq envoia sommer le dict roy de Hongrie de luy rendre la dicte ville et pays, et luy faire la foy et hommaige, ce que luy refusa le dict roy. Lors le dict Grand Turcq , accompaigné de deux cens cinquante mil hommes Turcqs ou environ , le dict jour Sainct-Simon-Sainct-Jude , fîst assailler la dicte ville. Tellement que ce dict jour y fut donné seize ou dixsept assaulz à la dicte ville de Vienne , contre lesquelz noz gens se défendirent si vaillamment qu'il y eust bien trente mil Turcqs tuez : donc le dict Grand Turcq fut contraint de faire sonner laretraicte, et pour faire reposer ses gens.

Item^ le lendemain, qui fut le vendredy de la Toussai nctz, le dit Turcq fit donner trois assaulx à la dicte ville, et fisrent une brèche aux murs, grande pour y entrer trente hommes et esîoit la dicte ville battue de moult grosse artillerie , dont les Turcqs pouvoient entrer dedans la ville, mais nostre Seigneur Jésus-

1. On trouve à la fin du Ms. (f" i70) le paragraphe suivant, qui ne contient que des erreurs :

« En ce temps vindrent nouvelles que le Grand Turcq avoit prins le royaume de Chipre et Sicile la basse, et l'isle, ville et pays de Candie, appartenans aux Vénitiens, avec autres isles, villes et pays d'environ Grèce, et si alloit en la duché d'Autriche. »

Christ y monstra sa puissance : car comme les Turcqs entroient en grosse puissance en la ville , tomba une grosse gresle, si forte pluye, tonnerre et esclairs qu*ilz ne se pouvoient entrevoir, et s'entretueoient et en fut grand nombre de mors et navrez. Quby voyant le Grand Turcq fut contrainct de prendre la fuicte et s'en aller aux champs , ce que voiant , Ferdinant le poursuivit en telle sorte et manière qu'il fut tué de Turcqs cinquante mil , et dura l'occision cinq lieues de chemin ; puis on sonna la retraite et noz gens se retirèrent en louans Dieu et la glorieuse Vierge Marie, de la merveilleuse victoire que Dieu leur avoit donnée.

Et le lendemain le Roy envoia des espies, pour sçavoir du Turcq , lesquelz retournèrent rapporter qu'il estoit bien recullé de trente lieues, et est de présent en un fort chasteau à trente lieues de Vienne *.

Et estoit bruict que le dict Turcq se recuUoit encore loing , à cause qu'il estoit venu nouvelles que le roy Prestre-Jean, roy des Indes % accompaigné de Sophi, roy des Perses , accompaigné de bien quatre cens mil hommes combatans, esloient arrivez au païs de Turcquie qui luy faisoient gros dommaige.

Itenij pour les dictes nouvelles, après le dit cry faict à Paris, furent faictz par les carrefours les feux de joie, par l'ordonnance et commandement du Roy.

Et, le dimenche ensuivant, en furent faictes proces-