J'ignore quel est le comte ou le roi de Palleferme

D'UN BOURGEOIS DE PARIS (i529). 401

nommé Thaber, en Judée, et lequel avoit esté prins des Espaignolz sur la mer, et depuis il fut prins par noz gens sur les diclz Espaignolz.

Et s'en vint à Paris , vers le Roy de France , pour luy faire rendre plusieurs grandz biens et richesses, qui luy avoient esté prinses avec luy sur la mer, et fut à Paris environ trois mois : mais il n'y gaigna rien , et s'en retourna sans grand proufit faire pour luy.

Au dict an 1 529*, trespassa à Paris monsieur le premier président de Parlement , à Paris , nommé de Selva , très preud'homme et saige , et fut inhumé en l'église parrochialle de Sainct-Nicolas du Chardonneret, qui es toit sa parroisse.

Et par son trespas fut pourveu en Toffice de premier président monsieur Lizet, qui auparavant estoit advocat du Roy fiscal au dict parlement. Et en son lieu fut advocat fiscal pour le Roy, monsieur Poyet.

Et aussi le Roy fist et institua son autre advocat en parlement monsieur Alligret, au lieu de monsieur Ruzé, son prédécesseur, et qui en avoit esté privé par le Roy, pour raison d'aucunes affaires de monsieur de Samblançay, dont il s'esloit entremis, comme dit est cy devant '.

Au dict an 1 529, en décembre , monsieur Du Prat, chancelier de France , fut, par le pape Clément, faict légat de France, sa vie durant, à la requeste et supplication du Roy. Et fut la dicte légation passée, enregistrée et publiée en la dicte cour de Parlement.

L'an 1521), le samedy, cinquiesme dejuing, quatre