Étieune et non Jean de Pencher

recepveur général Ruzé, à cause qu il estoit parent du général de Beaulne, et l'avoit baillée au dict Besnier , et si fut privé de jamais tenir offices royaulx, banny du royaume et tourné par trois jours au pillory, et capable d'avoir la teste couppée , sauf la grâce du Roy, et à tenir prison jusques à pleine satisfaction. Mais environ un mois après, il mourut en la Conciergerie, de peste qu'il y print. 11 fut accusateur de la femme de Jacques de Beaulne de ce qu'elle avoit secrettement appelle de la mort de feu son mary. Vj ^IJtfâ

En Tan 1 532, au mois de juing, mourust madame Marie , douairière de France, qui en son vivant avoit espousé le roy Loys douziesme de ce nom ; depuis fut femme du duc de Suffort, et mourut en Angleterre; et estoit seur du roy Henry d'Angleterre, à présent régnant.

L'an 1 532 , furent appréhendez prisonniers de par le Roy, plusieurs marcbans de Paris, qu'on disoit usuriers assçavoir : Jean Buisse, demeurant rue de la Cossonnerie , deux frères nommez les Danoys , demeurans rue Aubry-le-Boucher , Guillaume Daubray , demeurant près Cbastelet , et Thomas Turquan et Martin Quatrehommes, eulx deux courtiers des dictes usures ; mais ilz saillirent en baillant caution.

L'an 1 532 , vers la Pentecouste , fut crié à son de trompe par les carrefours de la ville de Paris, de par le Roy et la cour de Parlement, que doresnavant nulz pauvres n'allassent parmy la ville mendier ne quérir leur pain , soit jour ou nuict, sur peine d'estre battuz au cul de la chairette par le bourreau. Et fut ordonné qu'ilz seroient questez par les églises et maisons , assçavoir es églises par femmes et es maisons par hom-

mes, pour leur estre distribué chaque sepmaine , chacun en la paroisse d'où il seroit.

Au dict an, aoust, fut par sentence du lieutenant criminel Morin, confirmée par arrest, bruslée au cymetière Sainct-Jean, la dame de Thostellerie de la Lanterne, derrière Sainct-Gervais , avec un gentilhomme qui logeoit en sa maison, que l'on disoit maistre d'hostel de monsieur de Floranges, lequel fut décapité. Pareillement un lacquais et une chambrière de sa maison, pour ce qu'ilz vouloient empoisonner le mary de la dicte hostellière, qui toutesfois n'en mourut pas.

En Fan 1 532 , en esté , il courust un bruit à Paris , qu'il y avoit à Paris une manière de gens appelez Marrahais italians^, qui prenoient les petis enfans secrettement et les tueoient pour en avoir le sang; dont il y eust grande émotion de peuple à la ville , tellement que tant qu'on en trouvoit on les battoit trèsfort , et jusques à les vouloir tuer. Ce néantmoins il fut trouvé que ce n'estoit que toute menterie.

Au dict an 1 532, commancaà croistre l'Hostel-Dieu de Paris, par monsieur le chancelier de France, maistre Anthoine Du Prat , qui le fist faire de ses deniers et à ses despens. Et pour ce faire il achepta trois ou quatre maisons qui estoient jusques au coing pour faire l'accroissement, et y donna deux cens litz garnis de boys et de linge ^

Au dict an 1532, en esté, le Roy fist une ordonnance qu'il fist passer et émologuer par sa cour de Parlement , qu'il révoquoit et envoyoit en ses mains

\. En lombard, marabiso signifie maraud, coquin. 2. Félibien, t. II, p. 995; t. III {Preuves), p. 614.

tout ce que ses prédécesseurs roys avoient donné, le temps passé, à plusieurs seigneurs et autres gens, de toutes les terres et seigneuries, tant par confiscation qu'autrement qui appartenoient à la couronne, et fut publiée par toutes les villes du royaume \

Au dict an 1 532, en octobre, le Roy partist de Paris pour aller vers le roy d'Angleterre parlementer avec luy de leurs affaires , et estoit pour lors la Royne à Compieigne , et parlèrent ensemble à Ârdres , puis le roy d'Angleterre alla à Boulogne sur la mer, et le roy de France alla à Calais tout par amitié , mais on ne sçait ce qu'ilz firent ensemble *.

Au dict an 1 532 , en décembre , le Roy avec madame Éléonor, royne , et toute la seigneurie , menèrent monsieur le Daulphin en Bretaigne, pour luy faire prendre possession de la duché , comme à luy appartenant ; et fut couronné comme duc en grand triomphe, en la ville de Rennes. Et avant il y eut par les seigneurs et gens du pays grande résistance, parce qu'ilz ne vouloient avoir à duc monsieur le Daulphin , mais monsieur d'Orléans; néantmoins à la fin ilz s'accordèrent, par le moien de monsieur le légat , qui estoit (lors;, en leur faisant remonstrance que la dicte du-