Antoine Sanguin. Voy. plus haut, p. 9. 2.Enl33S

celier de France , mats au pourchas de ses amys , le Roy lui avoit pardonné.

(1 534.) Au dict an et mois de janvier, fut amené de Lyon en la cour de Parlement, un marchant de Florence nommé Anthoine Mellin, appelant de la justice laye de Lyon, de la mort, pour avoir esté trouvé bougre et avoir commis ce péché à une fille oultre nature, et à un jeune filz; lesquelz filz et fille s'en estoient plainctz à justice. Il avoit esté condamné à Lyon à estre bruslé vif, dont il appela en Parlement. Et le bailla la dicte cour au lieutenant -criminel du Chastelet de Paris, pour luy faire son procès , qui avoit esté mal faict à Lyon , et furent envoiez quérir lesdictz filz et fille pour le confronter, mais finalement, par force d'argent, il n'en mourut point.

Au dict an , en février, il y eust un chanoine de Rouen, demeurant au dict lieu, nommé monsieur d'Oynville, recepveur de son église, qui se pendist et estrangla en sa maison par désespoir et à cause d'un procès qu'il avoit perdu , pour lequel on luy demandoit quatorze ou seize cens livres.

En ce temps environ le huictiesme février, vint im ambassade de Portugal vers le Roy à Paris, au Louvre, lequel ambassade fut logé au logis de feu monsieur Meigret, là où il fist un grand et excellent festin au Roy et à la Royne et toute la noblesse.

(1 534.) Au dict an 1 533, en février, le Roy arriva à Paris pour son retour de Marseille, et la Royne aussi; puis furent faictes jouxtes au Louvre seize jours , par commandement du Roy, et y fut blessé un jeune gentilhomme, nommé monsieur de Fontaines , qui estoit

frère de la femme de feu monsieur de Chandion , tellement qu'on disoit qu'il estoit mort.

(1534.) En l'an 1533, au commencement de mars, mourut à Paris monsieur le prévost de Paris, nommé de La Barre , en l'iiostel de monsieur Poncher, général de Languedoc.

Et estoit lors le Roy à Paris, en son chasteau du Louvre; y eust grand triomphe à son obsèque et fut porté inhumer à sa seigneurie de Vérity près Tours *.

Le Roy donna la prévosté à son gendre, nommé de Touteville, qui estoit baillif de Rouen, et l'office de premier gentilhomme de sa chambre à monsieur de Boisy, et le gouvernement de Paris à monsieur de La Rochepot, lesquelz offices avoitle dict prévost ^

Au dict an 1534, au commencement d'avril, après Pasques, s'enfuit de Paris le général de Languedoc, maistre Jean de Poncher : et dit-on qu'il s'en alla à Vallanciennes , de peur d'estre prins de par le Roy, comme les autres trésoriers et gens de finances. Et depuis, au mois de juin, il s'en revint à Paris : et, disoit-on que le Roy de Navarre luy avoit faict son appointement , et luy furent ordonnez commissaires pour ouyr ses comptes ; mais néantmoins quinze jours après il fut prins et mis prisonnier.

Au dict an 1 534 , fut faict le mariage du duc de Longueville à la fille de monsieur de Guyse , et ce fut faict au Louvre avec jouxtes et tournois , par seize jours en grand triomphe.