Lodi

inlérestz de la dicte partie, et à tenir prison jusques à ce, et à estre aussi privé de tenir aucuns offices royaulx *.

(1 516.) Au dict an, douziesme de may, Tarcheduc et comte de Flandres, Charles, fit son entrée en la ville d'Arras, comme comte d'Arthoys, comme icelle ville estant capitalle d'iceluy comté.

Au dict an, vueille de Pentecoste, samedy dixiesme ie may, fut prononcé l'arrest en la cour de Parlement ntre monsieur d'Albret et monsieur d'OrvaP, son nepveu , touchant la comté de Dreux ; par lequel arrest, la dicte comté fut adjugée au dict seigneur d'Orval pour en jouir à tousjours luy, ses hoirs et y aians cause.

Au dict an, en may, vindrent aussi nouvelles comme la ville de Bresse en Italye estoit rendue au Roy et aux Vénitiens; et que les gens d'armes de l'Empereur qui estoient dedans avoient faict le serment de fidélité au Roy et qu'ilz seroient pour luy et les Vénitiens contre tous leurs malveillans^

Au dict an, en juing, le Roy, estant à Lyon, alla en voyage et pèlerinage à Chambéry, pour visiter dévostement le saint suaire de Nostre-Seigneur, qui est au dict Chambéry, en Piedmont; et y fut à pied ne faisant qu'une lieue ou deux par jour*. Et son train et la Royne allèrent jusques à Grenoble l'attendre et y

1 . Ce paragraphe se trouve à la fin du manuscrit , au f ° 1 82 verso.