C'est-à-dire descendus de l'autel et exposés

4. Suivant le Registre, p. 364, le roi retourna à Amboise lorsqu'il eut appris que la reine était accouchée d'une fille, le 25 octobre. L'enfant fut tenue sur les fonts de baptême par Ravastein , ambassadeur de l'archiduc Charles , au nom de celui-ci. Elle fut nommée Charlotte.

5. Le 45 octobre, il y eut à l'Hôtel de Ville de Paris, une assemblée des délégués des bonnes villes du royaume, assemblée qui, après plusieurs séances, n'aboutit à aucun résultat. Cf. Eegistre.

(1516.) Au dict an, en décembre, furent menez prisonniers devers le Roy, à Amboyse, troys prisonniers de Paris, joueurs de farce; c'est à sçavoyr Jacques le bazochin, Jeban Seroc et maistre Jehan duPontalez; lesquelz estoient liez et enferrez et furent ainsy menez à Amboyse. Et ce fut à cause qu'ilz avoientjoué des farces à Paris, de seigneurs ; entre autres choses, que mère Sotte^ gouvernoit en cour, et qu'elle tailloit, pilloit et desroboit tout; dont le Roy et madame la Régente advertiz furent fort couroucez. Parquoy furent envoyez quérir, par douze archers du prévost de l'hostel du Roy, enferrez et liez et menez à Rloys prisonniers, où furent jusques à caresme prenant ensuyvant, et eschappèrent de nuict et s'en allèrent en franchise, dedans l'église des Cordeliers de Bloys. Et environ un moys devant Feutrée de la Royne, qui fut faicte à Paris, furent délivrez à pur et à plain.

Au dict an 1516, le mardy seiziesme jour de décembre, vint à Paris monsieur d'Orval, gouverneur de Champaigne, qui venoit de Flandres vers l'Archeduc , y envoyé par le Roy, pour faire la ratification du mariage d'entre le dict Archeduc et madame Loyse de France, fille du roy François, et aussi pour la ratification de la paix, et avoyr le consentement de Maximilian, empereur, aïeul maternel du dict Archeduc. Lequel Empereur donna son consentement qu'il envoya d'Almaigne , moyennant qu'il devoit avoyr cent mil escutz soP du roy de France, en rendant

i. Voy. sur la mère sotte ^ ou mère folle ^ le Mémoire pour servir à P Histoire de la fête des fous, par du Tillet, 1751, in-8". 2. Au soleil.

par luy la ville de Véronne an dict seigneur Roy * ; ce qui fut faict. Dont depuys bailla le Roy la dicte ville aux Vénitiens; et, en ce faisant, ils baillèrent au dict seigneur Roy pareille somme de cent mil escuz. Dont après , ledict Arcbeduc et monsieur d'Orval , comme ambassadeurs , receurent le précieux corps de Nostre- Seigneur en l'église, où les dicts seigneurs Arcbeduc et le dict seigneur d'Orval partirent entre eux', soubz promesse de bonne alliance, confédération et amityé; et aussi affm d'entretenir le dict accord de mariage, faict entre luy et madame Loyse de France , en promettant l'espouser sitost qu'elle seroit en aage.

Et , après la solemnité de TÉglise faicte , le dict seigneur d'Orval fut très bien festoyé comme représentant la personne du Roy, et y eust de grandz triumpbes; et furent faicts les feuz parmy la ville, en laquelle il estoit, et grandz banquetz. Et aussi y furent faictz de gratidz dons les ungs aux aullres, tant par monsieur d'Orval que par le dit Arcbeduc. Et envoya le Roy au dict seigneur Arcbeduc son Ordre, qui le récent et le porta un jour; et après, il envoya le sien au Roy auquel estoit laToyson d'or; et lequel il receut et porta, en signe de bon amour et confédération ; et promisrent, cbacun de leur costé, avoyr paix et amitié ensemble, et accomplir le dict mariage \

Au dict an 1516, moururent es faulxbourgs de Sainct-Germain-des-Prez quatre bommes qui avec autres faysoient ung puys ; et advint ce, à cause de la