Louis Guiflarl

fuyte pour sa lubricité; et emporta avec elle de la vaisselle d'argent y bagues d'or et plusieurs habillemens.

Et s'en alla avec deux frères, enfans d'Orléans, filz du feu lieutenant du baillif d'Orléans , nommé monsieur Aignan de Sainct-Mesmin , lesquelz l'ammenèrent; dont l'un couchoit avec elle et l'autre couchoit avec la chambrière, jeune fille très belle; et luy estoit nommé monsieur Aignan de Sainct-Mesmin, qui estoit l'aisné et esleu d'Orléans : l'autre, nommé maistre Françoys, qui depuys fut prévost d'Orléans ; et furent iceulx deulx vagans long temps par les chemins et pays , par l'espace de bien troys moys ; dont après , elle revint à Paris , et les dictz frères aussi. Dont son mary et ses parents la firent prendre par authorité de la cour , et fut mise prisonnière chez un huissier de Parlement, nommé Pierre de Joy, où elle fut par quelque espace de temps. Dont il fut dict par la cour qu'elle seroit mise par provision avec les religieuses des Haudriettes à Paris, jusques à la parfection de son procès.

Or, est ainsi que son dict mary et ses parens tendoient alïin de la faire priver de la communaulté des biens du douaire, et de jamais ne la reprendre, attendu qu'il luy fut prouvé qu'elle avoit desrobé son mary, et aussi qu'elle estoit paillarde et qu'elle avoit commis le péché d'inceste ; tellement que le nepveu de son dict mary l'avoit congneue charnellement par plusieurs foys ; et que iceulx frères estoient violateurs de mariage et larrons , parce qu'ilz luy avoient faict et souffert emporter des biens de son dict mary. Et furent adjournez à son de trompe par la cour de Parlement, de-

D'UN BOURGEOIS DE PARIS (loSi;. 99

dans la ville d'Orléans, à comparoir en personne, sur peyne de banyssement et de confiscation de biens et d'estre con\aincuz des cas sur eux imposez. Dont, par la dicte cour de Parlement, furent déléguez douze personnes advocatz de parlement, gens de bien , non suspects ne favorables , pour en estre juges et pour luy fayre son procès jusques en diftlnitive ; et leur fut donnée toute puissance de ce faire. Dont fmablement il y fut par eux tant procédé tellement que, le vendredy, sixiesme jour de juing 1522, il fut prononcé, au Chastelet de Paris, la sentence d'iceux juges à huys clos , en l'auditoire du criminel; où il fut dict que la dicte femme requerroit pardon à son mary, en la présence de dix personnes, de l'offense par elle faicte vers son dict mary ; et, ce faict, qu'elle seroit menée en la relligion des Cordelières de Paris, où elle seroit par troys ans; pendant lequel temps, son mary la pourroit aller voyr et communiquer avec elle par mariage. Et, quant au faict de la communauté de biens et du douaire, pendant les dictes troys ans, la dicte cour y pourvoyroit. Et, quant aux deux frères nommez de Sainct-Mesmin, natifz d'Orléans, ausquelz estoit imposé qu'ils l'avoyent ammenée , ilz furent absoulz, à pur et à plain , du rapt qu'on leur imposoit ; et furent iceulx deux déclairez absoulz et délivrez à pur et à plain de prison où ilz estoient cbez un liuissier de Parlement; et en compensant les despens tant d'un costé que d'aultre.

Et de laquelle sentence, les parties, tant d'un costé que d'autre, s'en portèrent pour appellans, en la cour de Parlement, assçavoir ledict lieutenant et sa femme, et aussi lesdictz deux frères de Sainct-Mesmin.

Et le mardy vingt et troysiesme décembre, qui es-

iOO JOURNAL

toit la veille de Noël* 1522, fut prononcé larrest en la cour de Parlement, entre le dict lieutenant civil, nommé Ruzé , sa dicte femme et les dictz de Sainct- Mesmin frères ; par lequel arrest il fut dict la dicte femme et la chambrière d'elle , condamnées à estre battues derrière la custode et à estre envers son mary privée de communaulté de biens et de son douaire, et à estre tondue et vestue en habit de relligieuse à tousjours, et qu'elle auroit la discipline par troys vendredys, par Fabbesse; et, en ce faisant, que son mary seroit tenu lui bailler , par chacun an , la somme de quatrevingt livres pour son vivre et vestement, sa vie durant.

Et les dictz frères de Sainct-Mesmin , l'un , nommé monsieur François, absoult , et l'autre, nommé monsieur Aignan, qui est l'aisné, fut condamné à payer ce que le dict lieutenant-civil affermera par serment avoyr esté prins et emporté par sa dicte femme. Et néantmoins, quelque peu de temps après le dict arrest prononcé, le Roy remist la femme en son libéral arbitre, après qu'elle envoya vers le Roy et qu'elle luy bailla requeste pour icelle estre remise au monde , comme auparavant avoit esté. Tellement que le Roy luy remist le dict arrest et luy bailla sa franchise et liberté , comme auparavant avoit esté.

Au dict an 1 521 , es moys de may et de juing , fut faicte et entreprinse la guerre entre messire Robert de la Mark et monsieur de rEsmery% qui estoit de Flandres; par ce après que le dict messire Robert eust

i . C'est-à-dire l'avant-veille.