Le 9 janvier

3. Adrien VI naquit à Utrecht (ou à Amsterdam) en 14S9. Son père s'appelait Florent Boyers. Les Mss. 8487 et 8500 de la collection Béthune contiennent plusieurs lettres sur l'élection d'Adrien. Voy., au tome 452 de du Puy, une lettre écrite par le pape après son élection.

iU JOURNAL

gros honneur ; mais ce fut TEmpereur qui le fist faire, affîn de le favoriser en ses guerres , contre le roy de France. Il fut faict auparavant docteur à Louvain, et estoit fort grand clerc et saige, et depuys il fut maistre d'escole du dict Empereur, luy estant petit enfant. Il estoit évesque de la cité de Tortose, en Espaigne, où il se tenoit ; et y avoit esté envoyé de par l'Empereur auparavant, pour gouverner et réconcilier le royaume d'Espaigne, parceque devant il y avoit eu de la mutinerie par des gens du pays ; il estoit environ d'aage de soixante ans. 11 fut faict pape par la brigue du dict Empereur.

En l'an 1 522, incontinant après Pasques, le dict Pape envoya en France un cardinal, et l'institua légat en France pour demy an ; et fut sa légation receue par la cour de Parlement ; et estoit espaignol.

Item, après l'élection du dict pape Adrian, il (le pape) partit d'Espaigne et s'en alla à Rome pour y fayre sa résidence et pour prendre possession de la dignité papale; et, le quatorziesme jour de septembre, au dict an 1 522, fit son entrée à Romme comme pape ; et fut nommé Adrian comme il avoit nom, sans muer son nom. 11 fut receu à Rome honorablement ; et l'Empereur demeura en son royaume d'Espaigne.

L'an 1 523 le vingt huictiesme jour de juing fut cryé à son de trompe par les quarrefours de Paris, de par le Roy, que nulles personnes d'oresnavant n'envoyassent plus à Rome pour faire quelque expédition envers le Pape, ne pareillement aussi envoyer plus argent à Rome ; et aussy que nulz bancquiers n'expédiassent plus rien pour envoyer à Rome ; ne semblablement qu'on ne laissât plus passer nulz courriers ne aul-

D'L'iX BOURGEOIS DE PAWS (152;S). HZ

très personnes portans lettres sans estre veùes et visitées ; et ce sur peine de confiscation de corps et biens. Et fut ce faict par despit de ce que le Pape tenoit le party de l'Empereur. Et dict-on que le Pape avoit envoyé des gens d'armes de renfort dedans la ville de Millan, pour l'Empereur, contre le Roy. Et furent commis, de par le Roy, pour visiter les pacquetz des courriers, messieurs les présidens Baillet et Guillard avec un bancquier nommé Toussaint.

Au dict an 1523, quatorziesme jour de septembre', mourut le dict pape Adrian à Rome, lequel régna environ vingt moys.

Au dict an, vingtiesme de novembre, fut esleu le pape Clément, septiesme de ce nom ; lequel estoil aupaiavant cardinal et estoit nommé de Médicis', qui estoit nepveu du feu pape Léon, dixiesme de ce nom, aussi nommé de Médicis. A son élection y eut grande altercation, et es l oit par ce que aulcuns cardinaulx tenoient le party du roy de France et les aullres le party de l'empereur, Charles cinquesme, qui estoit roy d'Espaigne.

Et néantmoins depuis son élection , le roy de France deffendit par tout son royaume de n'envoyer plus à Rome touchant les bénéfices, ne payer plus nulz vacans à cause des bénéfices.

L'an 1522, incontinant après Pasques, vindrent nouvelles que le Grand Turcq estoit venu et descendu au royaume de Hongrie avec grosse armée de gens d'armes, où il guerroya tant qu'il subjuga le roy de Hongrie, tellement qu'il s'enfuyt hors de son royaume