Charles, mort en

deux des seigneurs (des) cantons de Suysse, lesquelz le Roy manda quérir lors en leur pays; et pour la marreine estoit madame d'Allançon, tante de l'enfant et seur du dict roy de France. Et fut nommé au dict baptesme Charles; auquel baptesme y eut grand triomphe.

(1 522). Au dict an, le vendredy vingt uniesme de février, fut cryé à son de trompe, par les quarrefours de Paris, de par le Roy, que toutes personnes, soient marchandz ou aultres , qui debveroient aucunes sommes de denyers aux marchandz de Flandres, de Henault, de Braban et d'ailleurs, tenans le parly de l'Empereur, que incontinant ilz le vinsent révéler et advancer les dictes sommes au Roy ou à ses commis ; et il leur seroit donné la moytié de leur deu, et l'autre moytié ilz payeroient au Roy ; et fut ce faict sur peyne de confiscation de la dicte debte; et estoit iceluy cry et commandement faict à cause des guerres et divisions qui estoient entre l'Empereur et le Roy ; mays néantmoins il n'en vint guères ou point à congnoissance.

(1 522.) Au dict an 1 521 , au moys de febvrier, couroient maulvais garçons advanturiers à l'entour de Paris et deMeaulx, qui faisoyent beaucoup de maulx ; lesquelz estoient retournez de la guerre pour le Roy , au pays de Picardie. Dont le Roy, adverly des maulx et insolences qu'ilz faisoient, ordonna monsieur de Lorges, gentilhomme de Beaulce, cappitaine de gens de pied, pour les fayre prandre ; ce qui fut faict, et en fut prins jusques au nombre de dix sept, lesquelz furent menez à Paris et baillez es mains du bayllif du Palais. Dont, après leur procès par luy faict, furent condamnez à estre penduz et estranglez , dont ilz en furent appellans. Touteffoys la cour de Parlement

iSO JOURNAL

confirma la sentence du dict baylUf, et y en eut quatorze de penduz et troys qui furent battus et fustigez par les quarrefours de Paris; et les dictz quatorze furent penduz à potences, à quatre portes de Paris.

(1 522.) Au dict an 1 521 , au moys de février, le Roy estant à Paris pour le retour de la guerre de Picardie , se voyant pour les dictes guerres avoir affaire d'argent, fist fayre assemblée à l'Hostel de la ville de Paris, où se trouva en personne, où il fist sa harangue et remontrance tant au prévost des marchandz et eschevins , que aux principaulx des habitans de la ville , comme il luy esloit nécessaire d'avoir secours et ayde d'argent et de gens par tout son royaume^ pour luy ayder en ses guerres. Et, pour ce fayre, demanda qu'on luy aydast de cinq cens hommes de pied souldoyez tant que la guerre dureroit ; à quoy fut respondu par les assistans que c'estoit bien raison de luy ayder, mays que son bon plaisir fust de leur donner temps et espasse d'avoyr le conseil des dictz habitans, pour sçavoir où il ce pourroit prandre pour payer les dictz cinq cens hommes, qui pourroient monter par an quarante mille livres ; ce que octroya le Roy. Et ce pendant le Roy s'en alla à Rouen, pour en demander autant; et lorsque le Roy fut à Rouen et qu'il parla aux habitans de la ville pour luy ayder en ses guerres, iceulx Normans comme outrecuydez luy offrirent bailler et ayder jusques à mille hommes souldoyez. Parquoy le Roy les remercya et accepta, puys s'en revint à Paris.

Et luy retourné, envoya son chancelier à l'Hostel de la ville pour remonstrer comme ceulx de Rouen avoyent offert bailler et ayder au Roy, jusques à mille hommes de pied souldoyez, parquoy il convenoit qu'ilz luy en

D'UN BOURGEOIS DE PARIS (1522} iil

a\ classent d'autant, veu aussi que depuys son département le pape Léon estoit mort ; parquoy il luy convenoit renforcer de gens d'armes et d'argent pour ayder à fayre de grandz fraiz. Ainsy force fut aux habitans de la ville de Paris, par amour ou par force, accorder à luy bailler mille hommes de pied souldoyez. Dont , à cause de ce , le peupple en fut fort oppressé et molesté, et, pour iceux payer, en fut en grande peyne; car premièrement il fut advisé de mettre imposition en la ville, en toutes les marchandises vendues, à deux sols pour chacune livre : dont il y eut grande controverse ; mays cela n'eust lieu ; et depuys fut advisé ce que l'on payeroit pour chacun estât de marchandise; tellement que les marchandz de draps de soye et drappiers furent taxez à dix mille livres ; les drappiers de layne à huict mille livres ; les pelletiers à quinze cens livres, les espiciers à . . J, les

bonnetiers à , les chappeliers à ,

et autant des aultres estatz, jusques à ce que fut trouvé la somme de quatre vingtz dix mille livres pour soûldoyer les dictz mille hommes de pied '.

Et l'année 1 522 , environ le moys d'octobre , fut faicte une autre assemblée en la ville de Paris, de par le Roy, lequel y envoya son chancelier, lequel demanda aux habitans de la ville jusque à la somme de cent mille escus d'or, pour luy subvenir en ses guerres et affaires, offrant bailler rente aux taux des ordonnances royaulx de douze livres une livre; ce qu'il fallust, par amour ou par force, luy accorder; tellement