Ce mariage avait eu lieu le 10 mai

Du deuxiesme voja^^e delà les montz par le roy François pour reconquester la duché de Milan y enlan 1523.

Est assçavoir que le Roy voiant sa duché estre perdue et conquestée surluy, par les Espaignolz, le vingt cinquesme jour de novembre 1 522, comme est cy devant récité, en juillet 1523, luy, aiant prins conseil avec les seigneurs du sang et ses bons cappitaines, les Italiens bannis de par l'Empereur, tenans le party du Roy, le Roy délibéra y aller ou y envoier grosse armée de gens d'armes ; et, après la délibération faicte, il envoya avant à Lyon monsieur de Bonnyvet, son admirai de France, pour faire les préparatifz de la guerre, et partist en juillet de la ville de Paris.

Et le jeudy vingt et troysiesme jour du dict moys et an, le Roy,laRoyne, madame la Régente, sa mère, et toute sa noblesse allèrent à Sainct-Denis, en France, en voiage et dévotion ; et ce dict jour furent montées les chasses des glorieux Sainct Denis et ses compaignons , et furent mises sur le grand autel * ; et y eust une grande messe dicte solemnellement , présente toute la noblesse ; et se confessa le Roy à la personne du prieur des Célestins de Paris, qu'il voulut avoir, et fist ce voyage en grande dévotion, affîn qu'il pleust à Dieu de luy donner victoire contre ses ennemis.

Item^ le lendemain qui estoit le vendredy vingt quatriesme jour du dict moys, le Roy, estant à son logis des Tournelles, vint le matin , à grande dévotion, à la