Lisez femme

bon , defîendeur. Et fut dit par la cour que se transporteroient deux présidens et deux conseillers , au pays de Bourbonnoys, pour là visiter et exbiber toutes les lettres et enseignemens faisans mention des dictes terres et seigneuries, et d'icelles en seroient prins les doubles , sans rien desplacer ; ce qui fut faict. Et la dicte playdoierie faictepar monsieur dePoyet*, advocat de Madame, en demandant, et par monsieur Boucbard^, advocat du dict seigneur de Bourbon. Et fut la cause mise au lendemain de la Sainct-Martin, comme les aultres causes sont par coustume. Pendant lequel temps se transportèrent au dict pays de Bourbonnoys les dictz deux présidens et deux conseillers de la cour. Et depuis, la Sainct-Martin venue , fut la cause playdée. Dont depuis le dict Bouchard ne voulut plus playder la cause, mais fut un advocat nommé monsieur Bourlon qui la playda depuis tousjours.

(1 523). Au dict an 1 522, vingt sixiesme janvier, fut encores plaidée en la dicte cour une autre cause contre le dict seigneur de Bourbon pour ma dicte dame, parce que le Roy avoit donné de nouvel à ma dicte dame les comtés de Gyan, Cariât et Murat^ lequel don

1 . Guillaume Poyet , qui devint chancelier et fut par la suite déchu de cette charge pour malversations. 11 plaida pour la régente, mère de François P' , contre le connétable , ce qui lui valut la faveur de la cour.

2. Avocat célèbre ; il avait plaidé en 1517 pour l'Université, contre l'enregistrement du Concordat ; son énergique défense ayant déplu à la cour, il fut incarcéré dans la tour du Louvre ; sa courageuse indépendance lui fit grand honneur. (Voy. Loisel , Dialogue des avocats aux Opuscules de Loisel. Paris, 1642, in-4°, p. 501; et Fournel , Histoire des avocats, Paris, 1813, t. II, p. 230).

elle voiiloit faire éniologuer par la dicte cour de Parlement; mais s'y opposa le dict seigneur de Bourbon, ou son conseil pour luy. Dont luy fut donné jour par la dicte' cour pour \oir dire ses causes d'opposition , à la quinzeine ensuivant.

Fut encores playdée la dicte cause en la dicte cour, le mecredy xi* février ensuivant, dont depuis y furent prins et baillez par la dicte cour plusieurs délaiz.

(1523). Au dict an 1522, arriva à Paris mon dict seigneur de Bourbon, pour solliciter ses affaires et procez qu'il avoit contre ma dicte dame.

Et s'en partit de Paris le vendredy, vingt septiesme de mars ensuivant, par le congé du Roy, (pour) s'en aller en la Brye et vers Provins ; et y mena avec luy tous les archers et arbalestiers de Paris pour prendre six ou huict cens mauvais garçons advanturiers qui faisoient beaucoup de maulx au plat pays de là environ ; desquels en furent penduz en grand nombre, mesmes aucuns de leurs cappitaines. De là il s'en retourna en son païs de Bourbonnoys.

Au dict an 1523, vendredy xi*' de septembre vindrent nouvelles à Paris par René, messager de Lyon, que monsieur de Bourbon s'en estoit allé hors du royaume de France, et, le jourNostre-Dame de septembre, s'estoit party hors du païs de Bourbonnoys secrettement.

Il est à noter qu'il vouloit aller à Lyon vers le roy de France qui y estoit , lequel l'avoit mandé ; et alla jusque par delà La Palisse ; mais luy oyant des nouvelles qui luy furent secrettement apportées sur le chemin , qui estoient que le Roy Fattendoit à Lyon pour le faire prendre, lors il tourna bride et s'en alla

en poste avec petite compagnie jusques à Cliantelle qui liiy appartenoit, à cause de la duché de Bourbon, qui est une forte place où il ne fut qu'un jour et une nuict et y laissa gens pour la garder ; puis s'en alla secrettement avec peu de gens vers monsieur de Lorraine qui avoit espousé sa seur*, et s'en alla en Lorrain^. Nëantmoins au commancement le bruict estoit qu'il estoit allé vers l'Empereur secrettement, et que le dict Empereur luy avoit promis donner madame Eléonor, sa seur, en mariage; ce qu'il ne fict pour lors. Dont le Koy, adverty de son département, en fut très fort courroucé, et luy, estant à Lyon, il manda incontinent son conseil et les seigneurs et princes de son sang; assçavoir monsieur d'Alençon, monsieur de Vendosme, le grand maistre de France, le bastard de Savoye , monsieur de la Palisse et aultres. Lequel conseil tenu, fut envoyé par tous les passages de France, de tous costez, grand nombre de gens, tant de pied que de cheval, pour sçavoir où estoit le dict seigneur de Bourbon ; et fit le roy incontinent crier à son de trompe que, s'il y avoit personne qui peust prendre ledict seigneur de Bourbon et le bailler es mains du dict grand maistre ou de monsieur de la Palisse, le Roy luy donnoit dix mil escus d'or, et, s'il y avoit aucuns qui le peussent enseigner et livrer, il leur donneroit vingt mil escus d'or. Et fut semblablement crié par toutes les villes du royaume ; mesmes à Paris, il fut crié le seiziesme de septembre 1 523.

Ce mesme jour, le Roy escrivit de Lyon des lettres à l'Hostel de la ville de Paris, en les advertissant de la

i . Renée de Bourbon.

ÎS4 JOURNAL

dicte entreprin&e. Dont fut faicte assemblée audict Hoste] pour lire les dictes lettres qui contenoient en la façon et manière qu'il y avoit au cry : c'est assçavoir que le dict seigneur de Bourbon avoit faict conspiration avec l'Empereur, le roy d'Angleterre et aultres, pour prendre le Roy et le mettre prisonnier, piller la ville de Lyon, la ville de Paris et aultres villes, et faire descendre les Angloys et Bourguignons en France. Adonc le Roy fit prendre prisonnier monsieur de Sainct-Vallier qui estoit à Lyon, et aussi messire Marc de Prie, cbevalier, avec l'évesque du Puy', frère de monsieur de la Palisse et l'évesque d'Authun , nommé Hurault, natif de Paris, qui estoient tous à Lyon avec le Roy , et envoya iceulx prisonniers au chasteau de Loches ; et fault notter que le Roy voulu st tuer le dict seigneur de Sainct-Vallier en le prenant, s' on nel'eust engardé, tant il estoit courroucé contre luy.

Puis après furent envoyez le premier président de Selva avec le président de Loynes au dict lieu de Loches, pour les interroguer et faire leur procez.

Le bruit couroit pour lors que le Roy fut adverty par madame la Régente , sa mère , qui luy manda de Bloys en poste, par lettres, qu'elle avoit sceu par l'évesque de Lisieux ^ qui le sceut par un sien parent, qui estoit un des gentilzhommes de monsieur de Bourbon, qui luy dict par inconvénient ces choses touchant la dicte entreprinse et conspiration du dict seigneur de Bourbon.

i , Antoine de Chabannes.

2. Jean Le Veneur, cardinal de Tillières. Il occupa le siège de Lisieux de 1505 à 1539.

Le Roy envoya incontinent à Moulins et par tout le pays de Bourbonnois, Auvergne et aultres places et seigneuries du dict Bourbon, gens d'armes et leur fit tout saisir et mettre en sa main tous ses biens ; et si envoya gens d'armes devant le chasteau de Ghanlelle, qui est une forte place, pour la prendre; mais elle luy fut rendue sans résistance et toutes les aultres places aussi, et par toutes les dictes places y furent mis de par le Roy officiers pour recepvoir les deniers. Et fut faict inventaire de tout ce qui fut trouvé au dict Chan telle.

Peu de jours après , madame de Lorraine , seur de monsieur de Bourbon , fut envoyée devers le Roy à Lyon, de par monsieur le duc de Lorraine, son mary, et par monsieur de Bourbon et le duc de Gueldres, pour faire les remontrances au Roy, par lettres et de boucbe, que quelque cbose qu'on eust imposé et cbargé son frère le seigneur de Bourbon, néantmoins jamais il n'y pensa , n'y n'en fîst aucune chose et que jamais ne sera sceu ne trouvé; et que ceux et celles qui ont ce dict, en ont menty faulcement ; et, où il seroit trouvé, ilz estoient tout prestz de le rendre es mains du Roy , pour en faire la justice telle qu'il appartiendroit ; et aussi s'il est ainsy qu'il ne soit trouvé coulpable et qu'on luy impose ces choses à tort, il en demandoit réparation et justice telle qu'il appartient. Dont finablement le Roy après les lettres veûes et avoir ouy parler la dicte dame de Lorraine, il fut très content, appaisa son ire et receult moult honnorablement la dicte dame. Lors le Roy dit à la dicte dame que le dict seigneur de Bourbon s'en vinst en France en seureté, et qu'il l'oirroit voulontiers parler pour se

dS6 JOURNAL

justifier. Et, pour ce faire, ilz baillèrent otaiges ; mais nëantmoins le dict seigneur de Bourbon n'en voulut jamais rien faire. Puis, peu de jours après, (le Roy) fist crier à son de trompe par la ville de Lyon, lorsque la dicte dame de Lorraine y estoit, que nulle personne ne parlast ne dist blasme de la personne du dict seigneur de Bourbon.

Lors la dicte dame de Lorraine , après avoir séjourné long temps vers le Roy, s'en retourna vers monsieur de Lorraine , son mary , en Lorraine , mais on ne sceut rien de ce qui fut conclu d entre le Roy et elle.

Environ ung mois après, le Roy envoya vers monsieur de Bourbon, qui estoit en la Franche-Comté, un nommé Petit de Bourbonnançoys * et lequel ledict seigneur de Bourbon avoit toujours fort aymé; si luy manda le Roy par le dict Petit de Bourbonnançoys qu'il vinst en France et qu'il le recepveroit comme devant avoit faict ; ce qu'il ne voulust faire ; mais dit au dict Petit qu'il avoit esté trop maltraicté en France, et qu'il avoit esté long temps sans recepvoir ses gaiges dudict office de connestable, de son gouvernement de Languedoc et de sa pension , et aussi que le Roy l'a voit faict publier à Paris, à Lyon et partout son royaume à son de trompe, comme son ennemy ; duquel déshonneur il vouloit avoir réparation et restitution de ses dictes gaiges, et estre remis et réintégré en toutes ses terres; aultrement qu'il n'y retourneroit point, et s'en retourna le dict messager comme il estoit venu; et depuys le Roy envoya encores

i. Bourbon-Lancy ?;,,,,.,,,, ,,

D'UN BOURGEOIS DE PARIS (1524). i57

aultres messagers par devers luy; mais ilz n*y firent rien.

(1 524). En Van 1 523, le vingt septiesme février, le dict seigneur de Bourbon, après ces choses, s'en alla vers l'Empereur; mais premièrement il passa par Flandres et alla vers madame Marguerite qui le recueillit fort honnestement. De là s'en alla vers le roy d'Angleterre qui aussi le recueillit fort honnestement. Puis s'en alla vers l'Empereur qui le receut aussi très honnestement, lequel l'envoya à Milan; puis le fist son lieutenant-général par toute l'Ilallie, tant à Milan qu'ailleurs, pour avoir la charge de son armée contre le Roy, avec le vice -roy de Naples, le seigneur de Pesquières et aultres.

Item, le dict seigneur de Bourbon, luy estant à Milan , il envoya par mie trompette vers l'admirai de France, nommé Bonnyvet , le vingt septiesme de février au dict an 1 523 , et luy manda par lettres en son nom et au nom du vice-roy de Naples pour l'Empereur, si le dict admirai ne vouloit pas entretenir les accordz qui furent faictz entre feu messire Prosper de Coulonne et le dict admirai, touschant les gens d'armes qui pouroient estre prins, qui payeroient pour leur rançon leur quartier, avec leurs despouilles et chevaulx, chascun selon sa qualité. Et d'advantaige, qu'il y avoit cent hommes d'armes de sa bande, lesquelz il vouloit y estre comprins, et luy signifioit qu'il estoit lieutenant pour l'Emperem-. A quoy par lettres luy fist responce le dict admirai par la dicte trompette, que, en tant que touchant la gendarmerie, qu'il est content d'entretenir le dict appointement, et que, au regard des cent hommes , il ne luy pouvoit faire res-

ponse sans le faire sçavoir au Roy ; et encores depuis il (Bourbon) rescrivit au dict admirai aultres lettres, par quoy en ce faisant , il se déclaroit et manifestoit ennemy du Roy \

L'an 1 522 , le vingt et troysiesme de septembre, il y eut un nomme maistre Pierre Piéfort , qui estoit de devers Tours, lequel fut bruslé tout vif à Sainct-Germain-en-Laye, lorsque le Roy, la Royne et la noblesse y estoient; et fut ce parcequ'un peu auparavant il avoit prins et desrobbé la couppe d'argent doré qui estoit en l'église du dict lieu, auquel reposoit le précieux corpus DomJni, et porta le corpus Domini entre des pierres, où anciennement madame Saincte Geneviefve, en son vivant, gardoit les brebis à Nanterre; et apporta la couppe à Paris et en fut trouvé saisi en une taverne, puis mené prisonnier en Chastelet ; et de là fut envoyé quérir par le prévost de l'hostel du Roy, auquel il confessa le cas et le lieu auquel estoit le corpus Domini, Tost après et incontinent, le Roy avec grand nombre de seigneurs y allèrent , chacun une torche de cire ardente en la main ; et fut porté le ciel par quatre seigneurs et portoit le Roy luy-mesme sa torche, la teste nue; et fut apporté par le cardinal de Bourbon, en grande révérence, soubz le ciel, et remis en sa place, en l'église de Sainct-Germain , le dict corpus Domini. Et fut le malheureux grièvement puny.

Environ deux moys devant, il estoit advenu au pais de Poictou une grande et merveilleuse chose;

\ . Voy. la copie de l'une des réponses de Bonnivet dans la collection Fontette, carton XXIII, inûtiLl^ i Jie^cue il de lettres ser» vant à rUistoire, pièce n* 41. — -. ^*—

c'estoit qu'il y eut une bande d'advanturiers qui alloient à la guerre en Guyenne, desquelz en y eut troys qui voulurent aller desrobber une église parrochiale de là ; et eulx, entrans dedans , trouvèrent un prestre auquel ilz dirent irrévéramment qu'il montast là bault, pour leur bailler le sainct ciboire, au moins la couppe, ce qu'il refusa en leur disant doulcement : que c'est où Dieu reposoit et qu'il ne l'osteroit point. Lors incontinent furieusement ilz l'occirent et luy traversèrent une épée au corps et montèrent et prindrent le sainct ciboire ; et le corpus Domiiii le mangèrent tous troys et emportèrent la dicte couppe , puis s'en allèrent à la taverne vers leurs aultres compaignons , leur déclarant ce qu'ilz avoient faict ; et iceux ne peurent boire ne manger, et disoient qu'ilz estoient tous soulz de ce qu'ilz avoient mengé à l'église. Lors leur bande apperceut qu'ilz commencèrent à fumer et que une grande fumée sailloit de leurs corps de tous costez , tellement qu'il sembloit qu'ilz fussent en une fournaise ; dont les aultres en eurent si grand peur qu'ilz s'enfuyrent et les laissèrent là ; et peu après revindrent pour les voir ; mais ilz les trouvèrent tout brûlez ; et ne sçait-on comment ilz furent bruslez , sinon que c'estoit le vouloir de Dieu , par punition du mal qu'ilz avoient faict.

Item^ en l'an 1522, le samedy vingt septiesmejour de décembre, fut décapité à Paris, devant l'Hostel de la ville, un gentilhomme de Picardie, nommé monsieur de Ferrie, parceque durant la guerre des Angloys et Hennuyers en Picardie, il avoit levé sans adveu du Roy six ou huict cens hommes de pied qui firent beaucoup de mal au plat païs de Picardie; dont, après

160 '^^^^^' JOURJNAL

son procezf faict par le prévost de l'hostel du Roy , après avoir este prisonnier, il fut condamné à estre décapite , puis sa teste estre mise sur une lance , en Grève, devant l'Hostel de la ville. Ce qui fut faict ce jour.

Au dict an 1 522, le quatriesme jour de décembre, furent mis prisonniers dedans la Bastille, de par le Roy, troys conseillers en la cour de Parlement. C'est assçavoir messieurs Virmaistre, docteur prestre , Seguyer, aussi prestre , et monsieur Turquan , homme lay * ; et fut parcequ'ilz avoient remontré au chancelier Du Prat le désordre qui estoit à cause des empruntz que le Roy faisoit à Paris, qui estoient par trop excessifs ; et y furent jusques au quatorziesme jour du dict moys, et en furenl mis hors à leurs cautions; dont on leur fist tort et à la cour de Parlement, mais ce fut le chancelier de France qui leur fit ces choses de par le Roy.

L'an 1 523, le roy de Dannemarc* fut déchassé hors de son royaume par le comte de Lestran, son oncle, à cause qu'il estoit hay du pais, qu'il avoit délaissé sa femme et entretenoit une paillarde à laquelle il donnoit grosse authorité , tellement que rien ne se faisoit au pais sans elle ; parquoy il en perdit son royaume, et s'en alla à refuge vers l'Empereur, duquel il avoit espousé la seur. Mais depuis il fut restably en son