Pont-Sainte-Maxence

A cause des choses susdictes, fut envoyé de par le prévost et eschevins de la ville de Paris par-devers le Roy à Lyon, en poste, un homme pourPadvertir desdictes cources des Bourguignons et Angloys ; et adressèrent leurs lettres à monsieur Tarchevesque de Sens, maistre Eslienne de Pencher , qui estoit pour lors en court, à Lyon.

Fut aussi prins Nesle par les Bourguignons et Angloys, tant le chasleau que la ville.

En ce temps, le lundy xxvi* octobre , la dicte ville de Paris envoya par les maisons de la ville de Paris les quarteniers , cinqteniers et dixiniers pour donner ordre à la ville, sçavoir combien chacun feroit de gens, chacun en droit soy pour deffendre.

Les dictz Bourguignons et Angloys estoient fort garniz d'artillerie et avoient avec eulx plusieurs basteaux de cuir qu ilz portoient avec eux en charroy, pour passer les rivières qu'ilz vouloient passer.

En ce temps , à cause de ceste présente guerre , les manans et habitans de la ville de Roye portèrent la châsse du corps de Sainct Florent qu'ilz avoient à Roye , en seuretè et garde de la dicte ville de Compieigne pour le garder.

En ce temps le bourg de Questerroy *, qui est près Mondidier, fut prins des-dictz Angloys et Bourguignons et destruict du tout, et les habitans du lieu furent prins prisonniers et mis à rançon.

Aussi fut prins un chasleau nomme Mellinguez ^ qui est à deux lieues près de Mondidier, appartenant à