ïouteville ou Estouteville

gens qu'on ne liiy en devoit point bailler, attendu le maulvais tems et la grande nécessité de vivres, mesmement des bleds qui valloient pour lors a Paris cinq livres le septier, mesure de Paris ; depuis il fut donné au Roy la somme de dix mil livres.

Au dict an et moys de juillet, vindrent nouvelles à Paris que l'évesque du Puy, en Auvergne, s'en estoit allé rendre à monsieur de Bourbon , lequel avoit esté reprins et mené en prison par long temps devant, de par le Roy avec aultres *, à cause qu'il estoit du conseil de monsieur de Bourbon et néantmoins le Roy l'avoit délivré à la prière de monsieur de La Palisse, son frère, maresclial de France, à la caution et pleigement du dict seigneur de La Palisse; de laquelle allée et fuite du dict évesque le Roy fut très mal content.

Au dict an, en avril après Pasques, morust en Savoye madame de Nemours , laquelle en son vivant avoit espousé le seigneur magnifique Juliane, frère du pape Léon dixiesme, lequel estoit auparavant mort; et morust icelle dame veufve. Elle estoit seur de madame la régente de France, mère du Roy, et tante du Roy, et estoit yssue de la maison de Savoye. L'on dict que par son testament elle donna et délaissa tout son bien, tant meuble que immeuble, au duc de Savoye son frère, duquel don et legs le Roy fut très mal content, à cause que le dict duc de Savoye lenoit le party de l'empereur d'Alemaigne contre le Roy. A ceste cause, le roy de France fit saisir et mettre en ses mains toutes les terres qu'elle avoit acquises en France et tout son revenu.