Maures

D'UN BOURGEOIS DE PARIS (i524). 217

toutes sortes et estraiiges qui luy pourroient faire dommage et desplaisir , et que pour son bien il luy convenoit soy retirer et s'en aller hors de la ville. Dont il advint qu'il ne fut pas plus de trois jours qu'il y eut aucuns marranes qui firent sçavoir à monsieur de Bourbon qui estoit en Provence que le Roy estoit à petite compagnie en Avignon. Et incontinent le dict seigneur de Bourbon de ce adverty envoia en diligence mil hommes de pieds montez sur chevaulx légers pour cuider prendre le Roy. Mais incontinent le Roy de ce adverty s'en alla de la dicte ville d'Avignon à Vailence, en Daulphiné; et lors il jura y retourner à grosse puissance pour combattre ses ennemys, ce qu'il fît comme magnanime prince et courageux.

Item^ il est à sçavoir que la ville de Marseille fut assiégée par monsieur de Bourbon et son armée contre le Roy; mais il y avoit dedans gros nombre de gens d'armes, tant de cheval que de pied, qui résistèrent très fort pour le dict Roy. Y fut donné l'assault par le dict seigneur de Bourbon et ses gens, dont il y eut gros nombre de gens tuez de costé et d'aultre. Mais voiant le dict seigneur de Bourbon que le Roy qui estoit en Avignon et son armée y venoient, il se relira et s'en aila à Toulon qui est cité de par delà, laquelle il avoit gaignée sur le Roy ^

Iteni^ environ quinze jours après l'entrée du Roy en Avignon, y furent prins le secrétaire de monsieur

1. Voy. , sur le siège de Marseille , Bouche, Hist, de Provence^ 1. X, et dans le Recueil des chants historiques franc. , t. I, p. 96, une chanson dont nous avons parlé p. 145, note 2. Cette chanson y est datée à tort de 1325, car le sié^^e fut levé le 28 septembre 1524. Cf. Chronique manuscrite, p. 34 et 3ÎJ.

de Bourbon et son clerc d'office , qui estoient de ses officiers domestiques , lesquelz le Roy fit ammener dedans la ville d'Avignon, et, après les avoir veuz et interroguez, il les fit décapiter en la dicte ville d'Avignon.

Item , le samedy , huictiesme jour d'octobre , fut cbanlé Te Deum laudamus sol emn elle ment en la grande église Nostre-Dame de Paris, et sonnées les grosses cloches , et y esl oient les prévost et esclievins de la ville et les présidens aussi, parce qu'il estoit venu nouvelles , à la ville et à la cour de Parlement aussi, que le Roy avoit eu victoire sur ses ennemis qui estoient en Provence et que l'ost des dictz ennemis estoit levé et s'en estoient fuis.

Et après le marquis de Pesquière * et le seigneur de Bourbon s'en allèrent avec leur armée après avoir levé leur siège, dont le Roy adverty, il les poursuivit tellement qu'il en fut tué environ deux mil, et y en eut quatre ou six gros personnages de prins qui estoient Espaignolz, et y furent gaignées pour le Roy six grosses pièces d'artillerie et autres petites; et s'enfuit le dict seigneur de Bourbon, dont, par ce, la guerre cessa.

Du çoiage de Milan faict par le Rof après la guerre de Provence.

Le Roy voiantque ses ennemis s^en estoient allez de Provence, il les poursuivit tellement qu'il passa outre

i. F. F. d'Avalos, marquis de Pescaire, né en 1489, mort en 4S25. Sa femme, Vittoria Colonna, l'une des femmes les plus illustres de l'Italie, morte en i547, a laissé quelques poésies. Le portrait des deux époux, peint par Titien, se trouve au musée du Louvre. -. , .

et s'en alla de là les monts pour reconquester sa duché de Milan qu'il avoit perdue et laquelle les Espaignolz et monsieur de Bourbon avoient conqueslée sur luy pour l'Empereur.

Dont , pour faire son voiage, lui vindrent à son secours environ quatorze mil Suysses qu'il avoit envoyé quérir par monsieur le trésorier Morelet qui les luy amena en la dicte duché de Milan.

Il estoit bruit qu en la dicte ville de Milan et es environs il y avoit eu grosse mortalité, à cause de la guerre et qu'il y estoit mort par estimation environ trente mille ou quarante mille personnes.

Or fît tant le Roy par ses journées avec une grosse armée qu'il avoit menée, qui estoit estimée à quarante mil hommes , tant de cheval que de pied , tellement qu'il entra dedans Milan avec son armée ^

Et après il escrivit lettres à la cour de Parlement et aux prévost et eschevins de Paris comme il avoit conquesté la ville de Milan et qu'il en estoit paisible (possesseur); à cesle cause le samedi vingt-neuviesme octobre 1524, après disner, fut crié par les carrefours de Paris , à son de trompe, de par la cour de Parlement et de par la ville, qu'ilz avoient eu lettres du Roy, comme il estoit entré dedans la ville de Milan , qu'il avoit eu victoire contre ses ennemis, et qu'on priast Dieu pour luy; parquoi ce mesme jour il en fut clianté Te Deum laudamus en la grande église INoslre-Dame de Paris et sonnées les grosses cloches ; et y allèrent la cour de Parlement et les prévost et eschevins de la ville, honnestement habillez, pour rendre grâces à