Cf. Chronique manuscrite, p
2. Voy. clans Fonlanieii, portef. i96, à la date duli juin 1525, l'ordonnance de payement d'une fourniture de vivres pour Tarmce du duc d'Albany. — Ces vivres consistaient en quatre-vingtdeux quintaux d'amandes à dix livres tournois le quintal, et de vingt mille anguilles au taux de quatre sous et dix sous pièce. Ce qui nous semble un taux exhorbitant.
ilz avoient auparavant, elle dict chastel n'est pas loing de la terre de la duché de Milan.
(1525.) Au dict an 1524 , en février, fut arresté à BouUongne sur la mer l'ambassadeur du Pape qui alloit en Angleterre , qui vouloit passer pour aller au dict lieu d'Angleterre voir le roy anglois, mais à la fin, il fut délivré, et passa et y alla.
(1525.) Au dict an 1524, en janvier, le roy de France envoia le duc d'Albanye à Naples avec seize mil hommes de pied et six cens lances pour conquester le dict royaume de Naples pour le Roy, que tenoit l'Empereur contre le Roy.
Et, pour ce faire, promit le dict pape Clément sepliesme kiy bailler gens d'armes pour le faict de la conques! e du dict royaume, et partit le dict duc d'Albanye avec son armée au dict moys de janvier 1 524 , passa par Florence où il receut des Florentins cent mil ducatz qu'ilz baillèrent au Roy par manière de prest, passa aussy par Lucques où il receut des Lucquois douze mil ducatz. ^
Delà il alla à Rome où il parla au Pape et fut long espace de temps avec luy et son armée aussy, mais luy et son armée ne passèrent oultre , parceque depuis advint la prinse du roy de France, qui fut le vendredy vingl-quatriesme février, jour sainct Malhias , par monsieur de Bourbon, vice-royde Naples, le marquis de Pesquières , et aultres Espaignolz qui estoient là pour l'Empereur; puis s'en retourna en France avec son armée.
(1525.) Au dict an 1524, troisiesme février, advint dedans la ville de Hedin chose merveilleuse : c'estoit parceque le Roy tenoit la dicte ville par force contre
D'UN BOURGEOIS DE PARIS (1525). 22o
l'Empereur , il y eut quelcun des principaux de la ville auquel les ennemis parlèrent secreltement pour bailler la dicte ville pour l'Empereur, liiy promettant grosse somme de deniers , et desquelz il en avoit jà rcceu partie, et luy dict le jour qu'il luy devoit bailler la dicte ville et le mettre dedans. Monsieur de Pontde-Remy fut adverty par icelui citoyen, lequel seigneur de Pont-de-Remy estoit dans la ville gouverneur pour le Roy, lequel il enbardist de parachever son enlreprinse. Lors le jour de samedy venu, le dict seigneur Pont-de-Remy fit semer grande quantité de pouldre à canon par la rue à l'entrée de la porte par laquelle dévoient entrer les dicts gens d'armes ennemis. Environ my-nuict vinrent les ennemis, desquelz en fut bruslé bien peu , mais le dict seigneur de Pont-de-Remy luymesme y fut bruslé avec un canonnier; et son nepveu, monsieur de Canabe*, y cuida aussi estre bruslé, mais n'eust que toute la barbe bruslée; touteffois le dict seigneur de Pont-de-Remy vesquit par trois jours après sans mourir et fut porté à A^bbeville pour soy faire penser, où il y mourut ; et en fut grand dommaige et fut bien plainct, car il estoit bon chevalier françois; pour ses vaillances le Roy l'avoit faict chevalier de son ordre.
(1525.) Au dict an 1524, lundy treiziesme février, mourut à Paris maistre Pierre Legendre , trésoiier de France , en sa maison rue des Bourdonnoys , et est inhumé à Sainct - Innocent au sépulcre que fit faire son feu père, qui est tout joignant la chapelle de Rogemont*.
